1 DATU 7:50 - Sura' Madatu

⁵⁰ sia iatu dolong-dolong, piso, pindan pa’pi’pikan, piring sia perruayan bulaan massang digaraga; sia engse’ ba’ba bilik lanna lu tu diolai lako bilik mandu maindan sia engse’ ba’ba bilik kapua dio Banua Kabusungan bulaan digaraga.

1 DATU 7:50 ပူးပေါင်းရင်းမြစ်များ

2 DATU 12:13

Apa tae’ nadigaragan banuanNa PUANG tu dolong-dolong salaka, piso, pindan pa’pi’pikan, tarompe’, tae’ nadigaragan pareanan bulaan ba’tu salaka dio mai tu doi’ dibaa tama banuanNa PUANG.

2 DATU 25:15

Sia iatu pa’peruayan sia pindan pa’pi’pikan, sia iatu mintu’ pareanan bulaan sia salaka nabaa nasang pangulu to ma’kampa iato.

KATASSURAN 25:29

Sia la mugaragan piringna sia dolong-dolongna sia sere’na sia balubunna dipa’bolloan; iatu apa iato bulaan massang tongan la mugaraga.

KATASSURAN 25:38

Mintu’ tu pesipi’na sia inan dinii umpa’dei bulaan massang la digaragai.

KATASSURAN 27:3

Sia la mugaragan tu kurinna, tu la dipatamai au sia pesodokna sia pindan pa’pi’pikanna sia petossokna sia peruayanna; mintu’ pareanan iato tambaga la mugaraga.

YEREMIA 52:19

Sia piring sia pa’peruayan sia pindan pa’pi’pikan sia kurin sia tongkonan palita sia dolong-dolong sia balubu, iatu mintu’ pareanan bulaan sia salaka nabaa nasang pangulu to ma’kampa iato.

YEHEZKIEL 41:4

Mangkato nasuka’mi tu lambe’na bilik lanna lu: duangpulo siku na babana duangpulo siku, siunduk sa’de bilik kapua; anna ma’kada lako kaleku nakua: Iamote tu inan tarru’ maindan.

SURA’ KATOMINAAN 16:12

Mangkato la naala tu peroyan ponno ruaya dao mai inan pemalaran dio oloNa PUANG, anna ponnoi dupa busarungngu’ tu pala’na, tu ditu’tuk sia nabaa nasangi tama boko’ kulambu.

ZAKHARIA 14:20

Allo iato la tisura’ dio lu mintu’ giring-giring darang susite nakua: Dipamaindanan PUANG, sia iatu mintu’ kurin lan banuanNa PUANG la susi pindan pa’pi’pikan dio tingayo inan pemalaran.

KADIBILANGAN 7:86

Sia sangpulo dua dolong-dolong bulaan ponno dupa diong; simisa’ dolong-dolong sangpulo sikele’ timbanganna, situru’ sikele’ maindan; iatu mintu’ bulaanna dolong-dolong iato saratu’ duangpulo sikele’.