1 DATU 8:34 - Sura' Madatu

³⁴ la Miperangii dao mai suruga sia pa’dei tu kasalanna taumMi to Israel sia pasulei tu tau iato mai tama tondok, tu mangka Mikamasean nene’ to dolona.

1 DATU 8:34 ပူးပေါင်းရင်းမြစ်များ

KADADIAN 13:15

belanna mintu’ tu padang mutiro, la Kuba’giangko sia Kuba’gian lanto mimi’mu tontong sae lakona.

1 DATU 8:30

Perangii tu pengkamoyana taumMi sia taumMi to Israel, tu la napennoloan lan inan iate. Manassa la Miperangii sia lan mai inan Minii torro, iamotu dao suruga; sia iamMi rangimi, la Mipa’dei tu kasalangki.

1 DATU 8:33

Iake nataloi ualinna tu taumMi to Israel, belanna kasalan tu tau iato mai lako Kalemi, anna mengkatoba’ lako Kalemi unnaku sangamMi sia massambayang sia mengkamoya lako Kalemi lan banua iate,

1 DATU 8:35

Iake titutu’i tu langi’, naurunganni tae’ uran sae, belanna kasalammo tu tau iato mai lako Kalemi, anna massambayang lan inan iate unnaku sangamMi sia natobaran tu salana, belanna Mipopengkadiongammo,

PA’PUDIAN 106:46

Sia Napabu’tu tu kamamasean lako tau iato mai, lan ba’tengna mintu’ to urrampai.

PA’PUDIAN 106:47

O PUANG, Kapenombangki, lendokangkan, sia pasidurukkanni sule lan mai to’ ba’tu pira bangsa, angki pudi sanga maseroMi, sia massattuan lan kadipudiamMi.

PA’PUDIAN 85:2

O Puang, naalamo penaamMi tu padangMi. Mipopembalimo tu torro ke’de’na bati’na Yakub:

KATASSURAN 6:8

Ma’kadami tu Musa susito lako to Israel, apa tae’ naperangii tu Musa, belanna kapussakanna penaanna sia belanna pa’pokaunanan masang iato.

YEREMIA 31:27

Tonganna la sae tu allona, kadanNa PUANG, ke Kuambo’imi bati’ torro tolino sia bati’ patuoan tu tondok to Israel sia iatu tondok to Yehuda.

YEREMIA 32:37

Manassa la Kupulung tu tau iato mai lan mai mintu’ tondok, tu Kunii urrambai male tete dio kasengkeangKu sia kare’dekangKu sia kamagi’giran kapuaKu, sia Aku la umpasulei lako inan iate sia la umpatorro marampa’i.

DANIEL 9:12

Napalanda’mo tu mintu’ kadanNa, tu mangka Napokada diona kami sia diona mintu’ to ma’parentaki, tu umparentakan, belanna Naparampoikan kasanggangan lendu’ kapuana, susitu tae’ bangpa nadadi lan mintu’ nasambo langi’, sangadinna lan manna Yerusalem.

DANIEL 9:19

O Puang, perangii! O Puang, pagarri’i! O Puang, palan penaai! Pogau’i damo Midampai, belanna Kalemi, o Kapenombangku, belanna disa’bu’ tu sangamMi naposanga kotaMi sia taumMi.

DANIEL 9:25

Issanni sia tandai, kumua randuk dio mai attu tassu’na tu kada la umpemeloi sia umbangunni sule tu Yerusalem sae lako kaparentanna misa’ to ditokko, iamotu misa’ arung, den pitung minggu, sia annan pulona ndua minggu la dinii umpemeloi sia umbangunni, anna torro susito, sola tana lapangna sia kalo’na, apa siappa’ attu kadipakario-rioan.

AMOS 7:2

Iatonna sidi’mora anna imbakan nasangi tu apa tuo diong mai padang, ma’kadamo’ kukua: O Puangta PUANG, pagarri’mi! Umbara nakua tu Yakub ungkullei torro bendan, belanna bitti’?

PA’TOLE 30:1

Iake narampoiko te mintu’ apa, iamotu kamasakkean sia tampak ropu, tu kupennoloan dio tingayo, ammu palan penaai te iannate dio lu mintu’ bangsa, tu Nanii urrambaiko PUANG, Kapenombammu,

PA’TOLE 30:4

Moi na iatu to dirambaimmu torro dio randan langi’, la Napasirampun duka PUANG, Kapenombammu, dio mai sia Nasolan dio mai,

YOSUA 21:43

Susimoto tu PUANG ungkamasean to Israel mintu’ padang, tu umpalao sumpa unnallu’i lako nene’ to dolona; naalami napomana’ tau iato mai sia nanii ma’tondok.