1 DATU 6:20 - Sura' Madatu

²⁰ Iatu bilik dio boko’ duangpulo siku lambe’na, na duangpulo siku babana, na duangpulo siku langka’na, nasapu’ nasangi bulaan tasak; sia nagaragai duka misa’ inan pemalaran kayu arasi’.

1 DATU 6:20 ပူးပေါင်းရင်းမြစ်များ

1 DATU 6:19

Susimoto tu misa’ bilik nagaragai dio boko’ lan banua iato, la napannii patti basseNa PUANG lan.

1 DATU 6:21

Sia nasapu’ Salomo bulaan tasak tu banua iato lanna lu sia natoke’i (kulambu) tu rante bulaan dio tingayo bilik dio boko’, tu mangka nasapu’ bulaan.

1 DATU 6:22

Na iatu mintu’ banua iato nasapu’ bulaan, naurunganni mintu’ banua disapu’ nasang; ia duka tu mintu’ inan pemalaran, tu sikande bilik dio boko’, nasapu’ bulaan.

1 DATU 7:48

Sia nagaragai duka Salomo tu mintu’ oongan tu inang la den lan banuanNa PUANG, iamotu inan pemalaran bulaan sia meda bulaan tu dipannii roti dipennoloan dao,

2 OSSORANNA DATU 3:7

Iatu bilik iato nasapu’ bulaan, iamotu balokna, ampangna, rindingna sia iatu ba’ba patomalinna; na dio tu rindingna nasura’ karubion.

KATASSURAN 26:29

Sia la mukallasa’ bulaan tu mintu’ papan sia bulaan la mugaraga tu komba dinii unnulu pesa’pi’, sia la mukallasa’ bulaan tu mintu’ pesa’pi’.

YEHEZKIEL 41:22

Iatu inan pemalaran kayu digaraga, tallung siku langka’na na duang siku lambe’na; iatu tetukna sia lette’na sia rindingna kayu nasang. Ma’kadami lako kaleku nakua: Iamote tu meda tu bendan dio oloNa PUANG.

YEHEZKIEL 41:4

Mangkato nasuka’mi tu lambe’na bilik lanna lu: duangpulo siku na babana duangpulo siku, siunduk sa’de bilik kapua; anna ma’kada lako kaleku nakua: Iamote tu inan tarru’ maindan.