1 DATU 4:30 - Sura' Madatu

³⁰ naurungan iatu kakinaanna Salomo mandu kapua anna kakinaanna to dio lu rampe matallo sia mintu’ kakinaanna to Mesir.

1 DATU 4:30 ပူးပေါင်းရင်းမြစ်များ

KADADIAN 25:6

Apa lako anak tang nabolai naben pa’pakatana, mangkato nasua nasangmi mallai dio mai Ishak, anakna; tonna tuopa tu Abraham nasuai lako rampe matallo, lako Padang matallo.

KADADIAN 29:1

Ke’de’mi tu Yakub inde to dio mai, ma’palulako padang to rampe matallo.

1 DATU 10:23

Susimoto tu datu Salomo la’bi kapua anna iatu mintu’ datu dao kuli’na padang la dona kasugiran la diona kakinaan.

AYUB 1:3

Iatu apanna pitungsa’bu tu domba sola bembe’, tallungsa’bu tu unta, limaratu’ ayokana tu sapi, na limaratu’ keledai birang, sia buda tongan tu mai pa’dua’na, iamoto na iatu muane iato sugi’ lallang na iatu mai mintu’na pa’tondokan dio rampe matallo.

TOMANGADA’ 1:16

Sipa’kadamo’ kaleku kukua: Manassa kupakapuamo sia kupabudamo tu kakinaan losong na iatu mintu’ to dolo na aku tu umparenta Yerusalem; na iatu penaangku unnappa’mo kaseboanna kakinaan sia kapaissanan;

YEHEZKIEL 25:4

iamoto la Kusorongko lako suku dio mai rampe matallo la napotau; dio lili’mu la nanii umpabendanni tu mai tenda ditambakuku sia la nanii unnosokki tu inan nanii torro; anna kandei tu mai bua kayummu sia nairu’ tu mai bumbunganmu.

DANIEL 1:20

Na lan mintu’na apa diona kamatarrusan sia kapaissanan, tu napekutanan datu lako kalena, naappa’mi datu kumua losong ia pessangpulo manarangna na iatu mintu’ to paissan-issan sia to ma’basa-basa lan mintu’ kadatuanna.

DANIEL 4:7

Pakalan saemi tu mintu’ to paissan-issan, to ma’basa-basa to Kasdim sia to pakita-kita, angku uleleananni tu tindoku lako kalena, apa tang naissan umpokadanna’ tu sembangna.

MATIUS 2:1

Iatonna dadimo tu Yesu dio Betlehem, tana Yudea, tonna linona datu Herodes, saemi to patanda-tandan, to dio mai padang rampe matallo, lako Yerusalem,

MATIUS 2:16

Undinna tonna issanmi Herodes kumua napakena to patanda-tandan, lendu’mi sengkena, nasuami tu tau lao umpatei tu mintu’ pia’-pia’ muane, tu lanna tondok Betlehem sia lan mintu’ lili’na, tu ma’angge duang taunnamo dadinna, naagian dio mai tu mangkanna napesumpu lako to patanda-tandan.

PENGGAURANNA RASULU’ 7:22

Naada’imi tau kamanarangan to Mesir tu Musa, naurunganni pasau’ nala diona kada nala diona penggauran.

TO PARENGNGE’ 6:33

Iatu mintu’ to Midian sia to Amalek sia suku dio mai rampe matallo saemo sirampun, anna ullamban salu lian sia ma’tenda diong padang marantena Yizreel.