1 DATU 7:15 - Sura' Madatu

¹⁵ Nakombongmi tu da’dua lentong tambaga, iatu misa’ sangpulo karua siku langka’na, tu ma’din dilebu’ misa’ ulang pesuka’ sangpulo dua sikunna; susi dukato tu lentong misa’nao.

1 DATU 7:15 ပူးပေါင်းရင်းမြစ်များ

1 DATU 7:16

Sia nagaragai duka tu parandena da’dua napatoppo’i daona lu lentong iato; iamo tambaga dipati’no’; iatu parande misa’ limang siku langka’na na iatu misa’na limang siku duka langka’na.

1 DATU 7:21

Mangkato napabendanmi tu da’dua lentong iato dio sarambinna bilik kalua’; iatonna pabendanni tu lentong dio kanan, nasangaimi Yakhin, sia iatonna pabendanni tu lentong dio kairi, nasangaimi Boas.

1 DATU 7:41

iamotu da’dua lentong, da’dua gasing-gasing parande tu daona lu lentong iato, da’dua dalla’ la ussamboi tu da’dua gasing-gasing parande tu daona lu lentong,

2 DATU 25:13

Sia natesse to Kasdim tu lentong tambaga tu lan banuanNa PUANG, sia ia duka tu tangdan pembasean sia tasik tambaga, tu lan banuanNa PUANG, anna baai tu mintu’ tambaga iato lako Babel.

1 OSSORANNA DATU 18:8

Sia lan mai Tibhat sia Kun, tondokna Hadadezer, nanii Daud unnala tambaga bu’dak. Na tambaga iato mai nagaragai Salomo tasik tambaga sia lentong da’dua sia mintu’ pareanan tambaga.

YEREMIA 27:19

Belanna nakua kadanNa PUANGna mintu’ ma’dandan maritik tu diona lentong, tasik, tangdan pembasean sia iatu pareanan torrona, tu torropa lan kota iate,

YEREMIA 52:13

Nasumpunmi tu banuanNa PUANG sia tongkonan layukna datu, sia iatu mai banua dio Yerusalem, iamotu mintu’ banuanna to kapua, pura nasumpun.

YEREMIA 52:17

Iatu lentong tambaga, tu dio banuanNa PUANG sia mintu’ tangdan pembasean sia tasik tambaga tu lan banuanNa PUANG puramo natesse to Kasdim anna baai tu mintu’ tambaga iato lako Babel.

YEREMIA 52:21

Iatu lentong iato da’dua sangpulo karua siku langka’na, ke misa’oi, sia sangpulo dua siku tu ulang pelebu’na sia kambanna patang taruno anna lo’bang lanna lu.

YEHEZKIEL 40:49

Iatu lambe’na sarambi iato duangpulo siku na babana sangpulo misa siku, ke disuka’i dio to’ pellesean, tu nanii tau kendek langngan. Na dio to’ rinding tembo’ patomali nanii bendan lentong.