1 DATU 8:29 - Sura' Madatu

²⁹ kumua Mitiroi allo bongi te banua iate, iamotu inan tu mangka Mipokada kumua: Iatu sangangKu la inde to dio – amMi perangii tu passambayang, tu la napennoloan taumMi lan inan iate.

1 DATU 8:29 ပူးပေါင်းရင်းမြစ်များ

1 DATU 11:13

Tae’ angKu la unnalai nasangi tu kadatuan iato, sangadinna sangsuku la Kuben anakmu muane, belanna taungKu Daud sia belanna Yerusalem, tu mangka Kupilei langsa’.

1 DATU 11:36

Anna misa’ suku tu la Kuben anakna, kumua anna iatu Daud, taungKu, tontong unnampui misa’ palita dio oloKu lan Yerusalem, iamotu kota mangka Kupilei langsa’ la tontong Kupannii sangangKu.

1 DATU 14:21

Iatu Rehabeam, anakna Salomo, ma’parenta dio Yehuda. Patangpulomo mmisa taunna Rehabeam, tonna dadi datu, anna sangpulo pitu taunna ma’parenta dio Yerusalem, iamotu kota Napilei langsa’ PUANG dio lu mintu’ suku Israel, la Nanii umpatulangdan sanganNa. Iatu indo’na disanga Naama, to Amon.

1 DATU 8:16

Randuk dio mai allo Kunii ussolan taungKu sun lan mai Mesir, tae’ angKu pilei langsa’i tu misa’ kota dio lu mintu’ sukunna to Israel, la dinii umbangunni tu misa’ banua, kumua anna nii sangangKu lan, sangadinna Kutonno’ bua kayumo tu Daud la umpangului tu taungKu Israel.

1 DATU 8:43

la Miperangii dao mai suruga inan matontongamMi, sia pasituru’i tu mintu’ apa napengkamoyai tu to sae lako Kalemi, anna mintu’ bangsa dao kuli’na padang untandai tu sangamMi, naurunganni umpangke’Komi tu tau iato mai, susi taumMi to Israel, sia anna tandai, kumua sangamMimo tu disa’buranni te banua iate, tu mangka kupabendan.

1 DATU 8:52

Iamoto la Mitiro tu pengkamoyana taumMi sia pengkamoyana taumMi to Israel sia la Miperangii pempiran-piranni meongli’ lako Kalemi.

1 DATU 9:3

Ma’kadami tu PUANG lako Nakua: Kurangimo tu passambayangmu sia pengkamoyamu tu mangka mupennoloan dio oloKu, sia Kupamarimbanganmo te banua mangka mubangun, belanna Kupalanmo tu sangangKu tontong sae lakona; sia iatu matangKu sia penaangKu la dio bang kiallo-kiallo.

2 DATU 19:16

O PUANG, tananni talinga, amMi ma’perangi, o PUANG, pamillikki tu matamMi, amMi tiroi sia perangii tu mintu’ kadanna Sanherib, tu mesua umparampoi, la umbe’se Puang Matua matontongan.

2 DATU 21:4

Sia napabendan duka tu ba’tu pira-pira inan pemalaran dio banuanNa PUANG tu diona a’ganna Napokadamo PUANG Nakua: Lan Yerusalem la Kunii umpaunnisungi tu sangangKu.

2 DATU 21:7

Napabendan duka tu misa’ rapang-rapang dipodeatanna Asyera, tu mangka nagaragai, lan banua, tu mangka Napokada PUANG a’ganna lako Daud sia lako Salomo, anakna muane, Nakua: Lan te banua indete Yerusalem, tu Kupilei langsa’ dio mai mintu’ sukunna to Israel, la Kunii umpaunnisung sangangKu tontong sae lakona.

2 DATU 23:27

Ma’kadami tu PUANG nakua: La Kusabu’i duka tu to Yehuda dio mai oloKu, susi to Israel mangka Kusabu’i; sia la Kuboko’i te kota iate, tu mangka Kupilei langsa’, iamotu Yerusalem, sia iatu banua, tu mangka Kunii ma’kada kumua: La nanii sangangKu dio.

2 OSSORANNA DATU 16:9

Belanna iatu matanNa PUANG ma’penunu tiku lao dao te kuli’na padang, la ungkamaseanni kamatotoran minda-minda tu lantuk penaanna lako Kalena. Kabagan tongan te mipogau’, iamoto randuk totemo tae’mo mila ka’tu dirarii.

2 OSSORANNA DATU 20:8

Ma’tondokmi inde to dio tu tau iato mai, anna bangunangKomi misa’ inan maindan inde to, iamotu nabangunan sangamMi, sia ma’kada nakua:

2 OSSORANNA DATU 33:4

Nabangun duka tu ba’tu pira-pira inan pemalaran dio banuanNa PUANG, tu diona a’ganna mangkamo Napokada PUANG, Nakua: Lan Yerusalem la nanii tu sangangKu sae lakona.

2 OSSORANNA DATU 33:7

Napabendan duka tu misa’ rapang-rapang batu dipodeata, tu mangka nagaragai, lan banuanNa Puang Matua, tu mangka Napokada Puang Matua a’ganna lako Daud sia lako Salomo, anakna muane, Nakua: Lan te banua indete Yerusalem, tu Kupilei langsa’ dio mai mintu’ suku to Israel, la Kunii umpaunnisung sangangKu tontong sae lakona.

2 OSSORANNA DATU 6:20

kumua Mitiroi te banua ke allo sia ke bongi, iamotu inan mangka Miallu’, kumua la Minii umpatorro sangamMi lan – amMi perangii tu passambayang, la napennoloan taumMi lan inan iate.

2 OSSORANNA DATU 6:40

Iamoto, o Kapenombangku, la Mitiro sia la Miperangii tu passambayang indete inan iate.

NEHEMIA 1:6

La Mitanding talinga sia la Mibidaran tu matamMi la umperangii passambayangna taumMi, tu kupennoloan lako Kalemi keallo sia kebongi diona to Israel, taumMi; kupangakuammo tu kasalanna to Israel, tu kipogau’ umbaliKomi; ia duka tu aku sia sangdadiangku umpogau’ nasangmokanni kasalan.

NEHEMIA 1:9

Apa iake mengkatoba’komi lako Kaleku sia iake mikaritutui tonganni tu pepasanKu – moi ammi den diula’i sae lako randan langi’, manassa la Kurampun tu tau iato mai inde to dio mai angKu solanni lako inan tu mangka Kupilei la Kunii umpaunnisung sangangKu.

PA’PUDIAN 138:2

La menombana’ umpentingayoi banua kabusungamMi, sia la umpudina’ sangamMi tu belanna kamasokanamMi sia kamarurusamMi, belanna Mipakasallemo tu pangallu’Mi tete dio sanga mala’biMi.

PA’PUDIAN 34:15

Lempanganni tu kakadakean sia pogau’i tu kameloan, daka’i tu kamarampasan sia ula’i.

KATASSURAN 20:24

GaraganNa’ misa’ inan pemalaran litak sia pemalaranni dao tu mintu’ pemala’ pantunu pu’pu’mu sia pemala’ kasalamarammu, iamotu bembe’ sola domba sia sapimmu. Iatu mintu’ inan, tu Kupadadi misa’ kapengkilalan diona sangangKu, inde to dio Kunii songlo’ lako kalemu sia umpamasakkeko.

DANIEL 6:10

Iamoto nasura’mi datu Darius tu sura’ parenta sola atoran iato.

DANIEL 9:18

Patananni tu talingamMi, o Kapenombangku, sia perangiina’: bungka’i tu matamMi, amMi tiroi tu kasanggangangki sia iatu kota, tu dinii ussa’bu’ sangamMi naposanga; belanna tae’ nabannang dio kamaloloangki angki barrakanni tu pengkamoyaki dio oloMi, sangadinna bannang diori kamamasean kapuaMi.

ZAKHARIA 12:4

Attu ia dukato, kadanNa PUANG, la Kuparampoi katirambanan tu mintu’ darang, sia la Kupabomboan tu mintu’ to ussakei; lako mintu’ to Yehuda la tontong tibungka’ tu matangKu, apa iatu mintu’ darangna to sangpetayanan la Kupabuta.

PA’TOLE 12:11

manassa la lakokomi inan, tu Napileimo PUANG, Kapenombammi, la Napannii sanganNa, minii umbaa mintu’ apa tu kupepasanan lako kalemi, iamotu pemala’ ditunu pu’pu’mi sia pemala’ pangrere’mi, taa sangpulomi sia pa’durukmi sia mintu’ pemala’ pangallonan dipilei, tu la mialluran PUANG.

PA’TOLE 12:14

Sangadinna dio lu inan tu Napileimo PUANG lan lili’na sala umbanna misa’ sukummu, inde to la munii umpennoloanni tu pemala’ ditunu pu’pu’mu, sia la munii umpogau’i tu mintu’ apa kupepasanan lako kalemu.

PA’TOLE 12:5

Apa iatu inan Napileimo PUANG, Kapenombammi, dio mai lili’na mintu’ sukummi la Napannii sanganNa dio sia Nanii ma’tondok, iamoto tu la midaka’ sia la minii male lako.

PA’TOLE 16:2

Attu iato la mureresan PUANG, Kapenombammu, tu mai dombamu sia bembe’mu sia sapimmu la dipopa’pasa dio inan tu la Natonno’ PUANG la Napannii sanganNa dio.

PA’TOLE 16:6

Apa iatu inan la Napilei PUANG, Kapenombammu, la Napannii sanganNa dio, munii la urrere’ Pa’pasa, ke makaroenni, ke lambunni allo, susitu attu katassurammu lan mai Mesir.

PA’TOLE 26:2

manassa la muala dio mai bunga’na mintu’ bura padang, tu murampun dio mai padang, tu la Nabenko PUANG, Kapenombammu, sia la mupatama baka, mumale lako inan tu la Napilei PUANG, Kapenombammu, la umpannii sanganNa dio.