1 DATU 7:47 - Sura' Madatu

⁴⁷ Napatorro bangmi Salomo tu mintu’ oongan iato, tae’ natimbangi, belanna tarru’ buda; iatu tambaga tae’mo nadireken timbanganna.

1 DATU 7:47 ပူးပေါင်းရင်းမြစ်များ

2 DATU 25:14

Sia ia duka tu kurin sia pesodok sia piso sia dolong-dolong sia mintu’ pareanan, tu dipake menomba, nabaa nasang.

2 DATU 25:16

Iatu lentong da’dua sia iatu tasik tambaga misa’ sia iatu tangdan pembasean, tu nagaragan, datu Salomo banuanNa PUANG – tang dibela ditimbang tu tambagana mintu’ pareanan iato.

1 OSSORANNA DATU 22:14

Moi angku lan kamaparrisan kurampunan duka banuanNa PUANG tu bulaan saratu’ sa’bunna talenta, na iatu salaka sangsa’bu sa’bunna talenta, na iatu tambaga sola bassi tang dikemba’mo ditimbang tu budanna, sia kurampun duka tu kayu sola batu; iatu iannate la murangngannipa.

1 OSSORANNA DATU 22:16

iamotu mai pareanan bulaan, salaka, tambaga sia bassi. La muparandukmo mukarang! Na PUANGmora urrondongko.

1 OSSORANNA DATU 22:3

Narampunmi Daud tu bassi buda tongan la dipakuan papan babangan sia la dipotangki’; sia tambaga tang dikemba’mo ditimbang tu budanna;

2 OSSORANNA DATU 4:18

Mesua Salomo unggaragai tu mintu’ oongan lendu’ budanna, naurunganni tang dikemba’mo tu timbanganna.

YEREMIA 52:20

Sia iatu lentong da’dua sia iatu tasik tambaga misa’ sia iatu tangdan pembasean tu nagaragan datu Salomo banuanNa PUANG tang dibela ditimbang tu tambagana mintu’ pareanan iato.