1 DATU 5:8 - Sura' Madatu

⁸ Kurangimo tu apa misua tau umpokadanna’; la kupogau’ nasang tu pa’poraiammi diona tu kayu arasi’ sia kayu sendana.

1 DATU 5:8 ပူးပေါင်းရင်းမြစ်များ

2 SAMUEL 6:5

Iatu Daud sola mintu’ to Israel ma’marua’-rua’ dio oloNa PUANG, umpannoni ma’rupa-rupa (oni-onian) kayu sapuko, iamotu katapi, dandi, ganda’-ganda’, giring-giring sia taa’-taa’.

1 DATU 5:7

Iatonna rangimi Hiram tu kadanna Salomo, sende tonganmi, nama’kada nakua: Mintu’na kadipudian lu lako PUANG te allo iate, tu mangka ungkamasean Daud misa’ pia muane kinaa la umparentai te bangsa kapua iate.

1 DATU 5:9

Mintu’ taungku la umbaai dao mai Libanon rokko tasik, angku a’ga raki’i lan tasik, sia kusombaranni lako inan tu la mipamanassanna’, anna dibukai inde to dio, ammi ma’din unnalai. Apa iatu kamu la minturu’ tu palakungku, iamotu la miben kande tu to lan tongkonan layukku.

1 DATU 6:15

nagaragammi kayu arasi’ tu rinding tembo’ banua iato, lanna lu, randuk diong mai salinna sae lako balok rattiangna nalopak kayu tu lanna lu; apa iatu sali banua nalopak papan sendana.

1 DATU 6:34

Na iatu tutu’na da’dua kayu sendana iatu misa’na duang lamba’ tu ma’din digirik na iatu misa’na duang lamba’ tu ma’din duka digirik.

2 OSSORANNA DATU 2:16

La ullellengmokan kayu dao Libanon pada tu miparalluinna, angki rakisangkomi diong tasik lako Yafo; ammi baai langngan Yerusalem.

2 OSSORANNA DATU 3:5

Iatu bilik kapua iato nalopak kayu sendana, anna sapu’i bulaan matasak sia napalakoi passura’ koroma sia pa’rante-rante.