1 DATU 8:26 - Sura' Madatu

²⁶ Na totemo, o Kapenombanna to Israel, denno upa’ narampo randanna tu kada, tu mangka Mipokada lako taumMi Daud, ambe’ku.

1 DATU 8:26 ပူးပေါင်းရင်းမြစ်များ

1 DATU 8:23

Sia ma’kada nakua: O PUANG, Kapenombanna to Israel, tae’ tu Kapenomban senga’ sangadinna Kamu manna, la lan langi’ dao la dao kuli’na padang diong, tu umpalanda’ basseMi sia kamasokanamMi lako taumMi, tu lantuk penaanna lolang dio oloMi.

1 DATU 8:27

Apa tongannaraka tu Puang Matua torro dao kuli’na padang? Iatu langi’, moi na iatu langi’ ma’iringanna dao, tae’ anna kullei unnalaKomi, apa pole’pa te banua iate tu mangka kubangun.

1 OSSORANNA DATU 17:23

Totemo, o PUANG, iatu kada tu mangka Mipokada diona te taumMi sia diona bati’na, pabantangi tontong sae lakona; sia parampo randannai susitu apa mangka Mipokada.

2 OSSORANNA DATU 1:9

Totemo, o PUANG Kapenomban, la dadi tonganmo tu kadamMi lako ambe’ku Daud, belanna Miangka’mo’ datu umparenta misa’ bangsa makamban, susi barra’-barra’ dao kuli’na padang.

PA’PUDIAN 119:38

Pamanda’i tu pangallu’Mi lako taumMi, tu to matinuru’ ungkataku’Komi.

PA’PUDIAN 119:49

Kilalai tu kadamMi lako te taumMi. Belanna Mibenmo’ kapa’rannuanan;

PA’PUDIAN 41:13

Iate aku te Misande’na’ tete dio kamasalloranna penaangku, sia Kamumo umpatulangdanna’ dio oloMi tontong sae lakona.

KATASSURAN 24:10

Natiromi tau iato mai tu Kapenombanna to Israel, na diong to’ lette’Na den susi sali batu parimata lasuri’, na iatu parrangna butung to langi’ maserrong.

YESAYA 41:17

Iatu to mandasa sia to mase-mase, undaka’ uai, apa tae’, marakkekmo tu lilana ma’rang; Akumo tu PUANG, la untananni talinga tu tau iato mai; Akumo Kapenombanna Israel, tae’ angKu la untampe lenni tu tau iato mai.

YESAYA 45:3

La Kukamaseiko ianan dio lu to’ malillinna sia barang apa dio to’ kabunianna, ammu issanni, kumua Akumote tu PUANG, tu mangka untambaiko sangammu, iamotu Kapenombanna to Israel.

YEREMIA 11:5

angKu parampo randannai tu apa Kupalaoammo sumpa unnallu’i lako nene’ to dolomi, la ungkamaseanni misa’ padang, tu sebo pangandu’ sia tani’ enoan, susitu naappa’ allo totemo. Mebalimo’ angku ma’kada kukua: Amin, o Puang.

1 SAMUEL 1:17

Mebalimi tu Eli nakua: Male marampa’moko, na Kapenombannamora to Israel ungkamaseangko tu apa mupalaku lako Kalena.