1 DATU 7:23 - Sura' Madatu

²³ Sia nagaragai tu tasik dipati’no’, sangpulo siku dio mai randanna sae lako randan misa’na, na langka’na limang siku, tu ma’din dilebu’ misa’ ulang pesuka’ tallungpulo sikunna.

1 DATU 7:23 ပူးပေါင်းရင်းမြစ်များ

1 DATU 7:22

Iatonna mangkamo dipale’ke’ tu panggaraga danga-danga dao tampak daona lu lentong iato, upu’mo garaganna tu lentong iato.

1 DATU 7:44

sia iatu tasik misa’ sia iatu sangpulo dua sapi diongna lu tasik iato,

2 DATU 16:15

Mesuami tu datu Ahas lako to minaa Uria, nakua: Dao te inan pemalaran kapua la minii untunui tu pemala’ ditunu pu’pu’ melambi’ sia pemala’ dikande makaroen, sia pemala’ ditunu pu’pu’na datu sia kande pemala’na, sia pemala’ ditunu pu’pu’na to buda sia kande pemala’na sia pemala’ pantedokna; sia iatu mintu’ rara pemala’ ditunu pu’pu’ sia rara pemala’ pangrere’ la mipa’pi’pikan inan pemalaran iato. Apa iatu inan pemalaran tambaga la kupa’paressampa.

2 DATU 16:17

Nata’takkimi datu Ahas tu papan tangdan pembasean, naangka’i tu pembasean dao mai sia naangka’i duka tu tasik dao mai sapi tambaga, anna patorroi dao sali batu.

2 DATU 25:13

Sia natesse to Kasdim tu lentong tambaga tu lan banuanNa PUANG, sia ia duka tu tangdan pembasean sia tasik tambaga, tu lan banuanNa PUANG, anna baai tu mintu’ tambaga iato lako Babel.

1 OSSORANNA DATU 18:8

Sia lan mai Tibhat sia Kun, tondokna Hadadezer, nanii Daud unnala tambaga bu’dak. Na tambaga iato mai nagaragai Salomo tasik tambaga sia lentong da’dua sia mintu’ pareanan tambaga.

2 OSSORANNA DATU 4:2

Sia nagaragai tu tasik dipati’no’ sangka’ tangngana dio mai randan sangbali sae lako randan sangbalinna sangpulo siku, malepong tongan, iatu langka’na limangsiku, iatu ulang pesuka’ tallungpulo siku ma’din dileburanni.

KATASSURAN 30:17

Ma’kadami PUANG lako Musa Nakua:

KATASSURAN 38:8

Iatu pembasean tambaga nagaragai, na iatu lentekna tambaga duka, samminna baine untoe toean dio ba’ba tenda kasitammuan, tu digaragai.

YEREMIA 27:19

Belanna nakua kadanNa PUANGna mintu’ ma’dandan maritik tu diona lentong, tasik, tangdan pembasean sia iatu pareanan torrona, tu torropa lan kota iate,

YEREMIA 52:17

Iatu lentong tambaga, tu dio banuanNa PUANG sia mintu’ tangdan pembasean sia tasik tambaga tu lan banuanNa PUANG puramo natesse to Kasdim anna baai tu mintu’ tambaga iato lako Babel.

YEREMIA 52:20

Sia iatu lentong da’dua sia iatu tasik tambaga misa’ sia iatu tangdan pembasean tu nagaragan datu Salomo banuanNa PUANG tang dibela ditimbang tu tambagana mintu’ pareanan iato.