1 DATU 8:16 - Sura' Madatu

¹⁶ Randuk dio mai allo Kunii ussolan taungKu sun lan mai Mesir, tae’ angKu pilei langsa’i tu misa’ kota dio lu mintu’ sukunna to Israel, la dinii umbangunni tu misa’ banua, kumua anna nii sangangKu lan, sangadinna Kutonno’ bua kayumo tu Daud la umpangului tu taungKu Israel.

1 DATU 8:16 ပူးပေါင်းရင်းမြစ်များ

1 DATU 11:36

Anna misa’ suku tu la Kuben anakna, kumua anna iatu Daud, taungKu, tontong unnampui misa’ palita dio oloKu lan Yerusalem, iamotu kota mangka Kupilei langsa’ la tontong Kupannii sangangKu.

1 DATU 8:29

kumua Mitiroi allo bongi te banua iate, iamotu inan tu mangka Mipokada kumua: Iatu sangangKu la inde to dio – amMi perangii tu passambayang, tu la napennoloan taumMi lan inan iate.

2 DATU 23:27

Ma’kadami tu PUANG nakua: La Kusabu’i duka tu to Yehuda dio mai oloKu, susi to Israel mangka Kusabu’i; sia la Kuboko’i te kota iate, tu mangka Kupilei langsa’, iamotu Yerusalem, sia iatu banua, tu mangka Kunii ma’kada kumua: La nanii sangangKu dio.

1 OSSORANNA DATU 17:3

Apa bongi ia dukato sae tu kadanNa Puang Matua lako Natan Nakua:

1 OSSORANNA DATU 28:4

Moi nasusito, Natonno’ dukana’ PUANG, Kapenombanna to Israel, dio mai mintu’ rapungku la tontong undatui to Israel; belanna Natonno’ tu Yehuda dadi misa’ arung, na lan mai suku Yehuda iamo rapungku, na dio mai mintu’ anakna ambe’ku aku tu Napopaiman, Naurunganni unnangka’na’ datu undatui mintu’ to Israel.

NEHEMIA 1:9

Apa iake mengkatoba’komi lako Kaleku sia iake mikaritutui tonganni tu pepasanKu – moi ammi den diula’i sae lako randan langi’, manassa la Kurampun tu tau iato mai inde to dio mai angKu solanni lako inan tu mangka Kupilei la Kunii umpaunnisung sangangKu.

PA’PUDIAN 132:13

Belanna Napilei langsa’mo PUANG tu Sion, sia Naturo ta’bamo la Nanii torro.

PA’PUDIAN 78:70

Naturo ta’ba tu Daud, taunNa, anNa sarakki lan mai bala domba:

PA’PUDIAN 89:3

Belanna susimoto tu kadangku: Iatu kamasokanan tontong bang dibangun, iatu kamarurusamMi ten langi’ tang tiberu.

YEREMIA 7:12

Belanna ma’dinkomi male lako to’ inanKu dio Silo, tu pamulanna Kunii umpaunnisung sangangKu; tiromi tu apa mangka Kuparampoanni, natumang mintu’ kakadakeanna taungKu Israel.

PA’TOLE 12:11

manassa la lakokomi inan, tu Napileimo PUANG, Kapenombammi, la Napannii sanganNa, minii umbaa mintu’ apa tu kupepasanan lako kalemi, iamotu pemala’ ditunu pu’pu’mi sia pemala’ pangrere’mi, taa sangpulomi sia pa’durukmi sia mintu’ pemala’ pangallonan dipilei, tu la mialluran PUANG.

PA’TOLE 12:5

Apa iatu inan Napileimo PUANG, Kapenombammi, dio mai lili’na mintu’ sukummi la Napannii sanganNa dio sia Nanii ma’tondok, iamoto tu la midaka’ sia la minii male lako.

1 SAMUEL 16:1

Ma’kadami tu PUANG lako Samuel, Nakua: Sangapapoko la masse penaammu ungkilalai Saul, tu mangkamo Kutumpu, kumua damo nadatui tu to Israel? Issiimi minna’ tu tandukmu, ammu male, belanna la Kusuako male lako Isai, to Betlehem, belanna dio mai mintu’ tu anakna muane Kutonnoran Kaleku misa’ datu.