1 DATU 8:15 - Sura' Madatu

¹⁵ Sia ma’kada nakua: Mintu’ kadipudian lu langngan PUANG, Kapenombanna to Israel, tu mangka umpasundunni tu apa mangka Nasa’bu’ randan dipudukNa lako Daud, ambe’ku, Nakua:

1 DATU 8:15 ပူးပေါင်းရင်းမြစ်များ

2 SAMUEL 6:18

Iatonna upu’mo tu Daud umpemalaran pemala’ ditunu pu’pu’ sia pemala’ kasalamaran, napassakkemi tu mintu’ tau tete dio sanganNa PUANGna mintu’ ma’dandan maritik.

2 SAMUEL 7:25

Totemo, o PUANG Kapenomban, iatu kada tu mangka Mipokada diona te taumMi sia diona bati’na, pabantangi tontong sae lakona, ondongpi parampo randannai susitu kadamMi.

2 SAMUEL 7:5

Malemoko, pokadanni taungKu Daud, kumua: Susite tu kadanNa PUANG: la mugaraganRa’ka misa’ banua, angKu torro lan?

1 OSSORANNA DATU 16:36

Mintu’na kadipangkeran lu langngan nasang PUANG, Kapenombanna to Israel, tempon dio mai tontong landa’ lako attu situran. Namintu’ to buda ma’kada nakua: Amin, sia: Pudimi tu PUANG.

1 OSSORANNA DATU 17:12

Iamo la umpabendananNa’ misa’ banua na Akumo la umpabantangi tu isungan kapayunganna tontong sae lakona.

1 OSSORANNA DATU 22:10

Iamo la umpabendanan misa’ banua sangangKu; na iamo la Kupoanak, sia Akumo tu la napoAmbe’; Akumo la umpamanda’i tu isungan kadatuanna dio lu to Israel sae lakona.

1 OSSORANNA DATU 29:10

Attu iato napudi-pudimi Daud tu PUANG dio tingayona kombongan, sia nakua Daud: Mintu’ kadipudian lu lako Kalemi, o PUANG, Kapenombanna Israel, nene’ to doloki, tempon dio mai landa’ lako attu situran.

1 OSSORANNA DATU 29:20

Mangkato nakuami Daud lako mintu’ kombongan: Pudimi tu PUANG, Kapenombammi. Napudimi mintu’ kombongan tu PUANG, Kapenombanna nene’ to dolona, anna malinguntu’ sia tukku menomba dio oloNa PUANG sia dio olona datu.

2 OSSORANNA DATU 20:26

Iatonna allo ma’penna’pa’mo sirampunmi tu tau iato mai diong Lombok Pa’pudi-pudian; dio tu nanii tau umpudi PUANG, iamoto nadisangai tu inan iato Lombok Pa’pudi-pudian sae lako allo iate.

2 OSSORANNA DATU 6:4

Sia ma’kada nakua: Mintu’ kadipudian lu langngan PUANG, Kapenombanna to Israel, tu mangka umpasundunni tu apa mangka Nasa’bu’ randan dipudukNa lako Daud, ambe’ku, Nakua:

NEHEMIA 9:5

Ma’kadami tu to Lewi Yesua, Kadmiel, Bani, Hasabneya, Serebya, Hodia, Sebanya na Petahya, nakua: Ke’de’komi, pudii tu PUANG, Kapenombammi, tempon dio mai landa’ lako attu situran; la napudi tau tu sanga mala’bi’Mi, tu ussamboi mintu’ kadipudian sia kadipangkeran.

PA’PUDIAN 115:18

Apa kitari te, tu la umpudi PUANG, randuk totemo landa’ sae lakona. Haleluya!

PA’PUDIAN 138:2

La menombana’ umpentingayoi banua kabusungamMi, sia la umpudina’ sangamMi tu belanna kamasokanamMi sia kamarurusamMi, belanna Mipakasallemo tu pangallu’Mi tete dio sanga mala’biMi.

PA’PUDIAN 41:13

Iate aku te Misande’na’ tete dio kamasalloranna penaangku, sia Kamumo umpatulangdanna’ dio oloMi tontong sae lakona.

YESAYA 1:20

Apa iake battukkomi sia pabali-bali, manassa la nakandekomi bassi mataran; susimoto tu kada ombo’ dio mai randan pudukNa PUANG.

MATIUS 24:35

Iatu langi’ sola lino la pa’de, apa iatu kadangKu tae’ nala pa’de.

LUKAS 1:68

Mintu’na kadipangkeran lu lako nasang Puang Kapenombanna to Israel, belanna denmo mamaseNa umpemaranga to Napilei, Napadenanni kadila’bakan.

LUKAS 1:70

susitu kadanNa mangka napasun mintu’ nabi maseroNa tempon dio mai –

LUKAS 1:72

kumua Nasundunni tu mamaseNa lako nene’ to dolota sia Nakilalai pole’ tu pangallu’ madatunNa;

EFESUS 1:3

Mintu’na kadipudian lu langngan Puang Matua, tu Ambe’Na Puangta Yesu Kristus, tu mangka umpasiriaki’ mintu’ kamauparan mempenaa dao suruga lan Kristus.

YOSUA 21:45

Tae’ misa’ tang dadi tu mintu’ kada melo tu Naallu’ PUANG lako to Israel, sangadinna dadi nasang.

1 PETRUS 1:3

Mintu’na kadipudian lu langngan nasang Puang Matua Ambe’Na Puangta Yesu Kristus, tu tete dio kakapuanna mamaseNa anna dadian poleki’, taurunganni unnappa’ kapa’rannuanan tuo belanna kamalimbangunanNa Yesu Kristus dio mai to’ to mate,

1 SAMUEL 25:32

Nakuami Daud lako Abigail: Mintu’na kadipudian lu langngan nasang PUANG, Kapenombanna to Israel, belanna Nasuako sae umpessitammuina’ allo iate!