1 DATU 7:29 - Sura' Madatu

²⁹ Dio papan lan alla’ lentong iato den tu rapang-rapang singa, sapi na karubion; susi dukato dio lentongna; daona lu sia diongna lu tu rapang-rapang singa sia sapi den tu karangan bunga, tu mendoke’ rokko.

1 DATU 7:29 ပူးပေါင်းရင်းမြစ်များ

KADADIAN 3:24

Naula’imi tassu’ tu tolino Napannii ba’tu pira-pira karubion mentiro lu lako matallona pa’lak Eden sitetang pa’dang pandillak-dillak dukku-dukku matanna la ungkampai lalan lako to’ kayu katuoan iato.

1 DATU 6:27

Napalanmi bilik lanna lu tu karubion da’dua, anna balla’ pani’na sola duai, naurunganni iatu pani’na misa’ tu karubion misa’ sumpu lako to’ rinding na iatu pani’na misa’ tu karubion senga’o sumpu lako to’ rinding senga’, na iatu pani’na sola duai tu ma’palutama tangnga banua sitammu.

1 DATU 7:25

Iate tasik toppo’ dao sangpulo dua sapi, tallu mentingo rekke, tallu mentingo rokko matampu’, tallu mentingo sau’ na tallu mentingo tama matallo, na iatu tasik iato toppo’mo dao, namempollo’ tama nasang tu palongko’na.

1 DATU 7:28

Susite tu garaganna tangdan iato dipalakoi papan tambaga; na iatu papan lan alla’ lentong.

1 DATU 7:30

Dio lu simisa’ tangdan den a’pa’ lentenan tambaga sia batang lentenan tambaga; na dio a’pa’ lentong dio tetukna den toeanna; tu dipati’no’ diongna lu pembasean; dio lu sa’dena simisa’ toean iato den karangan bunga.

KATASSURAN 25:18

La mugaraga tu da’dua karubion bulaan, iamotu bulaan pa’kombong la mugaragai, dao tampakna patomali tu tutu’ pebase kasalan.

KATASSURAN 37:7

Nagaragaimi tu da’dua karubion bulaan, iamotu bulaan pa’kombong nagaragai, dao tampakna patomali tu tutu’ pebase kasalan,

YEHEZKIEL 1:10

Na iatu lindona sola a’pa’i dio kananna susito lindo tau sia lindo singa; na dio kairinna sola a’pa’i susi lindo sapi; na sola a’pa’i to ma’lindo langkan maega duka.

YEHEZKIEL 10:14

Na iatu mai karubion iato sia’pa’ tu lindona. Iatu bunga’na lindo karubion, iatu ma’penduanna lindo tolino, iatu ma’ pentallunna lindo singa, iatu ma’penna’pa’na lindo langkan maega.

HOSEA 5:14

Belanna susiNa’ misa’ singa lako Efraim sia susi misa’ singa mangura lako bati’na Yehuda. Aku, Akumo la usserek-serekki, Kumane male; la Kusintak, natae’ misa’ tau la urrampananni.

IBRANI 9:5

na daona lu to den da’dua karubion kamala’biran unnonganni tu tutu’ pebase kasalan; apa totemo iatu mintu’nato tae’mo palambi’ umpokada simisa’-misa’i.

1 PETRUS 2:5

la susi dukakomi batu tuo dibangun mendadi misa’ banua mempenaa sia kombongan masallo’na tominaa, dikua ammi pemalaran pesuru’ mempenaa, tu Naporai Puang Matua belanna Yesu Kristus.

KADA OMBO’ LAKO RASULU’ YOHANES 5:5

Denmi misa’ dio mai tu mintu’ penatua ma’kada lako kaleku nakua: Da mutumangi’, tiromi, iatu Singa tu lu dio mai sukunna Yehuda, iamo Una’na Daud unnappa’mo kapataloan naurunganni umbungka’i tu sura’ sia iatu pitu ca’na.