1 DATU 7:27 - Sura' Madatu

²⁷ Sia nagaragapa tu tangdan pembasean tambaga sangpulo; iatu misa’ tangdan patang siku lambe’na, patang siku babana na tallung siku langka’na.

1 DATU 7:27 ပူးပေါင်းရင်းမြစ်များ

1 DATU 7:26

Iatu kambanna tasik iato sangpala’ na iatu garagan randanna susito baba irusan, ten to bunga danga-danga tiballa’. Na iatu alanna duangsa’bu ba’.

1 DATU 7:28

Susite tu garaganna tangdan iato dipalakoi papan tambaga; na iatu papan lan alla’ lentong.

1 DATU 7:38

Sia nagaraga tu sangpulo pembasean, misa’ pembasean patangpulo ba’ alanna, patang siku lua’na, ke simisa’oi nanii pembasean.

2 DATU 16:17

Nata’takkimi datu Ahas tu papan tangdan pembasean, naangka’i tu pembasean dao mai sia naangka’i duka tu tasik dao mai sapi tambaga, anna patorroi dao sali batu.

2 DATU 25:13

Sia natesse to Kasdim tu lentong tambaga tu lan banuanNa PUANG, sia ia duka tu tangdan pembasean sia tasik tambaga, tu lan banuanNa PUANG, anna baai tu mintu’ tambaga iato lako Babel.

2 DATU 25:16

Iatu lentong da’dua sia iatu tasik tambaga misa’ sia iatu tangdan pembasean, tu nagaragan, datu Salomo banuanNa PUANG – tang dibela ditimbang tu tambagana mintu’ pareanan iato.

2 OSSORANNA DATU 4:14

Nagaragai tu tangdan sia pembasean dao kareta,

YEREMIA 27:19

Belanna nakua kadanNa PUANGna mintu’ ma’dandan maritik tu diona lentong, tasik, tangdan pembasean sia iatu pareanan torrona, tu torropa lan kota iate,

YEREMIA 52:17

Iatu lentong tambaga, tu dio banuanNa PUANG sia mintu’ tangdan pembasean sia tasik tambaga tu lan banuanNa PUANG puramo natesse to Kasdim anna baai tu mintu’ tambaga iato lako Babel.

YEREMIA 52:20

Sia iatu lentong da’dua sia iatu tasik tambaga misa’ sia iatu tangdan pembasean tu nagaragan datu Salomo banuanNa PUANG tang dibela ditimbang tu tambagana mintu’ pareanan iato.