1 DATU 8:1 - Sura' Madatu

¹ Iatonna attu iato narampunmi Salomo tu mintu’ pekaamberanna to Israel sia mintu’ pangulunna sukunna, iamotu to paa dio lu tongkonanna to Israel, mennolo lako datu Salomo dio Yerusalem, la umbaai langngan tu patti basseNa PUANG diong mai tondokna Daud, iamotu Sion.

1 DATU 8:1 ပူးပေါင်းရင်းမြစ်များ

2 SAMUEL 6:6

Iatonna rampomo tu tau iato lako to’ panglulluranna Nakhon, ta’kala nadoloanni Uza tu pattinNa Puang Matua, natoemi, belanna tilende’ tu sapinna.

1 DATU 2:10

Malemi tu Daud tama batu dilobang sola nene’ to dolona, anna dipeliang lan kotana Daud.

1 DATU 3:15

Mangkato pana’dingmi tu Salomo, a’a, tindo ia pale’. Malemi tama Yerusalem anna bendan dio tingayo patti basseNa Puang sia umpemalaran pemala’ ditunu pu’pu’ sia umpennoloan pemala’ kasalamaran, anna padenanni pa’maruasan kurre sumanga’ tu mintu’ taunna.

1 OSSORANNA DATU 11:7

Torromi Daud lan kota ditambakuku iato; iamoto nasangai tau kotana Daud.

1 OSSORANNA DATU 15:25

Attu iato malemi tu Daud, sia pekaamberanna to Israel na kamandangna to sangsa’bu ma’marua’-rua’ la umpalelei tu patti basseNa PUANG dio mai banuanna Obed-Edom.

1 OSSORANNA DATU 15:29

Iatonna rampomo tu patti basseNa PUANG lako kotana Daud, ta’kala mentiromi tu Mikhal anakna Saul, dao mai pentiroan banuanna, natiromi tu datu Daud tumbang-tumbang sia unnondo, nasayumi lan penaanna.

1 OSSORANNA DATU 15:3

Natambaimi Daud tu mintu’ to Israel ma’kombongan dio Yerusalem la umbaai tu pattinNa PUANG lako inan tu mangka napasakkaranni.

1 OSSORANNA DATU 28:1

Narampunmi Daud lako Yerusalem tu mintu’ pangulu to Israel, iamotu pangulunna mintu’ suku, pangulunna mintu’ golongan tu mengkaola lako datu, kamandangna sangsa’bu tau, kamandangna saratu’ tau sia pangulunna mintu’ apa sia patuoanna datu sia anakna muane, sisola mintu’ to mase’ponna datu, pa’barani sia mintu’ to malinta’ parari.

2 OSSORANNA DATU 30:1

Attu iato nasuami Hizkia tu ba’tu pira-pira pesua umpa’peissananni lako mintu’ to Israel sia to Yehuda, ondongpi umpa’pea sura’ lako to Efraim sia to Manasye, kumua nasangsaean nasang tu tau iato mai lako to’ banuanNa PUANG dio Yerusalem la umpakarayanni PUANG, Kapenombanna to Israel, tu Pa’pasa.

EZRA 3:1

Iatonna lambi’mi bulan ma’pempitu, tonna lanmo lu mintu’ kotana tu to Israel, sirampunmi tu bangsa iato butung to misa’ri dio Yerusalem.

PA’PUDIAN 102:21

La umperangii sarrona mintu’ to dipattang, sia la urrampanan mintu’ to dilampakmo la dipatei.

PA’PUDIAN 9:11

La narannuangKomi tu mintu’ to untandai sangamMi, belanna tae’ bangpa Mitampe lenni tu to undaka’Komi, o PUANG.

YESAYA 28:16

Iamoto anna ma’kada tu Puangta PUANG susite Nakua: Kutanan lan Sion tu batu parandangan, misa’ batu mangka disudi, misa’ batu petau keangga’, tu mangka dibantangi parandanganna; na minda-minda umpatonganni, tae’ anna tigiang len.

YESAYA 46:13

Iatu kamaloloangKu Kupopengkareke’mo, tae’mo anna mambela sia iatu kasalamaran lu dio mai Kaleku tae’ nala malelan; sangadinna Aku la ungkamasei kasalamaran tu Sion sia kamala’birangKu tu to Israel.

KADIBILANGAN 1:4

Anna tunduikomi misa’ tau ke simisa’oi suku, iamotu pekaamberan lan mintu’ rapunna.

YOSUA 23:2

natambaimi Yosua sirampun tu mintu’ to Israel, iamotu mai pekaamberanna, pangulunna, to mangra’ta’ kara-karana, sia to ma’parentana, na ma’kada lako, nakua:

YOSUA 24:1

Mangkato narampunmi Yosua tu mintu’ sukunna to Israel dio Sikhem. Natambaimi tu mintu’ pekaamberanna to Israel, sia pangulunna, sia to ma’paolaianna salu, sia to ma’parentana, anna sae mennolo dio oloNa Puang Matua.

1 PETRUS 2:6

Belanna den disura’ lan Sura’ Madatu kumua: Kutanan lan Sion tu batu petau, ditonno’ sia keangga’; na iatu to umparandan Dio kapatongananna, tae’ anna la dipakasiri’.