1 DATU 6:27 - Sura' Madatu

²⁷ Napalanmi bilik lanna lu tu karubion da’dua, anna balla’ pani’na sola duai, naurunganni iatu pani’na misa’ tu karubion misa’ sumpu lako to’ rinding na iatu pani’na misa’ tu karubion senga’o sumpu lako to’ rinding senga’, na iatu pani’na sola duai tu ma’palutama tangnga banua sitammu.

1 DATU 6:27 ပူးပေါင်းရင်းမြစ်များ

1 DATU 6:26

Iatu karubion misa’ sangpulo siku tu langka’na na iatu karubion misa’ susi dukato.

1 DATU 6:28

Iatu karubion sola duai nasapu’ bulaan.

1 DATU 8:6

Iatu patti basseNa PUANG nabaa to minaa tama inanna, iamotu bilik dio boko’ lan banua iato, iamotu bilik tarru’ maindan diongna lu pani’ karubion.

1 DATU 8:7

Belanna iatu karubion umballa’ pani’na patomali dao inan patti iato, naurungan iatu karubion ussamboi dao mai tu patti iato sola pebullena.

2 OSSORANNA DATU 3:11

Iatu mintu’ pani’ karubion duangpulo siku landona; iake misa’ pani’ dio misa’na limang siku, anna sumpu lako to’ rinding banua iato, na iatu pani’ misa’nao limang siku, anna sumpu lako pani’ karubion misa’nao.

2 OSSORANNA DATU 5:8

naurungan napatiballa’ patomali tu pani’ karubion daona lu inan patti iato sia nasamboi tu patti sola pebullena dao mai.

KATASSURAN 25:20

La umballa’ pani’na patomali langngan tu karubion iato, anna samboi pani’na tu tutu’ pebase kasalan sia la sitingoan tu lindona; namentiro rokko tutu’ pebase kasalan tu matanna.

KATASSURAN 37:9

Iatu karubion iato umballa’ patomali pani’na langngan, anna samboi pani’na tu tutu’ pebase kasalan sia sitingoan tu lindona; namentiro rokko tutu’ pebase kasalan.