1 DATU 4:34 - Sura' Madatu

³⁴ Sia dio mai mintu’ bangsa pantan sae tau la umperangii kakinaanna Salomo, sia pesuanna mintu’ datu lan lino tu umpekarebai tu diona kakinaanna.

1 DATU 4:34 ပူးပေါင်းရင်းမြစ်များ

1 DATU 10:1

Iatonna rangimi datu baine dio mai Syeba tu kareba diona Salomo tu siumpu’ sanganna PUANG saemi la umpeponto bannangi.

1 DATU 4:33

Sia nasa’bu’ duka tu diona mintu’ kayu, randuk dio mai kayu arasi’ dao Libanon sae lako kayu supa, tu tuo dio rinding tembo’; sia nasa’bu’ duka tu diona mintu’ patuoan, manuk-manuk, olo’-olo’ mendonglo’ sia mintu’ bale.

2 OSSORANNA DATU 9:1

Narangimi datu baine dio mai Syeba tu kareba diona Salomo. Pakalan saemi dio Yerusalem la umpeponto bannangi tu Salomo, naturu’ baanan makamban sia ba’tu pira-pira unta unteke’ pebangki’ sia bulaan lendu’ ia budanna sia ma’rupa-rupa parimata ballo. Rampomi lako Salomo, anna pokadai lako tu mintu’ apa lan penaanna.

2 OSSORANNA DATU 9:23

Mintu’ datu dao kuli’na padang morai tongan la umpessitiroi Salomo la umperangii kakinaanna, tu mangka natanan Puang Matua lan penaanna.

YESAYA 2:2

La dadi undinna, kumua iatu buntu nanii banuanNa PUANG, la bantang ten to buntu malangka’ untongloi mintu’ buntu, anna mintu’ bangsa lolong lako.

ZAKHARIA 8:23

Inde sia tu kadanNa PUANGna mintu’ ma’dandan maritik Nakua: Allo ia dukato la sangpulo tu tau dio mai mintu’ bangsa ma’rupa-rupa basana la untoe, ondongpi la natoe tongan tu tampak bayu lamba’na to Yahudi, anna ma’kada nakua: La moraikanni undi unturu’komi, belanna kirangimo, kumua Narondongkomi Puang Matua.