1 DATU 4:29 - Sura' Madatu

²⁹ Sia Naben Puang Matua kakinaan tu Salomo sia kamatarrusan kapua tongan sia kapaissanan maluangan susi bungin dio randan tasik,

1 DATU 4:29 ပူးပေါင်းရင်းမြစ်များ

KADADIAN 41:49

Susimoto nadurukmi Yusuf tu gandung tu pada karangan dio biring tasik, naurunganni tae’mo napalanda’i tau umbilangi, belanna tang dikemba’ budanna.

1 DATU 3:12

manassa la Kupogau’ susitu kadammu; tonganna la Kukamaseangko penaa kinaa sia kamatarrusan, naurunganni tae’ padammu te attu lendu’ sia iate attu mutingayo lako tae’ la bendan tu padammu.

1 DATU 3:28

Iate pangra’ta’na datu narangi mintu’ to Israel, nakabangnga’mi tu datu, belanna natiro kumua den kamatarrusanNa Puang Matua lan ba’tengna, la ma’paolai salu.

1 DATU 4:20

Iatu bilangan to Israel sia to Yehuda susi karangan dio biring tasik budanna; iatu tau iato mai kumande sia mangiru’ sia parannu-rannu.

PA’PUDIAN 119:32

La kuturu’ tu lalan pepasanMi, belanna Mipamalosangmo tu penaangku.

PA’PUDIAN 119:34

Benna’ tangnga’ kinaa, angku karitutui tu sukaran alukMi, sia angku kanannangi situang penaa kalebungku.

SARAMBU PEADA’ 2:6

Belanna PUANG Ia tu umpa’kamasean kakinaan, lan mai pudukNa nanii tassu’ tu kapaissanan sia tangnga’ kinaa.

TOMANGADA’ 1:16

Sipa’kadamo’ kaleku kukua: Manassa kupakapuamo sia kupabudamo tu kakinaan losong na iatu mintu’ to dolo na aku tu umparenta Yerusalem; na iatu penaangku unnappa’mo kaseboanna kakinaan sia kapaissanan;

TOMANGADA’ 2:26

Belanna iatu to melo dio pentiroNa Puang Naben kakinaan, kapaissanan sia kaparannuan, apa iatu to tae’ naalai penaanNa, Napatakoi pengkarangan la mangrampun sia ma’pakombong, kumua anna sorongi lako minda-minda tu naala penaanNa Puang Matua. Ia duka tu apa iato tae’ gai’na sia susito unnula’ angin.

YESAYA 60:5

Attu iato la mutirro sia la dukku-dukku tu rupammu situang kaparannuan, iatu penaammu la tiakka’ parannu kapua, belanna iatu kasugiranna tasik ma’palulakomo kalemu sia iatu iananna mintu’ bangsa la rampo duka lako kalemu.

YEREMIA 33:22

Susitu mintu’ ma’dandan maritik dao langi’ tang dikemba’ bilanganna sia karangan dio biring tasik tang tisuka’, susi dukamoto la Kupopemba’ka’ tu bati’na Daud, taungKu, sia mintu’ to Lewi, tu mengkaola lako Kaleku.

DANIEL 2:21

Ia duka umpopembali pentaunan sia attu. Ia untassu’i datu, Ia duka unnangka’i, Ia duka ungkamasei kakinaan tu to kinaa sia kapaissanan tu to paissan.

HABAKUK 1:9

Mintu’ bangsa iato sae umpogau’ kamasa’garan, iatu to undoloanni lumumpa’ susi angin rampe matallo, sia urrampun to dirampa susi karassik budanna.

YAKOBUS 1:17

Iatu mintu’na pamengan sia mintu’na pa’kamase lu dao mai, songlo’ dao mai Ambe’, oto’na mintu’ parrangna dao langi’, Iamotu tang membali sia tae’ natimbayo len katileleanNa.

YAKOBUS 1:5

Anna iake denkomi tu tang kinaa, sipatu la napalaku lako Puang Matua, tu umpa’kamasean bangi lako mintu’ tau sia tang Napopeko’to’, manassa la Napa’kamasean lako kalena.

YAKOBUS 3:17

Apa iatu kakinaan songlo’ lu dao mai tipamulanna masallo’, ungkabarii kamarampasan, mabalele, matinuru’, ponno kamamasean sia bua-bua maelo, tae’ nabata, sia tae’ nabelo puduk.

TO PARENGNGE’ 7:12

Iatu mintu to Midian sia to Amalek sia mintu’ suku dio mai matallo ma’tenda diong lu lombok, lendu’ budanna susito batik, sia iatu untana tang dikemba’ dibilang, iatu budanna susi bang to karangan dio lu biring tasik.