1 DATU 6:38 - Sura' Madatu

³⁸ Na iatonna taun ma’pessangpulo misa lan bulan Bul, iamo bulan ma’pengkarua, upu’mi dipabendan tu banua lan mintu’ bangunanna, sia mintu’nato unturu’ tongan pandirinna, naurungan pitung taun nabangun tu banua iato.

1 DATU 6:38 ပူးပေါင်းရင်းမြစ်များ

1 DATU 6:1

Iatonna taun a’pa’ratu’ ngkarua pulona tonna mangka tassu’ tu to Israel lan mai tondok Mesir, lan taun ma’penna’pa’na kama’parentanna Salomo lako to Israel, tonna bulan Ziw, iamotu bulan ma’penduan, nabangunanni Salomo tu banuanNa PUANG.

1 DATU 6:14

Iatonna mangkamo tu Salomo umbangunni tu banua iato,

1 DATU 6:37

Iatonna taun ma’penna’pa’ diotonmi tu parandangan banuanNa PUANG lan bulan Ziw.

1 DATU 6:9

Iatonna upu’ umbangunni tu banua iato, nasamboi papan kayu arasi’ ke sangsapa’oi sia nadada’ tu lentong kayu arasi’.

1 DATU 7:1

Apa iatu tongkonan layukna Salomo nabangun lan sangpulo tallu taunna; lan attu iato tepu nasang tu tongkonan layukna.

1 DATU 9:10

Iatonna ganna’mo duangpulo taunna, tepumi tu banua da’dua nabangun Salomo, iamotu banuanNa PUANG sia banuanna datu.

1 OSSORANNA DATU 28:19

Mintu’ te (kadanna Daud) disura’ lan misa’ sura’, ditarima dio mai limanNa PUANG, tu Nanii umpa’patuduanna’ tu diona mintu’ garaganna unturu’ pandiri.

1 OSSORANNA DATU 28:20

Ma’kadami Daud lako Salomo, anakna, nakua: La matoto’ko sia batta’ko sia pogau’i to; da mumataku’ sia da mutiramban, belanna PUANG Kapenomban, iamotu KapenombangKu, la urrondongko. Tae’ Nala toyang dio mai kalemu sia tae’ Nala umpopa’elo’nako sae lako mangkanna tu mintu’ pengkarangan diona kamenomban lan banuanNa PUANG.

2 OSSORANNA DATU 8:1

Iatonna ganna’mo duangpulo taunna, malisanmi nabangun Salomo tu banuanNa PUANG sola tu banuanna.

2 OSSORANNA DATU 8:16

Iatu mintu’ pengkaranganna Salomo malisan nasangmo, randuk dio mai allo diparandanganninna tu banuanNa PUANG sae lako upu’na. Susimoto tu kasundunanna banuanNa PUANG.

EZRA 5:11

Mebalimi tu tau iato mai lako kaleki, nakua: Kami te taunNakan Kapenombanna langi’ sola lino, sia kibangunmo sule te banua iate, tu mangka dibangun masai allomo lendu’na, tu nabangun sia napasundun misa’ datu tarompo’na to Israel.

KATASSURAN 39:32

Attu iato dipasundunmo tu mintu’ karangna kema, iamotu tenda kasitammuan, nagaragaimo to Israel susitu mintu’na Napepasanan PUANG lako Musa, susimo kanagaraganna to.

KATASSURAN 39:42

Susi mintu’ tu Napepasanan PUANG lako Musa, susimo tu mintu’ pengkarangan iato nakarang to Israel.

KATASSURAN 39:43

Napasileleimi matanna Musa tu mintu’ pengkarangan iato, manassamo nakarang tau iato mai susitu mintu’ Napepasanan PUANG; susimo kanakaranganna to. Napassakkemi Musa tu tau iato mai.

ZAKHARIA 4:9

Mangkamo naoton Zerubabel te parandanganna te Banua iate, naia duka la ussundunni, ammi issanni kumua Nasuana’ PUANGna mintu’ ma’dandan maritik lako kalemi.

YOHANES 2:20

Nakuami tu to Yahudi: Patangpulo nnannan taunna nanii tau umpabendanni te Banua Kabusungan, anna tallung allori Kamu la Minii umpabendanni?