1 DATU 8:21 - Sura' Madatu

²¹ Sia kupasakkarammo misa’ inan tu patti, tu nanii basseNa PUANG, tu Natanan sola nene’ to dolota, tonna solanni tu tau iato mai tassu’ lan mai tondok Mesir.

1 DATU 8:21 ပူးပေါင်းရင်းမြစ်များ

1 DATU 8:9

Tae’ bang apa senga’ lan patti iato, sangadi papan batu da’dua tu napalan Musa dao Horeb, iamotu papan batu basse, tu natanan PUANG sola to Israel, tonna tassu’ tu tau iato mai lan mai tondok Mesir.

1 OSSORANNA DATU 22:19

Totemo la mipakalebu tallang tu penaammi sia deatammi la umpengkaolai PUANG, Kapenombammi. Iamoto sangtiangkarangkomi la umbangunni tu inan maindanNa PUANG Kapenomban, anna iatu patti basseNa PUANG sia mintu’ pareanan maindanNa Puang Matua ma’din dibaa lako banua iato, tu dipabendanan sanganNa PUANG.

KATASSURAN 24:8

Naalami Musa tu rara iato, napi’pikanni tu tau iato mai, anna ma’kada nakua: Tonganna iamote tu rara basse, tu Natanan PUANG misibassei tu menggaronto’ lan mintu’ kada iate.

KATASSURAN 34:28

Torromi tu Musa dao sola PUANG patangpulo allona patangpulo bonginna, tang ungkande roti sia tang unniru’ uai; Nasura’mi PUANG dao papan tu mintu’ kada basse, iamotu Sangpulo Kada.

PA’TOLE 31:26

Alami te sura’ Sukaran aluk sia patorroi dio la’pek patti basseNa PUANG, Kapenombammi, kumua nainde to la sa’bi umpasalako.

PA’TOLE 9:11

Iatonna ganna’mo patangpulo allona patangpulo bonginna Nabenmo’ PUANG tu da’dua papan batu, iamotu papan basse.

PA’TOLE 9:9

Iatongku kendekmo langngan buntu la untarimai tu papan batu, iamotu papan basse, tu mitanan sola PUANG, kutorro patangpulo allona patangpulo bonginna dao buntu, tang ungkande roti sia tang unniru’ uai.