1 DATU 8:65 - Sura' Madatu

⁶⁵ Attu iato napakarayami Salomo sola mintu’ to Israel tu allo kapua, iamotu misa’ kasirampunan kapua, randuk dio mai lalan lu lako Hamat sae lako salu’-salu’ Mesir, dio oloNa PUANG, Kapenombanta, lan pitung allo sia pitu pole’pa allona, sangpulo a’pa’ allona mintu’.

1 DATU 8:65 ပူးပေါင်းရင်းမြစ်များ

KADADIAN 15:18

Allo ia dukamoto anNa basse kada tu PUANG sola Abram, Nakua: Kubenmo bati’mu tu padang iate, angge dio mai salu Mesir landa’ lako salu kapua iamotu salu Efrat:

1 DATU 3:15

Mangkato pana’dingmi tu Salomo, a’a, tindo ia pale’. Malemi tama Yerusalem anna bendan dio tingayo patti basseNa Puang sia umpemalaran pemala’ ditunu pu’pu’ sia umpennoloan pemala’ kasalamaran, anna padenanni pa’maruasan kurre sumanga’ tu mintu’ taunna.

1 DATU 4:21

Iatu datu Salomo umparenta mintu’ kadatuan randuk dio mai salu Efrat sae lako tondok to Filistin, landa’ lako lili’na Mesir; iatu tau iato mai ma’kasian sia mengkaola lako Salomo lan mintu’ allo katuoanna.

1 DATU 4:24

Belanna naparenta datu tu mintu’ lili’ indena mai salu Efrat, randuk dio mai Tifsah sae lako Gaza, iamotu mintu’ datu indena mai Salu, anna marampa’ tu datu tiku lao.

1 DATU 8:2

Ma’rampunmi tu mintu’ muane to Israel lako datu Salomo, la umpakaraya pa’gauran lan bulan Etanim, iamotu bulan ma’pempitu.

1 DATU 8:66

Iatonna allo ma’pengkaruamo nasuami male tu to buda, anna palakuanni tau iato mai kamasakke-sakkean tu datu, namane sule lako tendana, parannu sia sende-sende diona kameloan, tu Napogau’ PUANG lako Daud, taunNa, sia lako to Israel, taunNa.

2 DATU 14:25

Naalamo sule tu lili’na Israel, randuk dio mai batatta lako Hamat sae lako tasik dio Araba, susitu kadanNa PUANG, Kapenombanna to Israel, tu mangka Napokada nalopian taunna, nabi Yunus, anakna Amitai, to dio mai Gat-Hefer.

2 DATU 17:24

Iatu datu Asyur umpalele tau dio mai Babel sia dio mai Kuta sia dio mai Awa sia dio mai Hamat na Sefarwaim, nasua ma’tondok dio lu mintu’ kota lan lili’na Samaria la ussonda to Israel. Napotondokmi tu Samaria sia natorroi tu mai kotana.

2 DATU 23:33

Napattangmi Firaun Nekho dio Ribla dio tondok Hamat, kumua damo nama’parenta dio Yerusalem, sia nadosa tu tondok iato saratu’ talenta salaka na misa’ talenta bulaan.

1 OSSORANNA DATU 1:16

sia to Arwadi sia to Semari sia to Hamati.

1 OSSORANNA DATU 13:5

Narampunmi Daud tu mintu’ to Israel dio mai salu Sikhor dio Masir sae lako batatta lu lako Hamat, la unnalai tu pattinNa Puang Matua dio mai Kiryat-Yearim.

2 OSSORANNA DATU 30:13

Budami tau sirampun lako Yerusalem la umpakaraya pa’gauran roti tang diragii lan bulan ma’penduan, iamotu kombongan marua’ tongan.

2 OSSORANNA DATU 30:23

Umpadenmi kasiturusan tu mintu’ kombongan la umpogau’pi tu pa’maruasan pitung allo, napogau’mi tu pa’maruasan situang kasendean.

KATASSURAN 23:31

Iatu lili’ tondokmu la Kukamaseangko randuk dio mai tasik Teberau sae lako tasik to Filistin sia dio mai padang pangallaran sae lako salu Efrat belanna mintu’ tau lan tondok iato la Kusorong tama limammu, ammu rambai tu tau iato mai dio mai tingayomu.

YESAYA 27:12

Attu iato la manglullu’ tu PUANG randuk dio mai Salu kapua landa’ lako salu Mesir; apa iatu kamu e to Israel, la Naruruk simisa’komi.

YEHEZKIEL 47:19

Na iatu rampe lo’na lu: randuk dio mai Tamar ma’palusau’ Uai kasite’geran dio Kadesh, sae lako salu’-salu’, tarru’ lako tasik kapua. Iamote tu rampe lo’na lu, ma’palusau’ Padang rampe lo’na lu.

AMOS 6:14

Belanna tonganna la Kupake’de’ ullaoikomi, e bati’ Israel, kadanNa PUANG, Kapenombanna mintu’ ma’dandan maritik, tu misa’ bangsa, la umpandasakomi randuk dio mai lalan lako Hamat sae lako salu’-salu’ Araba.

AMOS 6:2

Malekomi lako Kalne, ammi tiroi, sia ammi ke’de’ inde to dio mai lako Hamat kapua, ammi solo’ rokko Gat, lili’na to Filistin. Mandu meloraka to na iate kadatuan iate, mandu kalua’raka tu lili’na na iatu lili’mi?

KADIBILANGAN 34:5

Na passaparan dio mai Azmon la tibangko lu lako salu’-salu’ Mesir, na iatu tampakna la rampo lako tasik.

KADIBILANGAN 34:8

Dio mai buntu Hor la mipamanassa tu gorri’na sae lako lalan lu lako Hamat, na iatu tampak passaparanna la dio Zedad.

YOSUA 13:3

randuk dio mai Sikhor dio rampe matallona Mesir sae lako lili’na Ekron ma’palurekkena – padang iate dipasangbilangan padang to Kanaan –; iatu lima arung to Filistin, iamotu arungna Gaza, Asdod, Askelon, Gat sia Ekron, sia to Awi,

YOSUA 13:5

sia padang to Gebal sia mintu’ Libanon rampe matallo, randuk dio mai Baal-Gad, tu diong garonto’ buntu Hermon, sae lako batatta lu tama Hamat;

YOSUA 15:1

Iatu taana suku to Yehuda tonna diloterei unturu’ mintu’ pa’rapuanna ma’angge lili’na Edom, sae lako padang pangallaran Zin ma’palusau’na, dio iringna rampe lo’na lu.

YOSUA 15:4

sia tarru’ lako Azmon, anna tassu’ sae lako salu’-salu’ Mesir, naurungan iatu anggenna sumpu lako tasik. Iamote tu angge lili’ padangmu rampe sau’na.

YOSUA 19:35

Inde sia tu mintu’ kota ditambakuku, iamotu Zidim, Zer, Hamat, Rakat, Kineret,

TO PARENGNGE’ 3:3

Torropa tu lima arungna kota to Filistin na mintu’ to Kanaan sia to Sidon sia to Hewi, tu untorroi buntu Libanon, randuk dio mai buntu Baal-Hermon sae lako batatta ma’palulako Hamat.