1 DATU 8:20 - Sura' Madatu

²⁰ Naparampo randannamo PUANG tu kada mangka Napokada, belanna tunannangmo’ ussonda Daud, ambe’ku, sia unnisungmo’ dao isungan kapayunganna Israel, susitu kadanNa PUANG, sia iate banua iate kubangunammo sanganNa PUANG, Kapenombanna to Israel.

1 DATU 8:20 ပူးပေါင်းရင်းမြစ်များ

2 SAMUEL 7:12

Iake upu’mi tu allomu, sia ka’tu angin dipudukmu musanginanmo nene’ to dolomu, iamoto angKu patulangdanni tu bati’mu la ussondako, iamoto sun dikalemu, angKu pabantangi tu kadatuanna.

1 DATU 1:48

Sia ma’kada tu datu susite nakua: Mintu’ kadipudian lu langngan nasang PUANG, Kapenombanna to Israel, tu allo iate umpa’kamasean misa’ to unnisungi kapayungangku, tu natiro kalenamo matangku.

1 DATU 8:15

Sia ma’kada nakua: Mintu’ kadipudian lu langngan PUANG, Kapenombanna to Israel, tu mangka umpasundunni tu apa mangka Nasa’bu’ randan dipudukNa lako Daud, ambe’ku, Nakua:

NEHEMIA 9:8

Sia Mitandaimo tu penaanna maruru’ dio oloMi sia mangkamoKomi sibasse la umbenni tu padang to Kanaan, to Het, to Amori, to Feris, to Yebus na to Girgasi lako bati’na. Sia Mipalanda’ tu mintu’ kadamMi, belanna malambu’Komi.

PA’PUDIAN 138:2

La menombana’ umpentingayoi banua kabusungamMi, sia la umpudina’ sangamMi tu belanna kamasokanamMi sia kamarurusamMi, belanna Mipakasallemo tu pangallu’Mi tete dio sanga mala’biMi.

YESAYA 9:7

Napasonglo’mo Puang tu misa’ kada lako Yakub, nata’pa lan Israel.

YEHEZKIEL 12:25

Akumo, PUANG, la umpokadai tu kada la Kupokada, sia la dipalanda’; tae’ anna la dipadampa. Belanna lan allomi, e bati’ pabali-bali, la Kupokada tu misa’ kada sia la Kupogau’ duka, kadanNa Puangta PUANG.

YEHEZKIEL 37:14

Sia la Kupatamaikomi Penaangku, ammi tuo sule, sia la Kupatorrokomi dao padangmi, ammi tandai, kumua Akumo, tu PUANG, mangkamo umpokadai tu iannato sia umpogau’i, kadanNa PUANG.

MIKHA 7:20

La Mipatiroan Yakub tu kamarurusan sia kamasokanan lako Abraham, susitu sumpaMi dolo-dolona lako nene to doloki.

PENGGAURANNA RASULU’ 7:47

Apa Salomo ia tu umpabendananNi misa’ banua.

ROMA 4:21

sia nakanappa’i tongan, kumua kuasa tu Puang Matua ussundunni tu apa Naalluranni.

FILIPI 1:6

Kukatappa’i te iannate, kumua Puang Matua tu mangka umparanduk misa’ pengkarangan melo dio kalemi, Ia duka la umpasundunni sae lako alloNa Yesu Kristus.

YOSUA 21:45

Tae’ misa’ tang dadi tu mintu’ kada melo tu Naallu’ PUANG lako to Israel, sangadinna dadi nasang.