1 DATU 8:22 - Sura' Madatu

²² Bendanmi tu Salomo dio tingayo inan pemalaranNa PUANG sitingoan mintu’ kombongan to Israel, anna mempala’ langngan langi’.

1 DATU 8:22 ပူးပေါင်းရင်းမြစ်များ

1 DATU 8:54

Iatonna upu’mo tu Salomo umpakendekki langngan PUANG te mintu’ passambayang sia pengkamoya iate, bendanmi dio tingayo inan pemalaranNa PUANG, tonna soro’ malinguntu’ sia mempala’ langngan langi’,

2 DATU 11:14

Natiromi tu datu bendanmo dio to’ lentong situru’ lalan ada’ sia mintu’ kamandang sitangke tarompe’ ma’dioren sola datu; sia mintu’ to buda lan lu tondok iato siparannu-rannuan na umpannoni tarompe’. Nase’buse’bumi Atalya tu tamangkalena sia metamba nakua: Denmo, pa’tangnga’ leko’, pa’tangnga’ leko’!

2 DATU 23:3

Bendanmi tu datu dio to’ lentong, anna tanan misa’ basse’ dio oloNa PUANG, kumua naturu’i tau tu PUANG sia lantuk penaanna sia deatanna ungkaritutui tu pepasanNa sia kasa’bianNa sia mintu’ tu aluk Napondok sia untoe manda’i tu mintu’ kada basse tu disura’ lan sura’ iate. Iatu mintu’ to buda tamamo basse iato.

EZRA 9:5

Apa iatonna dipemalarammo tu pemala’ makaroen, ke’de’mo’ diong mai to’ kuninna umpamadiongan kaleku, angku malinguntu’ ma’kameja serek sia ma’bayu lamba’ serek, sia umballa’ pala’ku lako PUANG, Kapenombangku,

AYUB 11:13

Iake mupamaloloi tu penaammu, sia umballa’ko limammu, lako Puang;

PA’PUDIAN 28:2

Perangii tu pengkamoyaku, ke meongli’na’ mati’ Kalemi, sia ke umpatadona’ pala’ku lako inan mandu maindan lan kabusungamMi.

PA’PUDIAN 63:4

Belanna iatu kamasokanamMi mandu maelo ia anna katuoan; la napudiKomi tongka’ dililaku.

KATASSURAN 33:10

Iatonna tiromi to buda tu lentong gaun iato tunannang dio to’ ba’ba tenda, bendan nasangmi, anna pada tukku menomba dio ba’ba tendana.

KATASSURAN 9:29

Nakuami Musa lako: Iangku tassu’ lan mai tondok, la mempala’ patomalina’ langngan PUANG anna radan tu mintu’ guntu’ sia la pa’de tu uran batu, ammi issanni, kumua PUANG ampunna te lino.

KATASSURAN 9:33

Malemi tu Musa dio mai olona Firaun anna tassu’ lan mai tondok, sia mempala’ langngan PUANG, anna iatu guntu’ sia uran batu, tae’mo nauranni tu padang.

YESAYA 1:15

Iammi umpatado pala’ mabusammi, la Kupasalaikomi mata; moi umpamakambankomi passambayangmi, tae’ duka angKu la umperangii; belanna limammi umpentombang rara.

1 TIMOTIUS 2:8

Iamoto, iatu diongna penaangku, umba-umba inan nanii tu mai muane massambayang, umpatado pala’ mabusanna ma’uai ma’tan.