1 DATU 8:36 - Sura' Madatu

³⁶ attu iato la Miperangii dao mai suruga sia la Mipa’dei tu kasalanna taumMi sia taumMi to Israel – belanna Mipatuduan lalan melo tu tau iato mai tu sipatu la naolai – sia Mipasaean uran tu padang, tu mangka Mikamasean taumMi la napomana’.

1 DATU 8:36 ပူးပေါင်းရင်းမြစ်များ

1 DATU 18:1

Iatonna masai allomo lan taun ma’pentallunna, rampomi tu kadanNa PUANG lako Elia, nakua: Maleko umpa’petiroan kalemu lako Ahab, belanna la Kupasaemo tu uran dao te kuli’na padang.

1 DATU 18:41

Undinnato ma’kadami tu Elia lako Ahab nakua: Malemokomi, kumande sia mangiru’, belanna denmo to ongngo’na uran kamban.

1 DATU 18:45

Pakalan lan sangpekkappidian matari namalotongmo tu langi’, nakabu’ salebu’ sia angin, nasae tu uran kamban tongan. Na iatu Ahab malemo ma’kareta lako Yizreel.

PA’PUDIAN 119:133

Pabantangi tu mintu’ tengkaku situru’ pangallu’Mi, sia da anna den kakadakean umparentana’.

PA’PUDIAN 119:33

O, PUANG ada’ina’ tu lalan aluk Mipondok, angku karitutui landa’ lako ma’katampakanna.

PA’PUDIAN 143:8

Pasomboanna’ kamasokanamMi, ke makale’, belanna sande’ mati’na’ Kalemi; patiroanna’ tu lalan sipatu la kuola, belanna Mati’ kunii umpakendek penaangku.

PA’PUDIAN 25:12

Mindara tu to ungkasiri’ PUANG? iamotu to la Napatudu lako lalan umbanna tu sipatu natonno’.

PA’PUDIAN 25:8

Iatu PUANG masokan sia manappa’, iamoto anNa ada’i lalanNa tu to kasalan.

PA’PUDIAN 27:11

Ada’ina’ tu lalanMi, o PUANG, sia solanna’ lako lalan malolo, tu belanna mintu’ to umbalina’.

PA’PUDIAN 32:8

La Kupakilalako sia la Kupatuduko tu lalan sipatu la muola; la Kupokadangko tangnga’ sia la Kutuntun matako.

PA’PUDIAN 5:8

Apa aku te la tamana’ banuamMi, belanna pa’kamasean kapuaMi, sia la tukkuna’ umpennoloi banua kabusungamMi situang kamatakuran mati’ Kalemi.

PA’PUDIAN 68:10

O Puang Matua, Kamumo umpasae uran kamban, sia Kamumo umpapaya taumMi tonna kopa.

PA’PUDIAN 68:9

Tisenomi tu lino, sia lollo’ tu langi’, dio oloNa Puang Matua, ia duka tu Sinai tiseno dio oloNa Puang Matua, Kapenombanna to Israel.

PA’PUDIAN 86:11

O PUANG, ada’ina’ tu lalanMi, angku pengkaolai kamanapparamMi; pakalebui tu penaangku angku kataku’ sangamMi.

PA’PUDIAN 94:12

Maupa’ tu to Miada’, o PUANG, sia to Mipatudu lan mai sukaran alukMi.

YESAYA 30:21

Iake la sepangkomi lako kairi ba’tu lako kanan, la murangi tu kada dipokada dio boko’mu, nakua: Iamote tu lalanna, la miolaimo.

YESAYA 35:8

Sia inde to la den misa’ batatta marante, tu digente’ lalan maindan; moi misa’ to maruttak tae’ unnolai; sangadinna tau ia manna to mai umpolalanni, sia tang nalomban to lumio’ sia to baga.

YEREMIA 14:22

Denraka misa’ tu rapang-rapang dipodeata tu tae’ gai’na dio lu mintu’ bangsa ma’din umpasae uran? Ma’dinraka tu langi’ umpatibarrak uran sae? Tae’raka naKamu, o PUANG, Kapenombangki? Iamoto angki rannuangKomi, belanna Kamu umpadadii tu mintu’nate.

YEREMIA 42:3

Kumua anna PUANG, Kapenombammi, umpokadangkan lalan umba tu sipatu la kiola sia apa tu sipatu la kipogau’.

YEREMIA 6:16

Iamote tu kadanNa PUANG: Bendankomi dio lu to’ batatta; tiro meloi sia pekutananni tu lalan dolo, umbanna tu lalan tongan, anna ia mipolalan, anna rapa’ penaammi; apa nakua tu tau iato mai: Manokakan umpolalanni.

YOËL 2:23

E kamu, mintu’ to Sion, sila’tekangkomi sia parannu-rannukomi tete dio PUANG, Kapenombammi, belanna Nabenkomi to mangada’ lako kamaloloan, ondongpi Napasaeangkomi uran kamban, uran bunga’ sia uran tampak, susi dolona.

MIKHA 4:2

Sia buda to sangpetayanan la ke’de’ male anna ma’kada nakua: Maikomi anta male langngan buntunNa Puang, langngan banuanNa Kapenombanna Yakub, anNa ada’iki’ diona mintu’ lalanNa sia anta olai tu mai lalanNa, belanna lan mai Sion la nanii bu’tu tu Sukaran aluk sia iatu kadanNa lan mai Yerusalem.

MATIUS 22:16

Anak gurunna kalenami nasua sola to Herodian lao umpokadai kumua: O Guru, kiissan kumua Kamumo misa’ to malolo, sia lalanna tongan bang Puang Matua Mipa’pangadaran, sia tae’ tau Milaenan moi misa’ duka, belanna tae’ Mimentiro lindo lako tau.

1 SAMUEL 12:23

Na iatu aku kurannuan tongan la dipamambela dio mai kaleku umpogau’i te kasalan iate lako PUANG, iamotu la tadang umpengkamoyangkomi; sangadinna la kuada’ikomi tu lalan melo sia tongan.