1 DATU 3:9 - Sura' Madatu

⁹ Iamoto, benni te taumMi tu kamatarrusan la umpaolai salu te bangsaMi, anna ma’din umpasisengaranni tu melo anna kadake, belanna mindara la umbelai umpaolai salu te bangsa budamMi?

1 DATU 3:9 ပူးပေါင်းရင်းမြစ်များ

2 SAMUEL 14:17

Sia susite tu tangnga’ku, kukua: Iatu kadanna puangku datu la umparapa’ penaa, belanna susito misa’ malaeka’Na Puang Matua, susi dukamoto tu puangku datu la umperangii melo sia kadake. Na PUANG, Kapenombammimora urrondongkomi.

1 DATU 10:24

Mintu’ issinna lino morai tongan la umpessitiroi Salomo la umperangii kakinaanna, tu mangka Natanan Puang Matua lan penaanna.

1 DATU 3:10

Naalami penaanNa Puang tu palaku susinna Salomo to.

1 DATU 3:28

Iate pangra’ta’na datu narangi mintu’ to Israel, nakabangnga’mi tu datu, belanna natiro kumua den kamatarrusanNa Puang Matua lan ba’tengna, la ma’paolai salu.

1 OSSORANNA DATU 22:12

Ondongpi la Nakamaseiko PUANG kamatarrusan sia kapaissanan, sia la Naangka’ko umparenta to Israel, ammu karitutui tu sukaran alukNa PUANG, Kapenombammu.

1 OSSORANNA DATU 29:19

Sia kamaseanni anakku Salomo tu penaa bulo lollong la ungkaritutui tu pepasanMi sia pangadaramMi sia iatu apa Mipondok sia la unturu’i tu mintu’na sia la umbangunni tu tambakuku, tu kupasakka’mo oonganna.

2 OSSORANNA DATU 1:10

Iamoto kamaseina’ tu kakinaan sia kapaissanan, angku ma’din lu tama lu lan mai dio pentirona bangsa iate, belanna mindara ma’din umparentai tu mintu’ taumMi pada budanna te?

PA’PUDIAN 119:144

Iatu mintu’ kasa’biamMi malolo sae lakona, benna’ dikka’ kapaissanan, angku tuo.

PA’PUDIAN 119:34

Benna’ tangnga’ kinaa, angku karitutui tu sukaran alukMi, sia angku kanannangi situang penaa kalebungku.

PA’PUDIAN 119:73

LimamMimo tu ungkombongna’ sia umpatepuna’, benna’ kapaissanan angku issanni umpelada’i tu mai pepasanMi.

SARAMBU PEADA’ 14:8

Iatu kakinaanna to manarang, iamotu untandai kalena lalanna, apa iatu kabaganna to tang paissan pa’pakena manna pa’rampoananna.

SARAMBU PEADA’ 16:16

Losong ia melona tu unnappa’ kakinaan, na iake unnappa’ bulaan, losong diangga’ tu ullolongan tangnga’ kinaa na ullolongan salaka.

SARAMBU PEADA’ 20:12

Iatu talinga parangi sia iatu mata patiro; mangka duamo Natampa PUANG.

TOMANGADA’ 7:11

Iatu kakinaan pada melona mana’ sia napoupa’ tu to untiro mata allo.

TOMANGADA’ 7:19

Iatu kakinaan umpabu’tuan kuasa to kinaa losong na iatu kuasa naampui sangpulo to paa lan misa’ kota.

YEREMIA 1:6

Mebalimo’ kukua: O Puangta PUANG tae’ kuissanni ma’kada-kada, belanna mangurapa’.

YEREMIA 45:5

Na iatu iko sipaturokoka la untuntunan kalemu apa kapua? Da mutun-tunni! Belanna manassa la Kuparampoi kamandasan tu angge menono’, nakua kadanNa PUANG, apa iatu iko la Kukamaseangko pangrampa iamotu katuoammu dio lu mintu’ inan tu munii male.

DANIEL 2:21

Ia duka umpopembali pentaunan sia attu. Ia untassu’i datu, Ia duka unnangka’i, Ia duka ungkamasei kakinaan tu to kinaa sia kapaissanan tu to paissan.

MATIUS 3:11

Tonganna aku undio’komi uai dikua ammi mengkatoba’, apa iatu To la sae undinna na aku, ondong Ia kuasanNa na aku; tang sipatuna’ la dadi to umbanni lapik lentekNa; Iamo la undio’komi Penaa Masallo’ sia api.

MATIUS 3:14

Apa natumpu Yohanes tu diongna penaanNa sia nakua: Akuri la Midio’, ma’apai anna Kamu la sae lako kaleku!

YOHANES 5:30

Moi misa’ tae’ Kuma’din ma’inaanna Kalena umpogau’i; sangadinna Kupalalo tu pangra’ta’ susitu Kuranginna, na iatu pangra’ta’Ku malambu’ tongan; belanna tangia pa’poraiangKu Kutuntun, sangadinna pa’poraianNa tu To ussuaNa’.

2 KORINTUS 2:16

ma’bau kamateangkan ke lako to la disanggang umpatu kamatean, apa ianna lako to la dipamakarimman umpatu katuoan ma’bau katuoangkan. Namindara tu la umbelai tu iannato?

2 KORINTUS 3:5

Tangngia duka kumua kami te nalambi’ kamanarangangki kalena angki sangai kumua manarangkan umpogau’ misa’ apa, sangadinna iatu kamanarangangki lu dio mai Puang Matua.

EFESUS 5:17

Iamoto, da mibaga, sangadinna la miissan umba tu pa’poraianNa Puang.

FILIPI 1:10

Miurunganni paissan ussudii umbanna tu ma’iringanna, ammi masero sia tae’ mima’pamatana’ landa’ lako alloNa Kristus.

IBRANI 5:14

Apa iatu kande makarra’, iamo taana to matakko, tu to biasa umpatumbang tangnga’na anna belai umpasisengaran melo na kadake.

YAKOBUS 1:5

Anna iake denkomi tu tang kinaa, sipatu la napalaku lako Puang Matua, tu umpa’kamasean bangi lako mintu’ tau sia tang Napopeko’to’, manassa la Napa’kamasean lako kalena.

YAKOBUS 3:17

Apa iatu kakinaan songlo’ lu dao mai tipamulanna masallo’, ungkabarii kamarampasan, mabalele, matinuru’, ponno kamamasean sia bua-bua maelo, tae’ nabata, sia tae’ nabelo puduk.