1 DATU 6:32 - Sura' Madatu

³² Iato tutu’ ba’ba da’dua kayu saitun digaragai, anna sura’i rapang-rapang karubion dio sia koroma sia puso bunga tiballa’ sia nasapu’ bulaan; anna sapu’i bulaan tu karubion sia koroma napemati’tinni.

1 DATU 6:32 ပူးပေါင်းရင်းမြစ်များ

1 DATU 6:18

Iatu kayu arasi’ dipanglopakan tu banua lanna lu, nanii passura’ ma’rupa katimun sia puso bunga tiballa’; mintu’nato kayu arasi’ nasang, natae’ tu batu kanaan.

1 DATU 6:23

Lan bilik dio boko’ nagaragai tu da’dua karubion kayu saitun pangala’, sangpulo siku tu langka’na.

1 DATU 6:29

Sia mintu’ rinding banua iato tiku lao, la bilik lanna lu la bilik salianna nasura’i dio tu rapang-rapang karubion sia koroma sia puso bunga tiballa’.

1 DATU 6:31

Dio ba’ba bilik dio boko’ nagaragan kayu saitun pangala’ tu tutu’na; iatu ampang iato dipasikande-kande namendadi lima tetuk.

1 DATU 6:33

Susi dukato tu dio ba’ba bilik kalua’ nagaragai tu ampang kayu sendana, tu dipasikande-kande anna massulapa’ a’pa’.

2 OSSORANNA DATU 4:22

Iatu piso sia pindan pa’pi’pikan sia piring sia peruayan, bulaan massang digaraga; iatu diolanna tama banua, iamotu ba’ba rapi’ lanna lu, tu lu tama bilik tarru’ maindan, sia iatu ba’ba rapi’ tu lu tama bilik kalua’na Banua Kabusungan, bulaan digaraga.

YEHEZKIEL 40:16

Iatu mai bilik sia rinding tembo’ den pentiroanna, titutu’ bang ditaralii, tu ma’palutama, dio babangan tiku lao; susi dukato dio lu mintu’ sarambi; iatu pentiroan ma’palutama tiku lao, na dio to’rinding tembo’ den koroma.

YEHEZKIEL 41:18

Den karubion sia koroma dipalakoanni, dipasialla’, misa’ koroma na da’dua karubion; iake misa’oi karubion da’dua tu lindona: