1 DATU 4:13 - Sura' Madatu

¹³ na Ben-Geber dio Ramot dio Gilead, tu umparenta mintu’ tondokna Yair, anakna Manasye dio Gilead sia mintu’ lili’na Argob dio Basan, annanpulona kota kapua tu dirinding tembo’ sia disalli’ tambaga;

1 DATU 4:13 ပူးပေါင်းရင်းမြစ်များ

1 DATU 22:3

Ma’kadami tu datu to Israel lako mintu’ to mase’ponna, nakua: Miissan siaraka, kumua iatu Ramot dio Gilead naala lili’ta? Anta popa’elo’na bangi tang unnalai sule lan mai kuasanna datu to Aram!

2 DATU 9:1

Natambaimi nabi Elisa tu misa’ passikola nabi nama’kada lako nakua: Ma’tambeke’ko ammu alai te busso’-busso’ nanii minna’ lan, ammu male lako Ramot, lili’na Gilead.

2 DATU 9:14

Susimo kasipakulu-kuluanna to tu Yehu, anakna Yosafat, anakna Nimsi la umbali Yoram. Na iatu Yoram sola mintu’ to Israel untorroimo Ramot, lili’na Gilead, la umpangeai tu kota iato unnea Hazael, datu Aram.

1 OSSORANNA DATU 2:23

Apa iatu Gesur sola Aram unnala kampong. Mintu’ kampong iato iamotu Kenat sia mintu’ lili’na, annan pulona kampong. Mintu’ kampong iato nalili’ parentana Makhir, ambe’na Gilead.

PA’PUDIAN 22:12

Da Mitoyanganna’, pa merrandanmo tu kamaparrisan, belanna tae’ misa’ to pantunduan.

PA’PUDIAN 68:15

iatonna pasisarak-sarakki Puang umpoissan angge maritik tu mai datu inde to, ma’ambun makkomi tu buntu Zalmon.

KADIBILANGAN 32:41

Na Yair, anakna Manasye, male lako anna taloi tu tondokna tau iato, anna sangai tondokna Yair.

PA’TOLE 3:10

iamotu mintu’ kota dao rante membuntunna, na ia duka tu mintu’ Gilead sia mintu’ Basan sae lako Salkha sia Edrei, iamotu kota lan kaparentanna Og dio Basan.

PA’TOLE 3:4

Attu iato tatalomi tu mintu’ kotana; moi misa’ kota tae’mo tang la taala; annan pulona kota tu taala, iamotu mintu’ lili’na Argob, kaparentanna Og lan Basan.

PA’TOLE 3:8

Susimoto tanii unnalai dio mai datunna to Amori sola duai tu tondok sambalinna lu Yordan, randuk dio mai salu’-salu’ Arnon sae lako buntu Hermon

PA’TOLE 4:43

iamotu Bezer lan padang pangallaran, lan lili’na buntu marante, la nanii mallai to Ruben, na Ramot lan Gilead, la nanii mallai to Gad, na Golan lan Basan, la nanii mallai to Manasye.

YOSUA 20:8

Iatu sambalinna lu Yordan, dio matallona Yerikho, napamanassa tau iato mai tu Bezer, lan padang pangallaran, dao padang rante membuntunna dio mai lili’na suku Ruben, sia Ramot dio Gilead dio mai lili’na suku Gad sia Golan lan Basan dio mai lili’na suku Manasye.

YOSUA 21:38

Sia dio mai suku Gad, iamotu Ramot, kota pentilindunganna to papatean, dio Gilead sola padang kariuanna, Mahanaim sola padang kariuanna,