1 DATU 5:6 - Sura' Madatu

⁶ Iamoto suai tu mai tau lao ullellenganna’ kayu arasi’ dao Libanon, sia da’ito natundui taummi tu taungku, sia iatu sarona taummi la kubaya’ pada tu mipokadanna, belanna miissan kumua tae’i misa’ tu taungku manarang manglelleng kayu susito Sidon.

1 DATU 5:6 ပူးပေါင်းရင်းမြစ်များ

KADADIAN 10:15

Kanaan undadian Sidon, iamo anak pa’bunga’na na Het,

1 DATU 10:26

Pissanmito narampun Salomo tu ba’tu pira-pira kareta sia pakkanarang, naurunganni naampui tu kareta sangsa’bu a’pa’ ratu’ na pakkanarang sangpulo dua sa’bunna, anna palaanni lu mintu’ kota dipannii kareta sia sola datu dio Yerusalem.

1 DATU 5:7

Iatonna rangimi Hiram tu kadanna Salomo, sende tonganmi, nama’kada nakua: Mintu’na kadipudian lu lako PUANG te allo iate, tu mangka ungkamasean Daud misa’ pia muane kinaa la umparentai te bangsa kapua iate.

1 DATU 6:16

Iatu pollo’ banua tu duangpulo siku lambe’na disapa’ papan arasi’ randuk diong mai salinna sae lako balok, anna garagai tu lanna lu mendadi misa’ bilik dio boko’, iamoto tu inan mandu maindan.

1 DATU 6:20

Iatu bilik dio boko’ duangpulo siku lambe’na, na duangpulo siku babana, na duangpulo siku langka’na, nasapu’ nasangi bulaan tasak; sia nagaragai duka misa’ inan pemalaran kayu arasi’.

1 DATU 9:19

sia mintu’ kota pangnannan kande tu naampui Salomo, sia mintu’ kota dipannii kareta sia mintu’ kota dipannii pakkanarang sia mintu’ tu apa nasanga la nabangun Salomo lan Yerusalem sia dao Libanon sia lan mintu’ lili’ parentana.

1 DATU 9:27

Nasuami Hiram tu taunna, iamotu pallopi, tu matarru’mo lan tasik male massombaran sola taunna Salomo.

1 OSSORANNA DATU 22:4

sia kayu arasi’ tang dikemba’mo budanna, belanna iatu kayu arasi’ nabaa to Sidon sia to Tirus lako Daud buda tonganmo.

2 OSSORANNA DATU 1:14

Narampunmi Salomo tu ba’tu pira-pira kareta pakkanarang, naurunganni unnampui sangsa’bu a’pa’ratu’ tu kareta na sangpulo dua sa’bunna pakkanarang; napalanni lu ba’tu pira-pira kota inan kareta sia napadio sola datu dio Yerusalem.

2 OSSORANNA DATU 2:10

Tonganna iatu la sonda sara’na to manglelleng, tu ullelleng kayu, la kuben la napokande taummi, iamotu gandung duangpulo sa’bu koro’, dalle sisikan duangpulo sa’bu koro’, uai anggoro’ duangpulo sa’bu ba’, na minna’ duangpulo sa’bu ba’.

2 OSSORANNA DATU 2:8

Sia la mipa’peanna’ kayu arasi’ sia sendana sia algummin dio mai Libanon, belanna kuissan kumua iatu mintu’ taummi manarang ullelleng kayu dao Libanon. Manassa iatu mintu’ taungku la untundui taummi,

EZRA 3:7

Nabenmi doi’ tau iato mai tu to ma’pa’batu sia pande kayu; sia kande sia diiru’na sia minna’ naben to Sidon sia to Tirus la umbaai tu kayu arasi’ dao mai Libanon tama tasik Yafo, susitu pangeloranna Koresh, datu Persia lako tau iato mai.

PA’PUDIAN 29:5

Iatu gamaranNa PUANG umpasiapanan kayu arasi’, ondongpi PUANG umpasiapanan kayu arasi’ dao Libanon.

ZAKHARIA 11:12

Ma’kadamo’ lako tau iato mai kukua: Iake misangai melo, benmo’ tu saroku, apa iake tae’i, elo’namo! Natimbangmi tu saroku tallungpulo batu salaka.

ROMA 12:17

Da mipasipakkan kakadakean lako misa’ duka tau. Karitutui tu kameloan dio tingayona tau.

EFESUS 4:7

Apa iatu kita mintu’ mangkamoki’ pantan diserongi pa’kamasean, sitinaya sukaran pamenganNa Kristus.

PA’TOLE 17:16

Apa tae’ nama’din la umpatuo buda darang sia iatu bangsa tae’ na la ussolanni sule lako Mesir, kumua anna allii buda tu darang, belanna mangkamo Napokada PUANG, Nakua: Iate lalan iate tae’mo mila unnola lenni sule.

FILIPI 4:8

Senga’mito, e sangsiulurangku, mintu’na tu tonganna, mintu’na tu mala’bi’na, mintu’na tu malambu’na, mintu’na tu masallo’na, mintu’na tu maballona, mintu’na tu melona dirangi, to ke nanii kameloan sia ke nanii kadipudian, iamoto tu la mitangnga’ lan penaammi.