1 DATU 5:3 - Sura' Madatu

³ Miissan, kumua iatu ambe’ku Daud tae’ anna belai umpabendananni banua tu sanganNa PUANG, Kapenombanna, napobua’ mintu’ kasirarian tu napatingoanni tau tiku lao sae lako Napatunduk PUANG tu tau iato mai diong to’ lentekna.

1 DATU 5:3 ပူးပေါင်းရင်းမြစ်များ

1 DATU 8:19

Apa tae’ nala iko la umbangunni tu banua iato, sangadinna anakmu muane tu bu’tu dio mai kalemu, iamo la umbangunanni banua tu sangangKu.

1 OSSORANNA DATU 22:8

Apa sae tu kadanNa PUANG lako kaleku Nakua: Mangkamoko umpatibollo buda rara sia umpogau’moko rari kapua; tae’mo muma’din umpabendanan misa’ banua sangangKu, belanna umpatibollomoko buda rara dao te kuli’na padang dio oloKu.

1 OSSORANNA DATU 28:2

Bendanmi tu datu Daud nama’kada nakua: Perangiina’, e mintu’ siulu’ku sia taungku; den bu’tu lan penaangku la umbangunanni misa’ banua nanii mari’pi tu patti basseNa PUANG sia bangku pelleseanNa Kapenombanta; sia kupasakka’ tu mintu’ apa dipake la umpabendanni.

1 OSSORANNA DATU 28:3

Apa ma’kada tu Puang Matua lako kaleku, Nakua: Tae’ muma’din umpabendanan misa’ banua sangangKu, belanna misa’ko pa’barani sia umpatibollo rara buda.

2 OSSORANNA DATU 9:4

sia iatu mai kande dao medana, sia kao’koranna to mase’ponna, sia bendanna mintu’ to ma’kamayana sia pakeanna tau iato mai, sia mintu’ to ma’pairu’na sia pakeanna tau iato mai, sia pemala’ ditunu pu’pu’na tu biasa napennoloan lan banuanNa PUANG, pakalan pa’de deatami tu datu baine iato.

NEHEMIA 5:17

Iatu to Yahudi sia mintu’ pangulu agi-agi saratu’ limangpulo tau sia iatu to sae lako kaleki dio mai tu mintu’ bangsa tiku lao, kupakande.

NEHEMIA 5:18

Iatu apa dipasakka’ ke sangallooi, iamotu misa’ sapi laki, annan domba malompo, sia ba’tu pira-pira manuk-manuk, aku nasang umpadenni, na iake sisangpulooi allona sebo ma’rupa-rupa anggoro’. Moi nasusi to tae’ra kutuntun pa’kasian to maraa, belanna iatu pa’diaman iate, umpamatana’mo te bangsa iate.

PA’PUDIAN 110:1

Pa’pudianna Daud. Susite tu kadanNa PUANG lako Puangku Nakua: Nno’ko’Ko dio kananKu, sae lako Kupopengkanorongna nasang tu mai ualimMu Mupolilli’ lentek.

PA’PUDIAN 8:6

Moi susito, Mipamadiongan sidi’ri tu a’ganna anna Kapenomban, sia Mimakotaimo kamala’biran sia kadipangkeran.

MALEAKHI 4:3

La milullu’ tu mintu’ to kelok, belanna la membarra’-barra’ diong pala’ lette’mi lan to allo la Kupasakka’, kadanNa PUANGna mintu’ ma’dandan maritik.

1 KORINTUS 15:25

Belanna inang sipato’ ma’parenta susi datu, sae lako Napadiongna nasang Puang Matua to’ lentekNa tu mintu’ uali.

EFESUS 1:22

Sia mintu’na angge maritik Napopengkanorong Puang Matua diong to’ lentekNa, sia Nakamasean kombongan mendadi pennuluanna mintu’na angge maritik.

PA’TOLE 14:5

donga, kijang, anuang, bembe’ lampung, tangali, sapi laki lampung sia domba lampung.

YOSUA 10:24

Iatonna solammi tau tassu’ tu datu iato lako Yosua, natambaimi Yosua tu mintu’ muane to Israel, anna ma’kada lako mintu’ pangulu surodadu, tu nasisolan male, nakua: Malekomi mai, patoppo’i lentekmi tu sokkongna te mintu’ datu. Mengkareke’mi tu tau iato, napatoppo’i tu lentekna dao sokkongna datu iato.