1 DATU 8:32 - Sura' Madatu

³² la Miperangii dao mai suruga, sia Mipogau’i to sia la Mipaolai salunna tu taumMi, amMi pasalai tu to sala sia Mipasule langngan botto ullunna tu penggauranna, amMi sanda-tonganni tu to tongan sia Mipapakkanni sitinaya kamalamburanna.

1 DATU 8:32 ပူးပေါင်းရင်းမြစ်များ

2 SAMUEL 22:21

Napapatuimo’ PUANG sitinaya kamaloloangku, sia Napapakkannina’ sitinaya kamaseroanna limangku,

1 DATU 2:32

La Napasulean PUANG tu rarana dao botto ulunna, belanna mangka umba’ta sia umpatei pa’dang tu da’dua to malambu’ sia melo anna ia, tu tang naissan ambe’ku Daud, iamotu Abner, anakna Ner, pangulu rarinna to Israel sia Amasa, anakna Yeter, pangulu rarinna to Yehuda.

1 DATU 2:33

Susimoto tu rarana tau sola duai la dipasulean langngan botto ulunna Yoab sia langngan ulunna mintu’ lanto mimi’na sae lakona, apa iatu Daud sola mintu’ lanto mimi’na sia to lan banuanna sia isungan kapayunganna la unnappa’ kamarampasan dio mai PUANG tontong sae lakona.

ESTER 9:25

Apa iatonna malemo (tu Ester) mennolo lako datu, napatassu’mi datu tu sura’ parenta, kumua iatu tangnga’ kadake tu natangnga’ unnea to Yahudi, la sule ta’pa dao ulunna. Iatu Haman sia mintu’ anakna muane nasula tau lako misa’ lentong.

PA’PUDIAN 18:25

Iamoto anNa papakkannina’ PUANG sitinaya kamaloloangku, sia sitinaya kamasero-pindananna limangku dio oloNa.

PA’PUDIAN 7:9

PUANG umpaolai salunna mintu’ bangsa, paolaina’ salunna sitinaya kamaloloangku, sia penaa ma’bulo-lollongku.

KATASSURAN 23:7

Toyangangko kalemu dio mai kakelokan. Iatu to tae’ salana sia malambu’, da muukungi la dipatei, belanna tae’ Kusanda tonganni tu to kadake.

KATASSURAN 34:7

tu umpatontong kamasokananNa lako ma’sa’bu-sa’bu tau, tu umpagarri’ mintu’ kapatodo-tintingan sia kakelokan sia kasalan; inang tae’ nabilang maseroi tu mintu’ to umpogau’ kasalan, sangadinna umpapakkanni kakelokanna mintu’ ambe’ lako anak-lanto mimi’na sae lako osso’ ma’pentallunna sia ma’penna’pa’na.

SARAMBU PEADA’ 1:31

iamoto la nakande tu bua penggauranna, sia umpedia’i kalena pa’tangngaranna.

SARAMBU PEADA’ 17:15

Minda-minda ussanda tonganni to tang mekaaluk sia minda-minda umpasala sia unnukung to malambu’, tau iate sola dua Nakagalli PUANG.

YESAYA 45:25

Lan PUANG dinii ussanda-tonganni sia la nanii massattuan tu mintu’ bati’na Israel.

YEHEZKIEL 18:13

na umpalaku denne’, ke ma’peindanni sia ussanta’ denne’, la tuo siaraka tu tau susito? Tae’ nala tuo, belanna mangkamo umpogau’i te mintu’na apa megallian iato. Manassa la mate dipatei. La sule lako kalena tu rara mangka napatibollo.

YEHEZKIEL 18:20

Iatu to umpogau’ kasalan, ia siamo ia la mate. Tae’ naanakna la untanggungi tu kakadakeanna ambe’na, sia misa’ ambe’ tae’ nala untanggungi tu kakadakeanna anakna. Iatu kamalamburanna to malambu’ la dipakkan lu lako ia kalena na iatu katangmekaalukanna to tang mekaaluk la dipakkan lu lako ia kalena.

YEHEZKIEL 18:30

Iamoto angKu la umpaolaikomi salunna pantan sitinaya penggauranmi, e to Israel, kadanNa Puangta PUANG. Mengkatoba’komi sia balikkomi dio mai mintu’ salami, da mipobannangi titodo sae lako tobang rokko kakadakean.

YEHEZKIEL 9:10

Iamoto tae’mo Kula ungkasayangi sia tae’mo Kula ungkatirinnai; la Kupasule langngan ulunna tu gau’na.

KADIBILANGAN 5:27

Ianna pairu’mi tu uai iato, iake manassai urruttakki kalena sia tang maruru’ lako muanena, iatu uai iato tu umpaden tampak ropu, la napobannang rampo kamapairan lan batang kalena, naurunganni kambang tu tambukna sia marangke tu pupunna, anna dadi misa’ tampak ropu tu baine iato dio lu bangsana.

ROMA 2:13

Belanna tangia to urrangi bangri Sukaran aluk tu la malolo dio oloNa Puang Matua, sangadinna iaritu to umpogau’ sukaran aluk tu la dibilang malolo.

ROMA 7:9

Dolona tuo tang untoena’ Sukaran aluk, apa iatonna sae tu atoran, tuomi sule tu kasalan,

PA’TOLE 25:1

Iake den kasigaganna tau, anna pennoloanni lako to ma’paolai salu, anna ra’ta’i to ma’paolai salu, natongananni tu to tongan, napasalai tu to sala,

1 SAMUEL 2:25

Iake misa’ tolino sala lako padanna tolino, manassa Napaolai salunna Puang Matua, apa iake tolino kasalan lako PUANG, mindapa la umpengkamoyanni? Apa tae’ naperangii tu kadanna ambe’na, belanna inang la Napateimo PUANG sola duai.