1 DATU 6:1 - Sura' Madatu

¹ Iatonna taun a’pa’ratu’ ngkarua pulona tonna mangka tassu’ tu to Israel lan mai tondok Mesir, lan taun ma’penna’pa’na kama’parentanna Salomo lako to Israel, tonna bulan Ziw, iamotu bulan ma’penduan, nabangunanni Salomo tu banuanNa PUANG.

1 DATU 6:1 ပူးပေါင်းရင်းမြစ်များ

1 DATU 6:2

Iatu banua nabangunanni datu Salomo tu PUANG, annan pulona siku tu lambe’na, duangpulo siku tu babana, na tallungpulo siku tu langka’na.

1 DATU 6:37

Iatonna taun ma’penna’pa’ diotonmi tu parandangan banuanNa PUANG lan bulan Ziw.

1 OSSORANNA DATU 29:19

Sia kamaseanni anakku Salomo tu penaa bulo lollong la ungkaritutui tu pepasanMi sia pangadaramMi sia iatu apa Mipondok sia la unturu’i tu mintu’na sia la umbangunni tu tambakuku, tu kupasakka’mo oonganna.

1 OSSORANNA DATU 6:10

Iatu Yohanan undadian Azarya; iamoto tu to untoe pentoean to minaa lan Banua Kabusungan tu napabendan Salomo dio Yerusalem.

2 OSSORANNA DATU 3:3

Inde sia tu suka’ parandangan nagaragai Salomo la umbangun banuanNa Puang Matua: iatu landona ke direken siku doloi, manangpulo siku na iatu babana duangpulo siku.

EZRA 5:11

Mebalimi tu tau iato mai lako kaleki, nakua: Kami te taunNakan Kapenombanna langi’ sola lino, sia kibangunmo sule te banua iate, tu mangka dibangun masai allomo lendu’na, tu nabangun sia napasundun misa’ datu tarompo’na to Israel.

PA’PUDIAN 78:69

AnNa bangunni tu inan maindanNa butung inan matande, sia butung lino tu Naparandanganni matoto’ tontong sae lakona.

KATASSURAN 12:41

Iatonna ma’katampakannamo a’pa’ratu’ ntallungpulo taunna, allo ia duka bangsiamoto, natassu’ tu kaponanna taunNa PUANG lan mai tondok Mesir.

KATASSURAN 12:51

Iatonna allo ia bangsiamoto Nasolanni PUANG tu mintu’ to Israel lan mai tondok Mesir unturu’ mintu’ kaponanna.

YEHEZKIEL 41:1

Mangkato nabaamo’ tama bilik kapua, anna suka’i tu rinding tembo’ annan siku tu babana indena mai, na annan suku tu babana diona lu, iamoto tu baba tenda.

HAGAI 1:8

Malekomi langngan buntu unnala kayu, ammi bangunni sule te banua iate, manassa la naposende penaangKu, angKu dipakala’bi’, kadanNa PUANG.

ZAKHARIA 6:15

Iatu to mambela la sae umbangunni tu Banua kabusunganNa PUANG, ammi tandai, kumua PUANGna mintu’ ma’dandan maritik ussuana’ lako kalemi. Iate iannate la dadi, ke miperangii sia mipalan penaai tu kadanNa PUANG, Kapenombammi.

KADIBILANGAN 1:1

Ma’kadami tu PUANG lako Musa lan padang pangallaran Sinai, lan Tenda Kasitammuan, tonna allo bunga’na bulan ma’penduan lan taun ma’penduanna mangkanna tassu’ tu tau iato mai lan mai tondok Mesir, Nakua:

PENGGAURANNA RASULU’ 13:19

Iatonna mangkamo ummangsanni tu tau pitu bangsana dio tana Kanaan, nataa-taanni tu padangna napomana’i tinde tau,

PENGGAURANNA RASULU’ 7:47

Apa Salomo ia tu umpabendananNi misa’ banua.

1 KORINTUS 6:19

Ba’tu tae’raka mitandai kumua iatu kalemi, iamo banuanNa Penaa Masallo’ untorroikomi, tu mangka miappa’ dio mai Puang Matua, sia tangia apammi kalena tu kalemi?

2 KORINTUS 6:16

Sia apara nasikandei banuanNa Puang Matua tu deata? Belanna kitamote tu banuanNa Puang Matua matontongan, susitu kadanNa Puang Matua, Nakua: La torroNa’ sia la sumalongNa’ dio lu naninna tau iato, sia la mendadiNa’ Puangna tau iato, anna tau iato la mendadi taungKu.

KOLOSE 2:7

mennuaka’komi sia bantangkomi lan Kalena sia batta’komi lan kapatonganan, susitu mangka diadarangkomi, ammi pabuda pa’kurre sumanga’.

IBRANI 11:10

Belanna urrannuan tondok diparandanganni, tu Nabangun sia Napabendan Puang Matua.

IBRANI 9:11

Apa saemo tu Kristus mendadi Tominaa Kapua, tu oto’na mintu’ kameloan la bu’tu, unnolai tenda la’bi kapua sia la’bi sundun, tangia panggaraga lima, battuananna tangia lu dio mai te lino,

1 PETRUS 2:5

la susi dukakomi batu tuo dibangun mendadi misa’ banua mempenaa sia kombongan masallo’na tominaa, dikua ammi pemalaran pesuru’ mempenaa, tu Naporai Puang Matua belanna Yesu Kristus.

TO PARENGNGE’ 11:26

Talluratu’mo taunna tu to Israel torro dio Hesbon sola mintu’ lili’na sia dio Aroër sola mintu’ lili’na sia dio mintu’ kota dio randananna Arnon, ma’apai natae’ misae urrampananni to attu iato.