1 DATU 3:6 - Sura' Madatu

⁶ Mebalimi tu Salomo nakua: Mipakitanmo taumMi Daud, ambe’ku, tu kamasokanan kapua, susitu kalolanganna dio oloMi situang kamarurusan sia kamalamburan sia lantuk penaa lako KaleMi; na iatu kamasokanan kapuaMi Mipatontong dio kalena, Miurunganni ungkamaseanni misa’ anak, tu unnisung dao kapayunganna susite allo iate.

1 DATU 3:6 ပူးပေါင်းရင်းမြစ်များ

KADADIAN 24:40

Nakuami lako kaleku: Iato PUANG kupengkaolaimo, tu la ussua malaeka’Na la musolan sia Ia duka la umpamaupa’ kalingkammu, ammu alanni baine tu anakku dio mai to’ pa’rapuangku sia dio mai banuanna ambe’ku.

2 SAMUEL 22:21

Napapatuimo’ PUANG sitinaya kamaloloangku, sia Napapakkannina’ sitinaya kamaseroanna limangku,

2 SAMUEL 22:25

Iamoto anNa papakkannina’ PUANG sitinaya kamaloloangku, sia sitinaya kamaseropindanangku dio oloNa.

2 SAMUEL 7:5

Malemoko, pokadanni taungKu Daud, kumua: Susite tu kadanNa PUANG: la mugaraganRa’ka misa’ banua, angKu torro lan?

1 DATU 1:48

Sia ma’kada tu datu susite nakua: Mintu’ kadipudian lu langngan nasang PUANG, Kapenombanna to Israel, tu allo iate umpa’kamasean misa’ to unnisungi kapayungangku, tu natiro kalenamo matangku.

1 DATU 15:5

Belanna napogau’mo Daud tu apa malolo dio pentiroNa PUANG sia tae’ anna sepang dio mai mintu’ apa Napasananni angge tuona, sangadinna ia manna tu penggauranna lako Uria to Het.

1 DATU 2:4

Anna palanda’i PUANG tu pangallu’ tu mangka Napokada diona aku kumua: Iake nakaritutui meloi anakmu tu mai lalanna sia lolang maruru’ dio oloKu sia lantuk tu penaanna sia kalebu deatanna, manassa moi misa’ bati’mu tang la ka’tu unnisungi isungan kapayunganna Israel.

1 DATU 3:14

Sia iake lolangko unnola lalanKu sia mukaritutui tu mintu’ apa Kupondok sia mintu’ pepasanKu susi kalolanganna Daud, ambe’mu, manassa la Kupamalambe’ tu sunga’mu.

1 DATU 9:4

Iake lolangko dio oloKu, susi Daud, ambe’mu lantuk sia bulo lollong penaanna lolang dio oloKu, ammu pogau’i tu mintu’ apa Kupepasanan lako kalemu sia ungkaritutui tu mintu’ apa Kupondok sia tu Kupa’parentan,

2 DATU 20:3

nakua: O PUANG, la Mikilalai umba kukua lolang maruru’ dio oloMi sia lantuk penaangku sia kupogau’ tu apa melo dio pentiroMi. Pakalan si’dan-si’danmi tumangi’ tu Hizkia.

2 OSSORANNA DATU 1:8

Ma’kadami tu Salomo lako Puang Matua, nakua: Mangkamo Mipakitan kamasokanan kapua tu Daud, ambe’ku, amMi angka’na’dadi datu ussondai.

PA’PUDIAN 116:7

E deatangku, sulemoko lako kasode-sodeammu, belanna Napogau’mo Puang tu kameloan mati’.

PA’PUDIAN 119:17

Pogau’i tu kameloan lako taumMi, angku tuo; kukaritutui mana’pai tu kadamMi.

PA’PUDIAN 13:6

Apa urrannuanna’ kamasokanamMi, sia la parannu paiman tu penaangku diona kadilendokan Mipabu’tu! La menanina’ untendeng PUANG tu belanna kameloan Napogau’ lako kaleku.

PA’PUDIAN 15:2

Iamo tu to lolang situang penaa masallo’na sia umpogau’ kamalamburan sia umpokada tonganna tu lanna penaanna.

KADIBILANGAN 12:7

Apa tae’ Kupasusi to tu taungKu Musa tu manappa’ lan mintu’ banuangKu.

2 KORINTUS 9:11

anna anggenna minii dipasugi’ ammi urunganni umpogau’ mintu’ kamasokanan, tu umpabu’tui tu pa’kurre sumanga’ langngan Puang Matua tete dio pa’pakilalangki.

2 KORINTUS 9:5

Iamoto kusangai melo, ke kupalakui lako te siulu’, namale mati’ umpellambi’ikomi dolo, anna pasakka’ doloi tu pamengan kamasokanan mangka miallu’, anna sakka’ butung pamengan kamasokanan tangngia pamengan diparuku.