1 DATU 3:3 - Sura' Madatu

³ Sia napapayan Salomo tu kamamaliranna lako PUANG diona unturu’ apa napondok Daud ambe’na; apa dao bangpa inan madao nanii memala’ sia untunu pemala’ ditunu pu’pu’.

1 DATU 3:3 ပူးပေါင်းရင်းမြစ်များ

1 DATU 11:34

Apa iate kadatuan moi misa’ suku tae’ Kualai lan mai limanna, sangadinna la Kuangka’ datu angge tuona belanna Daud, taungKu, tu mangka Kupilei langsa’ sia tu mangka ungkaritutui tu apa Kupasan sia tu apa Kupondok.

1 DATU 11:38

Iake muperangii tu mintu’ apa Kupasan lako kalemu sia lolangko unturu’ lalanKu, sia umpogau’i tu apa malolo dio pentiroKu, iamotu ungkaritutui apa Kupondok sia apa Kupasan, susi tu napogau’ Daud, taungKu, manassa la Kurondongko sia la Kubangunangko misa’ tongkonan matontongan, susitu mangka Kubangunan Daud, sia la Kukamaseangko tu to Israel.

1 DATU 11:4

Belanna iatonna matuamo tu Salomo, napasepangmi mintu’ bainena tu penaanna umpenombai kapenomban senga’, naurunganni tae’mo nalantuk tu penaanna lako PUANG, Kapenombanna, susi Daud, ambe’na.

1 DATU 11:6

Sia napogau’ Salomo tu apa kadake dio pentiroNa PUANG sia tae’mo nalantuk penaanna umpengkaolai PUANG, susi Daud, ambe’na.

1 DATU 14:23

Napabendan duka tau iato mai tu inan madao sia batu dipodeata sia lentong kayu dipodeata dao lu mintu’ tanete madao sia diong lu mintu’ garonto’ kayu makampu.

1 DATU 14:8

sia Kualai tu kadatuan dio mai bati’na Daud, angKu sorongangko. Apa tang susiko taungKu Daud ungkaritutui pepasanKu sia ponno penaanna umpengkaolaiNa’ la umpogau’ manna malolona dio pentiroKu.

1 DATU 15:11

Iatu Asa umpogau’ apa malolo dio pentiroNa PUANG, susi Daud nene’na.

1 DATU 15:14

Apa iatu inan madao tu dinii memala’ tae’ nadiratoi. Moi susito iatu penaanna Asa lantuk lako PUANG lan mintu’ allo katuoanna.

1 DATU 15:3

Naturu’ bang tu mintu’ kasalanna ambe’na, tu napogau’ ambe’na dolona, sia iatu penaanna tang lantuk langngan PUANG Kapenombanna, susi kalantukanna penaanna Daud, nene’ to dolona.

1 DATU 15:5

Belanna napogau’mo Daud tu apa malolo dio pentiroNa PUANG sia tae’ anna sepang dio mai mintu’ apa Napasananni angge tuona, sangadinna ia manna tu penggauranna lako Uria to Het.

1 DATU 22:43

Urrundu’mi bate lalanna Asa, ambe’na, tae’ len nasepang dio mai sia napogau’ tu apa malolo dio pentiroNa PUANG.

1 DATU 22:44

Ia manna tu inan madao tae’ naputtai, sangadinna tontong siapa mantunu sia memala’ tu to buda dao inan madao.

1 DATU 3:14

Sia iake lolangko unnola lalanKu sia mukaritutui tu mintu’ apa Kupondok sia mintu’ pepasanKu susi kalolanganna Daud, ambe’mu, manassa la Kupamalambe’ tu sunga’mu.

1 DATU 3:6

Mebalimi tu Salomo nakua: Mipakitanmo taumMi Daud, ambe’ku, tu kamasokanan kapua, susitu kalolanganna dio oloMi situang kamarurusan sia kamalamburan sia lantuk penaa lako KaleMi; na iatu kamasokanan kapuaMi Mipatontong dio kalena, Miurunganni ungkamaseanni misa’ anak, tu unnisung dao kapayunganna susite allo iate.

1 DATU 8:25

Na totemo, o PUANG, Kapenombanna to Israel, palanda’mi tu apa mangka Mipokada lako taumMi Daud, ambe’ku, kumua: Tae’ anna ka’tu len tu bati’mu dio oloKu la unnisungi isungan kapayunganna Israel, podo ke ungkaritutui lalanna tu anakmu muane sia lolang dio oloKu susi kalolangammu dio oloKu.

1 DATU 8:61

sia anna iatu penaammi mengkara’pa lako PUANG, Kapenombanta, la lolang umpengkaolai tu mintu’ apa Napondok sia ungkaritutui pepasanNa, susite allo totemo.

1 DATU 9:4

Iake lolangko dio oloKu, susi Daud, ambe’mu lantuk sia bulo lollong penaanna lolang dio oloKu, ammu pogau’i tu mintu’ apa Kupepasanan lako kalemu sia ungkaritutui tu mintu’ apa Kupondok sia tu Kupa’parentan,

2 DATU 12:3

Ia mannamo tu inan madao dinii memala’ tae’ nadiratoi; na iatu to buda tontong siapa mantunu sia memala’ dao inan madao iato.

2 DATU 12:4

Nasuami Yoas tu mintu’ to minaa, kumua: Iatu mintu’ doi’ dio lu pamengan dipamaindan dibaa tama banuanNa PUANG, iamotu doi’ to naala bilangan, doi’ pamaya’ ulla’bak tau sitinaya tassere’na misa’-misa’ tau, sia iatu mai doi’ nasorong to ma’lalan penaanna, tama banuanNa PUANG,

2 DATU 14:3

Napogau’mi tu apa malolo dio pentiroNa PUANG, apa tae’ nasusi penggauranna Daud, nene’ to dolona, sangadinna mintu’na tu penggauranna susi penggauranna Yoas, ambe’na.

2 DATU 14:4

Ia mannamo tu inan madao tae’ nadiratoi; na iatu to buda tontong siapa mantunu sia memala’ dao inan madao iato.

2 DATU 15:35

Ia mannamo tu inan madao tae’ nadiratoi; na iatu to buda tontong siapa mantunu sia memala’ dao tu inan madao. Sia datu duka unggaragai tu Babangandaonalu banuanNa PUANG.

2 DATU 15:4

Ia mannamo tu inan madao, tae’ nadiratoi; na iatu to buda tontong siapa mantunu sia memala’ dao tu inan madao.

2 DATU 18:22

Apa iake mikua lako kaleku, kumua: Urrannuangkan PUANG, Kapenombangki tangiaraka Ia tu mangka naputtai Hizkia mintu’ inan madaoNa dinii memala’ sia inan pemalaranNa, anna ma’kada lako to Yehuda sia mintu’ issinna Yerusalem, nakua: La tukkukomi menomba dio tingayo inan pemalaran iate?

2 DATU 18:4

Naratoimi tu mintu’ inan madao dinii memala’, sia natesse-tesse tu batu dipodeata sia nalelleng tu lentong kayu dipodeata, sia nanisak-nisak duka tu ula’ tambaga tu nagaragai Musa, belanna sae lako allo iato nanii to Israel memala’. Nasangaimi tau Nehustan.

2 OSSORANNA DATU 15:17

Apa iatu inan madao tu dinii memala’ tae’ nadiratoi. Moi susito iatu penaanna Asa lantuk (lako PUANG) lan mintu’ allo katuoanna.

PA’PUDIAN 145:20

Iatu PUANG urrinding pala’ mintu’ to ungkamali’I, apa Nasabu’i tu mintu’ to tang mekaaluk.

PA’PUDIAN 31:23

Tiramban tu penaangku angku ma’kada, kumua: Disualemo’ dio mai oloMi! Apa Mitananni sia talinga tu pengkamoyaku, tongku meongli’ Mati’.

SURA’ KATOMINAAN 17:5

Dikua anna pennoloanni to Israel lako PUANG tu pemala’na, tu biasa natunu dio lu padang, iamotu lako to’ ba’ba Tenda Kasitammuan, lako to minaa, anna pemalaranni lako PUANG dipopemala’ kasalamaran.

MATIUS 22:37

Nakuami Yesu lako: La ponno penaammu sia mintu’ tangnga’mu sae lako deatammu la ungkamali’ Puang Kapenombammu.

YOHANES 14:15

Iake mikamali’Na’, la mikaritutui tu mintu’ parentaKu.

YOHANES 14:21

Minda-minda tu untoe parentaKu nakaritutui, iamoto ungkamali’Na’; apa minda-minda tu ungkamali’Na’, iamo Nakamasei Ambe’Ku, sia Aku duka la ungkamasei sia umpaombo’ Kaleku lako.

ROMA 8:28

Apa taissan kumua mintu’na apa situru’ umpasaeanni kameloan tu to ungkamali’ Puang Matua, iamotu to ditambai situru’ tanan penaanNa Puang Matua.

1 KORINTUS 8:3

Apa iake denni tau ungkamali’ Puang Matua, iamo Natandai Puang Matua.

PA’TOLE 10:12

E to Israel, apara Natuntun PUANG, Kapenombammu, dio mai kalemu, sangadinna la mukasiri’ tu PUANG, Kapenombammu, unturu’i tu mintu’ lalanNa, sia la mukamali’, sia ponno penaammu sia kalebu deatammu umpenombai tu PUANG, Kapenombammu,

PA’TOLE 10:13

sia ungkaritutui tu pepasan sia aluk Napondok PUANG, tu kupapassanangko allo iate, kumua mumalaga’-laga’.

PA’TOLE 11:13

Iake miperangii tonganni tu pepasan, tu kupapassanangkomi totemo, miurungan ungkamali’i tu PUANG, Kapenombammi, sia ponno penaammi sia kalebu deatammi umpengkaolai:

PA’TOLE 30:16

belanna kupasan lako kalemu totemo la ungkamali’ PUANG, Kapenombammu, iamotu unturu’ lalanNa sia ungkaritutui pepasanNa sia aluk Napondok sia atoranNa, kumua mumarendeng-rendeng sia memba’ka’ sia Napamasakkeko PUANG, Kapenombammu, lan tondok, tu muala mupoapa.

PA’TOLE 30:20

belanna mukamali’ tu PUANG, Kapenombammu, sia muperangii tu gamaranNa sia la’ka’ko lako, belanna iamo mupotuo sia unnindo’i kamalamberan sunga’mu torro lan tondok, tu Naallu’ PUANG umbenni nene’ to dolomu, Abraham, Ishak sia Yakub Napalaoi sumpa.

PA’TOLE 30:6

Sia PUANG, Kapenombammu, la ussunna’i tu penaammu sia penaanna bati’mu, muurunganni ponno penaammu sia kalebu deatammu ungkamasei PUANG, Kapenombammu, ammu marendeng-rendeng.

PA’TOLE 6:5

La ponno penaammu sia mintu’ deatammu sola mintu’ kamatotorammu la ungkamali’ PUANG, Kapenombammu.

YAKOBUS 1:12

Maupa’ tu to batta’ untanggung peroso, belanna ke mangkami disudi, la unnappa’ katuoan dadi makotana, tu Naallu’ Puang Matua lako mintu’ to ungkamali’I.

YAKOBUS 2:5

Perangii, e sangsiuluran pa’kaboro’ku, tang Napileiraka Puang Matua tu to bongko lan te lino mendadi sugi’ kapatonganan sia umpomana’ Parenta tu mangka dialluran mintu’ to ungkamaseI?

1 SAMUEL 9:12

Mebalimi tu tau iato mai, nakua: Den, tiromi nato dio, dio tingayomi; melo ke madoi’-doi’komi, apa allo ia duka te rampomo tama kota, belanna allo iate umpogau’ pa’maruasan tu pa’tondokan dao tu inan madao.