1 DATU 8:43 - Sura' Madatu

⁴³ la Miperangii dao mai suruga inan matontongamMi, sia pasituru’i tu mintu’ apa napengkamoyai tu to sae lako Kalemi, anna mintu’ bangsa dao kuli’na padang untandai tu sangamMi, naurunganni umpangke’Komi tu tau iato mai, susi taumMi to Israel, sia anna tandai, kumua sangamMimo tu disa’buranni te banua iate, tu mangka kupabendan.

1 DATU 8:43 ပူးပေါင်းရင်းမြစ်များ

1 DATU 18:36

Iatonna lambi’mi attunna dinii memala’ bongi, tassu’mi tu nabi Elia dio tingayona to buda nama’kada nakua: O PUANG, Kapenombanna Abraham, Ishak na Israel, allo iate melo, ke payanni, kumua Kamumo tu Kapenomban dio lu to Israel, sia akumo tu taumMi, na iatu mintu’ apa kupogau’ te unturu’ kadamMi.

1 DATU 8:60

Anna issanni mintu’ bangsa dao kuli’na padang, kumua PUANGmo tu Kapenomban, tae’ senga’na,

2 DATU 19:19

Iamoto, o PUANG, Kapenombangki, lendokangkan dio mai kuasanna, anna issanni mintu’ kadatuan lan te lino, kumua Kamu mannari, o PUANG, tu Kapenomban.

1 OSSORANNA DATU 16:8

Pudimi tu PUANG sia meongli’komi ussa’bu’ sanganNa; Pakaleleanni tu penggauranNa dio lu mintu’ bangsa.

2 OSSORANNA DATU 6:33

la Miperangii dao mai suruga, inan matontongamMi, sia pasituru’i tu mintu’ apa napengkamoyai to sae lako Kalemi, anna mintu’ bangsa dao kuli’na padang untandai tu sangamMi sia ungkasiri’Komi, susi taumMi to Israel, sia anna tandai, kumua sangamMimo tu disa’buranni te banua mangka kubangun.

PA’PUDIAN 102:15

Belanna mintu’ taumMi ungkamali’ batunna Sion, sia tang namasean tu barra’-barra’na.

PA’PUDIAN 22:27

Iatu to umpamadiongan penaanna la kumande sadia’na, sia mintu’ to undaka’ PUANG la umpudiI. Sangapaoi anna paya tu sumanga’mi tontong sae lakona.

PA’PUDIAN 33:14

Dao mai inan Naisungi Nanii umpenunu mintu’ to untorroi kuli’na padang,

PA’PUDIAN 67:2

Anna Puang Matuamora ungkamaseiki’ sia umbura’ki’ lindo masakke, sia umpaarrangiki’ rupanNa, Sela

PA’PUDIAN 86:9

Mintu’na bangsa tu mangka Mikombong la sae menomba dio oloMi, o Puang, sia umpakala’bi’ sangamMi.

YESAYA 11:9

Tae’mo tau la umpogau’ kakadakean ba’tu la umpabu’tu mesangganginna dao lili’na buntu maindanKu. Belanna la naponnoi kapaissanan diona PUANG tu mintu’ lino susi uai buda ussamboi salinna tasik.

YEREMIA 25:29

Belanna manassa Kuparandukmo ussanggangi tu kota dinii ussa’bu’ sangangKu, umba nakua nala tang urruakomi? Tae’ mila tilendok dio mai kamandasan, belanna Akumo la umparampoi kandean pa’dang tu mintu’ to untongkonni kuli’na padang, kadanNa PUANGna mintu’ ma’dandan maritik.

PA’TOLE 26:15

Pemarangai dao mai isungan maindanMi, dao mai suruga, sia pamasakkei tu taumMi Israel, sia tondok tu mangka Misorong lako kaleki, – susitu Miallu’ Mipalaoi sumpa lako nene’ to doloki – iamotu misa’ tondok sebo pangandu’ sia tani’ enoan.

YOSUA 4:23

Belanna Napamarangke PUANG, Kapenombammi, tu uai Yordan dio tingayomi sae lako tappummi lamban, susitu mangka Napogau’ PUANG, Kapenombammi, lako tasik Teberau, tu Napamarangke dio tingayota sae lako tappunta lamban,

YOSUA 4:24

kumua anna issanni mintu’ bangsa dao kuli’na padang tumbai mawatangna tu limanNa PUANG, anna kataku’i tau iato mai tu PUANG, Kapenombammi, lan mintu’ allo.

KADA OMBO’ LAKO RASULU’ YOHANES 11:15

Iatu malaeka’ ma’pempitunna umpannoni tarompe’ puana, denmi ba’tu pira-pira gamara kapua dao suruga ma’kada nakua: Iate kadatuan lino natoemo Puangta sia To Natokko, Iamo la ma’parenta tontong sae lakona.

1 SAMUEL 17:46

Allo ia dukamote Nasorongko PUANG tama limangku, angku pateiko sia kupoloi tu ulummu, sia allo ia dukate kubenni manuk-manuk dao lu langi’ sia mintu’ olo’-olo’ dio lu padang tu batang rabukna to Filistin, anna issanni mintu’ issinna lino, kumua dio bangsa Israel den tu Puang Matua.