1 DATU 8:2 - Sura' Madatu

² Ma’rampunmi tu mintu’ muane to Israel lako datu Salomo, la umpakaraya pa’gauran lan bulan Etanim, iamotu bulan ma’pempitu.

1 DATU 8:2 ပူးပေါင်းရင်းမြစ်များ

1 DATU 12:32

Napamanassami Yerobeam tu allo kapua lan bulan ma’pengkarua, allo ma’pessangpulo limanna bulan iato, susitu allo kapua dio Yehuda, anna kendek langngan inan pemalaran iato. Susimoto napogau’ dio Betel anna pemalaranni tu pemala’ lako anak sapi nagaragai. Na iatu to minaa tu biasa memala’ dao inan madao, tu mangka naangka’, ba’tu pempiran-piranmo nasua memala’ dio Betel.

1 DATU 8:65

Attu iato napakarayami Salomo sola mintu’ to Israel tu allo kapua, iamotu misa’ kasirampunan kapua, randuk dio mai lalan lu lako Hamat sae lako salu’-salu’ Mesir, dio oloNa PUANG, Kapenombanta, lan pitung allo sia pitu pole’pa allona, sangpulo a’pa’ allona mintu’.

2 OSSORANNA DATU 5:3

Sirampunmi tu mintu’ muane to Israel lako datu, tonna la mangrara Banua Kabusungan, tonna bulan ma’pempitu.

EZRA 3:4

Napakaraya dukami tu pa’gauran pekalumban susitu mangka disura’, sia umpennoloan pemala’ ditunu pu’pu’ kiallo-kiallo pada tu dituntunna, sia pada tu dipamanassanna kiallo-kiallo.

SURA’ KATOMINAAN 23:34

Ma’kadako lako to Israel kumua: Iake allo ma’pessangpulo limanna bulan ma’pempitu randukmi tu pa’gauran pekalumban dipamadatuan PUANG lan pitung allo.

YOHANES 7:2

Anna mandappi’mo tu allo kapuana to Yahudi, tu allo kapua Pekalumban.

YOHANES 7:37

Iatonna allo tampaknamo, tonna matannamo tu pa’gauran, ke’de’mi tu Yesu, Napemandui ma’kada Nakua: Iake denni tau ma’rang, nasae lako Kaleku, namangiru’.

PA’TOLE 16:13

Iatu pa’gauran pekalumban la mupakaraya lan pitung allo, ke mangkamoko urrampun alanna panglullurammu sia alanna pa’parran anggoro’mu.