1 DATU 3:26 - Sura' Madatu

²⁶ Ma’kadami tu baine tuo anakna lako datu, belanna mamasseng lako anakna, nakua: Tabe’ puangku, ben bangmi lako te pia tuo, apa da maro mipatei. Apa nakua tu senga’na: Nakeori, tang lu lako kaleku, tang lu lako kalemu, sese bangmi.

1 DATU 3:26 ပူးပေါင်းရင်းမြစ်များ

KADADIAN 43:30

Tikarami tassu’ tu Yusuf, belanna mamali’ tongan tu penaanna lako adinna, anna daka’ inan la nanii tumangi’, anna tama inan natumangi’ lan.

1 DATU 3:25

Ma’kadami tu datu nakua: Sese duai tu pia tuo, mibenni tu sangsese lako te misa’na na iatu sangsesena lako to senga’na.

1 DATU 3:27

Mebalimi tu datu sia ma’kada nakua: Ia miben tu pia tuo, sia inang tae’mi la umpatei, belanna iamoto tu indo’na.

PA’PUDIAN 39:3

Kupakari’pi bangmo tu kaleku tang ma’kada sia kupakappa, ma’loko-loko bangna’ sisayuran melona, apa sakerangngan-rangnganna karossoangku.

YESAYA 49:15

Ma’dinraka misa’ baine ungkalupai anak sumusunna, anna tang ungkatirinnai tu anak natibussanan? Kenna la ungkalupai tonganni baine iato mai, manassa tae’ Aku Kukalupaiko.

YEREMIA 31:20

Tang anak pa’kaboro’Kuraka tu Efraim, tang anak Kukamasei tonganraka, Kuurunganni pempiran-piran umpokadai tu a’ganna, tontong bang Kuparinaa? Iamoto tiakka’ tu penaangKu diona a’ganna; manassa la Kukaturu-turui, kadanNa PUANG.

HOSEA 11:8

Umba la Kukua ussa’biangangko, e Efraim, umba la Kukua ussorongko, e Israel? Umba la Kukua ussa’biangangko susi Adma, sia la umpapadako Zeboim? Tibalik senga’omo tu penaangKu, anna tiakka’ tongan tu kamamaseangKu.

ROMA 1:31

tang keinaa, ussalai lampa kada, tang mamase, tang maturu-turu.

FILIPI 1:8

Belanna Puang Matua ussa’biina’ kumua tumba mamali’na penaangku lako kamu sola nasang diona kamamaseanNa Kristus Yesu.

FILIPI 2:1

Iamoto, iake denni pa’pakilala tete dio Kristus, iake denni pa’pakatana pa’kaboro’, iake denni kasiturusan Penaa, iake denni kamamasean sia kamaturu-turuan,

2 TIMOTIUS 3:3

tang unnampui pa’kaboro’, tae’ namorai massikaelo, umpangrosoan tau, tang untaloi kalena, arasan, ungkagi’gi melona,

1 YOHANES 3:17

Apa minda-minda unnampui ianan lino, anna tiroi tu siulu’na kapu’duran, naka’pananni ma’mata to buta tu siulu’ iato, maka umbamo la nakua tu pa’kaboro’Na Puang Matua torro lan kalena?