1 DATU 9:10 - Sura' Madatu

¹⁰ Iatonna ganna’mo duangpulo taunna, tepumi tu banua da’dua nabangun Salomo, iamotu banuanNa PUANG sia banuanna datu.

1 DATU 9:10 ပူးပေါင်းရင်းမြစ်များ

1 DATU 3:1

Pakalan napomatusami Salomo tu Firaun datu Mesir, belanna napobaine tu lai’na Firaun sia nabaamo tama kotana Daud sae lako mangkanna tu datu umbangun tongkonan layukna sia banuanNa PUANG sia rinding tembo’ tu untikui Yerusalem.

1 DATU 6:37

Iatonna taun ma’penna’pa’ diotonmi tu parandangan banuanNa PUANG lan bulan Ziw.

1 DATU 6:38

Na iatonna taun ma’pessangpulo misa lan bulan Bul, iamo bulan ma’pengkarua, upu’mi dipabendan tu banua lan mintu’ bangunanna, sia mintu’nato unturu’ tongan pandirinna, naurungan pitung taun nabangun tu banua iato.

1 DATU 7:1

Apa iatu tongkonan layukna Salomo nabangun lan sangpulo tallu taunna; lan attu iato tepu nasang tu tongkonan layukna.

1 DATU 9:1

Iatonna mangkamo tu Salomo umbangun banuanNa PUANG sia tongkonan layukna datu sia mintu’ tu nasanganna Salomo la nagaraga,

1 DATU 9:11

Iatu Salomo natundui Hiram, datu Tirus, diona tu kayu arasi’ sia sendana sia bulaan pada tu naporainna. Attu iato nabenmi datu Salomo duangpulo kota dio tondok Galilea tu Hiram.

EZRA 5:11

Mebalimi tu tau iato mai lako kaleki, nakua: Kami te taunNakan Kapenombanna langi’ sola lino, sia kibangunmo sule te banua iate, tu mangka dibangun masai allomo lendu’na, tu nabangun sia napasundun misa’ datu tarompo’na to Israel.