1 DATU 8:30 - Sura' Madatu

³⁰ Perangii tu pengkamoyana taumMi sia taumMi to Israel, tu la napennoloan lan inan iate. Manassa la Miperangii sia lan mai inan Minii torro, iamotu dao suruga; sia iamMi rangimi, la Mipa’dei tu kasalangki.

1 DATU 8:30 ပူးပေါင်းရင်းမြစ်များ

1 DATU 8:34

la Miperangii dao mai suruga sia pa’dei tu kasalanna taumMi to Israel sia pasulei tu tau iato mai tama tondok, tu mangka Mikamasean nene’ to dolona.

1 DATU 8:36

attu iato la Miperangii dao mai suruga sia la Mipa’dei tu kasalanna taumMi sia taumMi to Israel – belanna Mipatuduan lalan melo tu tau iato mai tu sipatu la naolai – sia Mipasaean uran tu padang, tu mangka Mikamasean taumMi la napomana’.

1 DATU 8:39

perangii dao mai suruga, inan matontongamMi sia pa’dei kasalanna sia da Mipopa’elo’na bangi sia pantan Mipapakkanni sitinaya mintu’ kedona, saba’ Mitandai tu penaanna – belanna Kamu manna untandai tu penaanna mintu’ ma’rupa tau –,

1 DATU 8:43

la Miperangii dao mai suruga inan matontongamMi, sia pasituru’i tu mintu’ apa napengkamoyai tu to sae lako Kalemi, anna mintu’ bangsa dao kuli’na padang untandai tu sangamMi, naurunganni umpangke’Komi tu tau iato mai, susi taumMi to Israel, sia anna tandai, kumua sangamMimo tu disa’buranni te banua iate, tu mangka kupabendan.

1 DATU 8:49

attu iato la Miperangii dao mai suruga, inan matontongamMi, tu passambayangna sia pengkamoyana tau iato mai amMi sanda-tonganni.

2 OSSORANNA DATU 20:6

sia ma’kada nakua: O PUANG, Kapenombanna nene’ to doloki, tang Kamuraka Puang Matua lan suruga, sia tang Kamu dukaraka umparenta mintu’ kadatuanna mintu’ tu mai bangsa? Lan limamMi tu kapaan sia kamatotoran, naurunganni moi misa’ tau tae’ ungkullei tumanan unneaKomi.

2 OSSORANNA DATU 6:21

Perangii tu mintu’ pengkamoyana taumMi sia taumMi to Israel, tu la napennoloan lan inan iate. Manassa la Miperangii sia lan mai inan Minii torro, iamotu dao suruga; sia iamMi rangimi, la Mipa’dei tu kasalangki.

2 OSSORANNA DATU 7:14

na iatu taungKu, tu umpotoding sangangKu, anna umpamadiongan penaanna massambayang sia umpengkanorongiNa’ sia mengkatoba’ dio mai lalan kadakena, la Kuperangii dao mai suruga sia la Kupa’dei tu kasalanna sia la Kupamasakke-sakke sule tu tondokna.

PA’PUDIAN 123:1

Nanian Hamaa’lot. Mentingara mati’na’ Kalemi, o PUANG, unnisungi suruga.

PA’PUDIAN 28:2

Perangii tu pengkamoyaku, ke meongli’na’ mati’ Kalemi, sia ke umpatadona’ pala’ku lako inan mandu maindan lan kabusungamMi.

PA’PUDIAN 85:2

O Puang, naalamo penaamMi tu padangMi. Mipopembalimo tu torro ke’de’na bati’na Yakub:

KATASSURAN 34:6

Lendu’mi tu PUANG dio tingayona sia meongli’ Nakua: PUANG, PUANG, Puang Matua sumpu mamase liu kaboro’, kalando pesuka’ sia kapua kamasokananNa sia kamarurusanNa,

KATASSURAN 34:7

tu umpatontong kamasokananNa lako ma’sa’bu-sa’bu tau, tu umpagarri’ mintu’ kapatodo-tintingan sia kakelokan sia kasalan; inang tae’ nabilang maseroi tu mintu’ to umpogau’ kasalan, sangadinna umpapakkanni kakelokanna mintu’ ambe’ lako anak-lanto mimi’na sae lako osso’ ma’pentallunna sia ma’penna’pa’na.

TOMANGADA’ 5:2

Belanna susito tindo dadi, belanna kabudanna sara’, susi dukato tu kada kabagan diona kabudanna ulelean.

YESAYA 57:15

Belanna nakua kadanNa To patodoranna sia To sumpu mala’bi’, tu unnisung matontongan sia To masero sanganNa: Moi angKu untongkonni inan matande sia maindan, apa torro dukaNa’ urrondong to rantang buana sia to umpamadiongan penaanna, angKu papayai tu penaanna tu umpamadiongan penaanna sia penaanna to rantang buana.

DANIEL 6:10

Iamoto nasura’mi datu Darius tu sura’ parenta sola atoran iato.

DANIEL 9:19

O Puang, perangii! O Puang, pagarri’i! O Puang, palan penaai! Pogau’i damo Midampai, belanna Kalemi, o Kapenombangku, belanna disa’bu’ tu sangamMi naposanga kotaMi sia taumMi.

DANIEL 9:9

Dio ia Puang, Kapenombangki, tu kamamasean sia kama’pagarrisan, moi angki pabali-balimo lako Kalena,

MATIUS 6:12

sia pa’dei tu sala budangki, susi kami umpagarri’ salana to kasalan lako kaleki.

MATIUS 6:9

Iamoto dadi la mikua massambayang: O Ambe’ki dao suruga, (kipalaku) anna dipakala’bi’ tu sangamMi:

1 YOHANES 1:9

Apa iake taakui tu mintu’ kasalanta, maruru’ sia malambu’ Ia tu Puang Matua, la umpa’dei mintu’ kasalanta, sia usseroiki’ dio mai mintu’ kakadakeanta.