1 DATU 3:28 - Sura' Madatu

²⁸ Iate pangra’ta’na datu narangi mintu’ to Israel, nakabangnga’mi tu datu, belanna natiro kumua den kamatarrusanNa Puang Matua lan ba’tengna, la ma’paolai salu.

1 DATU 3:28 ပူးပေါင်းရင်းမြစ်များ

1 DATU 10:9

Mintu’na kadipudian lu langngan nasang PUANG, Kapenombammi, tu umpopaimankomi, naurunganni umpannisungkomi dao isungan kapayunganna Israel! Belanna tontong sae lakona Nakamasei PUANG, tu to Israel, iamoto anNa angka’komi dadi datu la umpogau’ katonganan sia kamaloloan.

1 DATU 3:27

Mebalimi tu datu sia ma’kada nakua: Ia miben tu pia tuo, sia inang tae’mi la umpatei, belanna iamoto tu indo’na.

1 DATU 4:1

Iatu datu Salomo umparenta lili’na mintu’ Israel.

1 OSSORANNA DATU 29:24

Mintu’ pangulu sia mintu’ pa’barani na mintu’ tu anakna muane datu Daud mangaku la maruru’ sia mengkaola lako datu Salomo.

EZRA 7:25

Na iko, e Ezra, sitinaya tu kakinaanNa Kapenombammu dio kalemu, angka’i tu toma’parenta sia toma’paolai salu, anna paolai salu tu mintu’ tau, tu torro dio lili’ sambalinna lu Salu, tu mintu’ to untandai Sukaran alukNa Kapenombammu; sia iatu mai to tae’ natandai, la mupokadan.

PA’PUDIAN 72:2

Anna tang pakayun bimbang umpaolai salunna tu taumMi, sia tang ussembe’ beko-beko to dipandasamMi.

PA’PUDIAN 72:4

Sangapaoi anna ussanda tonganni tu to dipandasa lan bangsa iato, sia urrampanan to mase-mase, anna lullu’ parapai tu to sala’ kedo.

KATASSURAN 14:31

Attu iato natiro to Israel tu penggauran matoto’ Napogau’ PUANG lako mintu’ to Mesir; anna kataku’i tau iato mai tu PUANG sia napatongan tu PUANG sia iatu Musa, taunNa.

SARAMBU PEADA’ 16:10

Iatu pangra’ta’Na Puang dio pudukna datu, iake ma’paolai salui tang sala tu pudukna.

SARAMBU PEADA’ 24:21

E anakku muane, kataku’i tu PUANG sola datu, sia da musisola tu tau umpaden kamarukkan.

SARAMBU PEADA’ 25:2

Iamo Napomala’bi Puang Matua tu umbuni apa Napogau’, apa iatu napomala’bi’ datu iamotu umparessa kara-kara.

SARAMBU PEADA’ 8:15

Tete diori kaleku anna ma’parenta tu mintu’ datu sia to paa unggaragai atoran malambu’.

TOMANGADA’ 7:19

Iatu kakinaan umpabu’tuan kuasa to kinaa losong na iatu kuasa naampui sangpulo to paa lan misa’ kota.

YESAYA 28:6

Sia la napopenaa ma’paolai salu mintu’ to unnisungi isungan pa’paolaian salu, sia la napomatoto’ to umpasoro’ kasirarian sae lako babangan.

DANIEL 1:17

Nakamaseimi Puang Matua kapaissanan, kamatarrusan untandai mintu’ sura’ sia kakinaan tu to mangura sola a’pa’i, na iatu Daniel matarru’mo untandai ma’rupa-rupa patiro mendeata sia tindo.

DANIEL 2:21

Ia duka umpopembali pentaunan sia attu. Ia untassu’i datu, Ia duka unnangka’i, Ia duka ungkamasei kakinaan tu to kinaa sia kapaissanan tu to paissan.

DANIEL 2:47

Mebalimi tu datu lako Daniel nakua: Tonganna iatu Kapenombammu, Iamo Puang Matua undaoanni mintu’ deata sia Puangna mintu’ datu, sia Iamo umpaombo’i tu mai rasia: iamoto mubelai umpaombo’i te rasia iate.

DANIEL 5:11

Den misa’ tau lan parentami, natorroi penaa deata masero; na iatonna ambe’mipa iatu tau iato iatu penaanna, naniimo arrang sia tangnga’ kinaa sia kakinaan, susitu kakinaanna deata; iatu ambe’mi datu Nebukadnezar unnangka’i tu tau iato pangulu to paissan-issan, to ma’basa-basa, to Kasdim sia to pakita-kita, – susimoto tu ambe’mi, o datu.

1 KORINTUS 1:24

apa lako to ditambai, la to Yahudi la to Yunani, iatu Kristus, iamo kuasanNa Puang Matua sia kakinaanNa Puang Matua.

1 KORINTUS 1:30

Apa bannang dio mai Puang Matua ammi lan Kristus, tu mendadi kakinaan tapokinaa dio mai Puang Matua sia kamaloloan sia kadiseroian sia kadila’bakan;

KOLOSE 2:2

dikua anna dipakatana penaanna sia dipasikala’ lan pa’kaboro’, napoulangi ullambi’ kasugiran kapaissanan matarru’, tu ungkanassai sia untandai tonganni, naurunganni untandai tu apa tang paanNa Puang Matua, iamotu Kristus.

KOLOSE 2:3

Indemoto nanii karerungan tu mintu’ kakinaan sia kapaissanan butung ianan ballo, mentirerung.

YOSUA 4:14

Allo iato Napatarompo’mi PUANG tu Yosua dio pentirona mintu’ to Israel, naurunganni mataku’ tu tau iato mai lako kalena susi kamatakuranna lako Musa lan mintu’ allo katuoanna.

1 SAMUEL 12:18

Meongli’mi tu Samuel lako PUANG, na allo ia dukato Napasaei PUANG tu guntu’ sia uran, anna mandu mataku’ tu to buda lako PUANG sia lako Samuel.