1 DATU 8:51 - Sura' Madatu

⁵¹ Belanna iatu tau iato mai taumMi sia mana’Mi, tu mangka Misolan tassu’ lan mai Mesir, lan mai to’ dapo’ bassi.

1 DATU 8:51 ပူးပေါင်းရင်းမြစ်များ

1 DATU 8:53

Belanna Mipamarimbanganammo Kalemi tu tau iato mai dio mai mintu’ bangsa dao kuli’na padang, susitu mangka Mipokada nalopian Musa, taumMi, tomMi solanni tu nene’ to doloki tassu’ lan mai Mesir, o Puangki PUANG.

2 OSSORANNA DATU 6:39

attu iato la Miperangii dao mai suruga, inan matontongamMi, tu passambayangna sia pengkamoyana tau iato mai, amMi tongananni sia la Mipagarri’ tu mintu’ apa napokasalan lako Kalemi.

NEHEMIA 1:10

Tonganna tau iato mai taumMi sia bangsaMi, tu mirampanan tete dio kamatotoran kapuaMi sia lima mawatangMi.

PA’PUDIAN 28:9

Lendokanni tu taumMi sia pamasakkei tu mana’Mi, kambi’i sia kaduttu’i sae lakona.

YESAYA 48:10

Kusa’pomoko, apa tang susi ussa’po salaka; Kusudimoko lan panglallangan kamaparrisan.

YESAYA 64:9

O PUANG, da Misengke tarru’ bang sia da Mitontong ungkilalai tu kakadakeangki. Tiromi sia mantami: kami sola nasang te, taumMi.

YEREMIA 11:4

tu Kupepasanan lako nene’ to dolomi to allo Kunii umpatassu’i lan mai tondok Mesir, lan mai dapo’ bassi, Kukua: Perangii tu gamarangKu sia pogau’i tu mintu’ apa tu Kupepasanan lako kalemi, ammi dadi taungKu anna Aku dadi Kapenombammi,

YEREMIA 51:19

Apa tae’ nasusito tu taana Yakub; Iamo To kumombongna sanda mairi’ sia Israel tu Garonto’ mana’Na; iamo digente’ PUANGna mintu’ ma’dandan maritik.

DANIEL 3:26

Malemi tu Nebukadnezar lako to’ ba’ba dapo’, nanii api ma’lana-lana: nama’kada nakua: E Sadrakh, Mesakh na Abednego, kamumo tu taunNa Puang Matua patodoranna, tassu’mokomi mai. Tassu’mi tu Sadrakh, Mesakh na Abednego lan mai to’ api.

PA’TOLE 32:9

Belanna iatu taunNa tu Napotaa PUANG, Yakub iamo Napotaa mana’ Puang, tu disukaranni.

PA’TOLE 4:20

apa iatu kamu Naalamokomi PUANG sia Nasolangkomi tassu’ lan mai dapo’ bassi, iamotu Mesir, ammi dadi taunNa, susitu a’gammi te allo iate.