1 DATU 6:5 - Sura' Madatu

⁵ Anna dio to’ rinding nagaraga tu ba’tu pira-pira bilik dipasikande banua, dio to’ rinding banua tiku lao, dio to’ bilik kapua sia to’ bilik boko’ tiku lao; sia napopa’kalada’-lada’ langngan tiku lao.

1 DATU 6:5 ပူးပေါင်းရင်းမြစ်များ

1 DATU 6:16

Iatu pollo’ banua tu duangpulo siku lambe’na disapa’ papan arasi’ randuk diong mai salinna sae lako balok, anna garagai tu lanna lu mendadi misa’ bilik dio boko’, iamoto tu inan mandu maindan.

1 DATU 6:31

Dio ba’ba bilik dio boko’ nagaragan kayu saitun pangala’ tu tutu’na; iatu ampang iato dipasikande-kande namendadi lima tetuk.

1 DATU 6:6

Iatu kalada’ diongna lu limang siku babana, na iatu lanna tangnga annan sikunna, na iatu ma’pentallunna langngan pitung siku, belanna dipakurang tu babana dio salian banua tiku lao, kumua da namella’ka’ lako rinding banua.

1 OSSORANNA DATU 23:28

Na iatu tau iato mai bendan umbalii bati’na Harun dio kamenomban lan banuanNa PUANG sia ungkampai tu mai tarampak, sia iatu mintu’ bilik, sia untiroi tu kadipemaseroianna mintu’ apa maindan, sia umposara’i tu mintu’ pengkarangan diona kamenomban lan banuanNa Puang Matua;

1 OSSORANNA DATU 28:11

Nasorongmi Daud lako Salomo, anakna muane, tu pandiri tarampak sola mintu’ bilikna, iamotu bilik pangnannan, bilik mengkadaoan sia bilik lanna lu sia bilik nanii tutu’ pebase kasalan.

1 OSSORANNA DATU 9:26

belanna lan te pentoean iate iatu tau a’pa’ iamo pangulunna to ma’kampa babangan; iatu tau iato mai to Lewi. Sia ia duka tu tau iato mai ungkampai tu mintu’ bilik sia bilik pangnannan lan banuanNa Puang Matua.

2 OSSORANNA DATU 31:11

Mesuami tu Hizkia umparandan ba’tu pira-pira bilik lan banuanNa PUANG, Naparandanmi tau.

2 OSSORANNA DATU 4:20

sia tongkonan palita sola mintu’ palitanna, tu la dipadukku dio tingayo bilik dio boko’, susitu dipasanna; iatu mintu’nato bulaan massang digaraga,

2 OSSORANNA DATU 5:7

Iatu patti basseNa PUANG nabaa to minaa tama inanna, iamotu bilik dio boko’ lan banua iato, iamotu bilik tarru’ maindan diongna lu pani’ karubion,

2 OSSORANNA DATU 5:9

Iatu bulleanna kalando tongan, naurunganni paan tu tampakna tarangso dio to’ patti dio tingayona bilik dio boko’, apa tang natiro tau dio mai salian. Iatu patti iato tontongpa dio sae lako allo totemo.

NEHEMIA 10:37

Sia la tabaa tu bunga’ ta’pung dalle sisikan – iamotu pa’durukta – sia mintu’ bunga’ bua kayu, uai anggoro’ ba’ru sia minna’ lako tominaa, dipatama bilik dio banua Kapenombanta sia taa sangpulona tu bura padangta la tabaa lako to Lewi, na tau iato mai, iamotu to Lewi, la urrampunni tu taa sangpulona lan lu mintu’ kotana to ma’lakoan padang.

NEHEMIA 12:44

Allo iato dipamanassami tu ba’tu pira-pira to ungkapalai bilik pa’palumpunan, tu nanii apa dirampun, iamotu pa’duruk, bunga’na bura padang sia patuoan na taa sangpulona mintu’ apa; na inde to dinii umpasirampunni tu pa’duruk dipamanassamo lan sukaran aluk, nadisorong lako to minaa sia to Lewi, sitinaya kakapuanna pa’lak sikandappi’ kota, belanna iatu to Yehuda umpoparannui tu to minaa sia to Lewi, tu umpogau’ kamenomban.

PA’PUDIAN 28:2

Perangii tu pengkamoyaku, ke meongli’na’ mati’ Kalemi, sia ke umpatadona’ pala’ku lako inan mandu maindan lan kabusungamMi.

KATASSURAN 25:22

Indemoto tu la Kunii ussitammuangko sia ussipa’kadangko dao mai tutu’ pebase kasalan lan mai alla’na da’dua karubion, tu dao patti kasa’bian, diona tu mintu’ apa Kubenko la muparampo lako to Israel.

PA’TENDENG BALLO 1:4

Rendenna’ angki sarra’i undi. Nasolammo’ Datu tama bilikna, melo ke unnarrakkan umposendekomi sia umpudi tu mali’mi losong na iatu uai anggoro’! Sipatukomi nakasinnai tau!

YEREMIA 35:2

Maleko lako bati’na Rekhab, ammu sipa’kada, ammu baai lako banuanNa PUANG, tama misa’ sapa’ sia pairu’i uai anggoro’.

YEREMIA 35:4

Kusolammi tu tau iato mai tama banuanNa PUANG, tama sapa’na bati’na Hanan, anakna Yigdalya, taunNa Puang Matua, tu sisapa’-sapa’na mintu’ arung, daona lu sapa’na Maaseya, anakna Salum, to ma’kampa ba’ba.

YEHEZKIEL 40:17

Attu iato nabaamo’ lako tarampak dio salian, kutiromi dio den bilik, sia den sali batu digaragai dio, tiku lao mintu’ tarampak; den tallungpulo bilik dao sali iato.

YEHEZKIEL 40:44

Na dio rampe salianna babangan lanna lu den da’dua bilik dio tarampak lanna lu, misa’ dio sa’dena babangan rampe daanna lu, mentingo sau’, na misa’ dio sa’dena babangan rampe lo’na lu, mentingo rekke.

YEHEZKIEL 41:4

Mangkato nasuka’mi tu lambe’na bilik lanna lu: duangpulo siku na babana duangpulo siku, siunduk sa’de bilik kapua; anna ma’kada lako kaleku nakua: Iamote tu inan tarru’ maindan.

SURA’ KATOMINAAN 16:2

Ma’kadami tu PUANG lako Musa Nakua: Pokadanni Harun, kakammu, kumua lan mintu’ attunna, da natama tu inan maindan dio boko’ kulambu tarru’ lako olo tutu’ pebase kasalan, tu dao patti iato, da namate; belanna ombo’Na’ lan gaun, tu dao tutu’ pebase kasalan.

KADIBILANGAN 7:89

Iake tamaomi Tenda Kasitammuan tu Musa la sipa’kada Puang, narangimi tu misa’ gamara, tu ma’kada lako kalena dao mai tutu’ pebase kasalan, tu dao patti kasa’bian, dio alla’na karubion. Susimoto tu Puang ma’kada lako kalena.