1 DATU 8:66 - Sura' Madatu

⁶⁶ Iatonna allo ma’pengkaruamo nasuami male tu to buda, anna palakuanni tau iato mai kamasakke-sakkean tu datu, namane sule lako tendana, parannu sia sende-sende diona kameloan, tu Napogau’ PUANG lako Daud, taunNa, sia lako to Israel, taunNa.

1 DATU 8:66 ပူးပေါင်းရင်းမြစ်များ

KADADIAN 47:7

Nasolanni Yusuf tu Yakub, ambe’na, anna popangoloi lako Firaun; napassakkemi Yakub tu Firaun.

1 DATU 8:1

Iatonna attu iato narampunmi Salomo tu mintu’ pekaamberanna to Israel sia mintu’ pangulunna sukunna, iamotu to paa dio lu tongkonanna to Israel, mennolo lako datu Salomo dio Yerusalem, la umbaai langngan tu patti basseNa PUANG diong mai tondokna Daud, iamotu Sion.

1 DATU 8:47

sia iake napalan penaai tau iato mai tu apa iato lan tu tondok dinii male umpali’i, anna mengkatoba’ sia mengkamoya lako Kalemi lan tondokna tu to umpali’i sia ma’kada nakua: kasalammokan, umpogau’mokan kakadakean sia tang mekaalukmokan,

1 DATU 8:65

Attu iato napakarayami Salomo sola mintu’ to Israel tu allo kapua, iamotu misa’ kasirampunan kapua, randuk dio mai lalan lu lako Hamat sae lako salu’-salu’ Mesir, dio oloNa PUANG, Kapenombanta, lan pitung allo sia pitu pole’pa allona, sangpulo a’pa’ allona mintu’.

1 DATU 9:1

Iatonna mangkamo tu Salomo umbangun banuanNa PUANG sia tongkonan layukna datu sia mintu’ tu nasanganna Salomo la nagaraga,

2 OSSORANNA DATU 29:36

Parannu-rannumi tu Hizkia sia mintu’ to buda tu diona apa mangka Naparandan Puang Matua lako taunNa, belanna madoi’ lalo te apa iate.

2 OSSORANNA DATU 30:26

Denmi kaparannuan kapua lan Yerusalem, belanna randuk dio mai linona Salomo, anakna Daud, datu Israel, tae’ bangpa dadi susito lan Yerusalem.

2 OSSORANNA DATU 7:10

Iatonna allo ma’penduangpulona ntallu bulan ma’pempitu, naelorammi datu tu to buda sule lako tendana, siparannu-rannu sia matana penaa diona kameloan Napogau’ PUANG lako Daud sia Salomo sia lako to Israel, taunNa.

NEHEMIA 8:10

Ma’kadami tu Nehemia, iamotu to maraa, sola Ezra, tu to minaa na pandita sura’ sola mintu’ to Lewi, tu unnada’i bangsana, nakua: Maindan te allo iate lako PUANG, Kapenombammi; iamoto da namasussa tu penaammi sia da mitumangi’. Belanna tumangi’ tu mintu’ bangsa iato, tonna rangii tu kada Sukaran aluk.

NEHEMIA 9:25

Natalomi tu tau iato mai tu ba’tu pira-pira kota ditambakuku sia padang malompo sia unnala ba’tu pira-pira banua ponno ma’rupa-rupa apa maelo sia ba’tu pira-pira bubun batu, pa’lak anggoro’, garonto’ saitun sia kayu membua lendu’ ia budanna napomana’. Nakandei tau iato mai sadia’na anna malompo sia manaman katuoanna tete dio kakapuanna kamasokanamMi.

PA’PUDIAN 122:6

Palakuanni kamarampasan tu Yerusalem, sangapaoi anna rapa’ tu to ungkamali’ko.

PA’PUDIAN 122:9

Sia bannang dio banuanNa PUANG, Kapenombanta, angku dakarangko kameloan.

YESAYA 63:7

La ussa’bu’na pa’kamaseanNa PUANG sia penggauran kapudianNa PUANG sitinaya tu mintu’ Napogaurangki’ PUANG sia kamasokanan kapuaNa lako bati’na Israel, tu Napakitan tau iato mai sitinaya kamamaseanNa sia kabudanna pa’kaboro’Na.

ZEFANYA 3:14

Mela’tekko, e anak dara Sion, unnarrakko, e Israel; sende paimanko sia ponno penaammu parannu-rannu, e anak dara Yerusalem.

ZAKHARIA 9:17

Manassa, lendu’ tongan ia kapuana kasalamaranna tu tondok iato, ondongpi lendu’ tongan ia kapuanna kamaballoanna! Iatu gandung umpamaloboran pia muane sia iatu uai anggoro’ ba’ru umpamarumbo pia baine.

ZAKHARIA 9:9

Sila’tekangko, e anak dara Sion, unnarrak-arrakko, e anak dara Yerusalem! Manassa iatu datummu saemo lako kalemu, malambu’ sia pasau’, umpamadiongan penaanna, sia ussakei keledai, iamotu keledai laki, anakna keledai birang.

PENGGAURANNA RASULU’ 2:46

Keallo-keallo sanginaa bang makaritutu tama banuanNa Puang Matua, sia ullelei banua nanii sirampun untepu-tepu roti, anna kumande situru’ kaparannuan sia penaa malambu’na,

GALATIA 5:22

Apa iatu mai buanNa Penaa, iamotu pa’kaboro’, kaparannuan, kamarampasan, pesuka’ kalando, kamasokanan, kameloan, kamarurusan,

PA’TOLE 12:12

La parannukomi dio oloNa PUANG, Kapenombammi, la kamu la anakmi muane la anakmi baine la kaunanmi muane la kaunanmi baine, sia to Lewi, tu torro lan babangan kotami, belanna tae’ apa napoapa sia tae’ apa napotaa mana’ dio lu kamu.

PA’TOLE 12:18

Apa dio oloNa PUANG, Kapenombammu, la munii ungkandei, dio inan Napilei PUANG, Kapenombammu, la iko la anakmu muane la iatu mai anakmu baine la kaunanmu muane sia kaunanmu baine sia to Lewi, tu torro lan babangan kotamu, ammu parannu dio oloNa PUANG, Kapenombammu, diona mintu’ apa mangka mutoe.

PA’TOLE 12:7

Indemoto la minii kumande dio oloNa PUANG Kapenombammi, sia parannu la kamu la iatu mintu’ to lan banuammi diona tu mintu’ apa mitoe tu Nanii PUANG, Kapenombammi umpamasakkekomi.

PA’TOLE 16:11

La parannu-rannuko dio oloNa PUANG, Kapenombammu, iko sola tu mai anakmu muane sia iatu mai anakmu baine, kaunanmu muane sia ia tu mai kaunanmu baine, sola to Lewi, tu torro lan babangan kotamu, sia to sae, sia pia biung sia baine balu, tu misisolan, dio inan tu la Napilei PUANG, Kapenombammu, la Napannii sanganNa dio.

FILIPI 4:4

Tontongkomi parannu tete dio Puang, kutolepa pissan kupokada kumua: parannukomi.

YOSUA 22:6

Napassakkemi Yosua tu tau iato mai, anna suai male. Sulemi lako to’ tendana.