1 DATU 8:44 - Sura' Madatu

⁴⁴ Iake sunni tu taumMi la sirari ualinna lako lalan Mipapatuanni sia massambayang lako PUANG mentingo lako kota iate, tu mangka Mipilei langsa’, sia lako banua iate, tu mangka kubangunan sangamMi,

1 DATU 8:44 ပူးပေါင်းရင်းမြစ်များ

2 SAMUEL 5:19

Mekutanami Daud lako PUANG, nakua: La sirarira’ka tu to Filistin? La Misorongraka tama limangku? Ma’kadami tu PUANG lako Daud, Nakua: Ke’de’moko, belanna manassa la Kusorong tu to Filistin tama limammu.

2 SAMUEL 5:23

Napekutanammi Daud lako PUANG, anNa ma’kada tu Puang Nakua: Da mulaoi dio mai tingayo, tigirikko ammu tamai boko’i, muurunganni ullaoi dio mai to’ garonto’ baka.

1 DATU 8:16

Randuk dio mai allo Kunii ussolan taungKu sun lan mai Mesir, tae’ angKu pilei langsa’i tu misa’ kota dio lu mintu’ sukunna to Israel, la dinii umbangunni tu misa’ banua, kumua anna nii sangangKu lan, sangadinna Kutonno’ bua kayumo tu Daud la umpangului tu taungKu Israel.

1 DATU 8:45

perangii dao mai suruga tu passambayangna sia pengkamoyana sia sandatonganni.

2 OSSORANNA DATU 18:31

Iatonna tiromi mintu’ kamandang kareta tu Yosafat, metambami tu tau iato mai, nakua: Iamotu tu datu Israel. Napatama limbumi tau iato mai la ullaoi. Apa meongli’ tu Yosafat anna tundui PUANG, Napatiakka’mi Puang Matua tu penaanna tau iato mai, anna toyang dio mai kalena.

2 OSSORANNA DATU 20:5

Bendanmi tu Yosafat lan tangngana kombongan to Yehuda sia to Yerusalem dio banuanNa PUANG dio tingayo tarampak ba’ru,

2 OSSORANNA DATU 32:20

Apa iatu kamasussan iato napobannang anna massambayang tu datu Hizkia sia nabi Yesaya, anakna Amos, anna meongli’ langngan langi’.

2 OSSORANNA DATU 6:34

Iake sunni tu taumMi la sirari ualinna lako lalan Mipapatuanni sia massambayang lako Kalemi mentingo lako kota iate, tu mangka Mipilei langsa’, sia lu lako banua iate, tu mangka kubangunan sangamMi,

DANIEL 6:10

Iamoto nasura’mi datu Darius tu sura’ parenta sola atoran iato.

TO PARENGNGE’ 4:6

Mesuami untambai Barak, anakna muane Abinoam dio mai Kedesh lan lili’na Naftali, anna ma’kada lako, nakua: Tae’raka Napasan PUANG, Kapenombanna to Israel, kumua: maleko langngan buntu Tabor, musolanni tu sangpulo sa’bunna to Naftali sia to Zebulon.

TO PARENGNGE’ 6:14

Attu iato messailemi tu PUANG Nama’kada lako, Nakua: Ke’de’moko situang te kamatotorammu, ammu rampananni tu to Israel lan mai limanna to Midian. Tangiaraka Aku te ussuako?

1 SAMUEL 15:18

Nasuamokomi PUANG umpogau’i te pepasan iate, Nakua: Maleko, musabu’i butung pepayu tu to kadake gau’na, iamotu mintu’ to Amalek; rarii tu tau iato mai sae lako pisanna.

1 SAMUEL 15:3

Totemo malemokomi untaloi tu to Amalek, sabui’ tu mintu’ apa dio kalena butung pepayu; da midampangi, sangadinna patei la muane la baine, la pia la anak ma’susupa, la sapi la domba, la unta sia keledai.

1 SAMUEL 30:8

Mekutanami tu Daud lako PUANG, nakua: Ma’dinraka kuula’i tu kaponan iato? La kulambi’ siaparaka? Nabalimi Puang nakua: Ula’imi, belanna la mulambi’pa sia manassa la murampanan nasang.