1 DATU 3:14 - Sura' Madatu

¹⁴ Sia iake lolangko unnola lalanKu sia mukaritutui tu mintu’ apa Kupondok sia mintu’ pepasanKu susi kalolanganna Daud, ambe’mu, manassa la Kupamalambe’ tu sunga’mu.

1 DATU 3:14 ပူးပေါင်းရင်းမြစ်များ

1 DATU 11:34

Apa iate kadatuan moi misa’ suku tae’ Kualai lan mai limanna, sangadinna la Kuangka’ datu angge tuona belanna Daud, taungKu, tu mangka Kupilei langsa’ sia tu mangka ungkaritutui tu apa Kupasan sia tu apa Kupondok.

1 DATU 15:5

Belanna napogau’mo Daud tu apa malolo dio pentiroNa PUANG sia tae’ anna sepang dio mai mintu’ apa Napasananni angge tuona, sangadinna ia manna tu penggauranna lako Uria to Het.

1 DATU 3:3

Sia napapayan Salomo tu kamamaliranna lako PUANG diona unturu’ apa napondok Daud ambe’na; apa dao bangpa inan madao nanii memala’ sia untunu pemala’ ditunu pu’pu’.

1 DATU 3:6

Mebalimi tu Salomo nakua: Mipakitanmo taumMi Daud, ambe’ku, tu kamasokanan kapua, susitu kalolanganna dio oloMi situang kamarurusan sia kamalamburan sia lantuk penaa lako KaleMi; na iatu kamasokanan kapuaMi Mipatontong dio kalena, Miurunganni ungkamaseanni misa’ anak, tu unnisung dao kapayunganna susite allo iate.

1 OSSORANNA DATU 28:7

Sia la kupabantang tu kadatuanna sae lakona, ke tontongi ungkaritutui tu pepasanKu sia atorangKu susite allo iate.

1 OSSORANNA DATU 28:9

Na iko, e Salomo, anakku, la mutandai tu Kapenombanna ambe’mu sia ponno penaammu sia masorok ba’tengmu la umpengkaolai, belanna Nasudi PUANG tu mintu’ penaa sia Natarru’ tu mintu’ apa ditangnga’, Iake mudaka’I tu Puang, inang la Naelorangko unnappa’I, apa iake muboko’I, la Natibeko sae lakona.

2 OSSORANNA DATU 29:2

Napogau’mi tu apa malolo dio pentiroNa PUANG, susitu mintu’ napogau’ Daud, nene’ to dolona.

2 OSSORANNA DATU 34:2

Napogau’mi tu apa malolo dio pentiroNa PUANG sia naturu’ tu bate lalanna Daud, nene’ to dolona, sia tae’ nasepang lako kanan ba’tu lako kairi.

PA’PUDIAN 132:12

Iake nakaritutui bati’mu tu basseKu sia iatu kasabi’angKu tu Kupatuduanni, manassa iatu mai bati’na la unnissungi kapayungammu tontong sae lakona.

PA’PUDIAN 21:4

Belanna Mipatammuimo rongko’ sanda maelo, sia Mipaluangimo makota bulaan tasak tu ulunna.

PA’PUDIAN 21:5

Umpalaku katuoan mati’ amMi kamaseanni, ontongpi kamalamberan sunga’ tontong sae lakona.

PA’PUDIAN 91:16

La Kupeliui kamalamberan sunga’ tu penaanna, sia la Kupakitan kasalamaran lu dio mai Kaleku.

SARAMBU PEADA’ 3:16

Dio lima kananna nanii tu kamalamberan sunga’, dio lima kairinna nanii kasugiran sia kamala’biran.

SARAMBU PEADA’ 3:2

belanna iamo la urrangnganni mintu’ allomu sia taun katuoammu, sia umpopemba’ka’i tu karapasan penaammu.

ZAKHARIA 3:7

Inde sia tu kadanNa PUANGna mintu’ ma’dandan maritik, Nakua: Iake muturu’i tu mintu’ lalanKu sia mukaritutui tu apa Kupatagerangko, manassa la muparenta tu banuangKu sia la mukampai duka tu tarampakKu, angKu elorangko male sola tu tau bendan inde te.

PENGGAURANNA RASULU’ 13:22

Iatonna sayumi Puang Matua, Napabendanan pole’mi tu Daud la napodatu; Napamanassami diona Daud, sia Nakua: Kukabu’tuimo tu Daud, anakna Isai, iamoto naala penaangKu, iamo la umpogau’ mintu’ pa’poraiangKu.

PA’TOLE 25:15

Sangadinna la munanna tu misa’ batu timbangan tang kurang sia tongan; la munanna duka tu misa’ sukaran epa tang kurang sia tongan, ammu malambe’ sunga’ lan tondok tu la Nabenko PUANG, Kapenombammu.

PA’TOLE 5:16

Kasiri’i tu ambe’mu sia indo’mu, susitu Napepasanammo PUANG, Kapenombammu, lako kalemu, anna dipamalambe’ tu sunga’mu sia malaga’-laga’ko lan tondok tu Nakamaseangko PUANG, Kapenombammu.

PA’TOLE 5:33

Mintu’ lalan tu mangka Napepasanan PUANG, Kapenombammi, lako kalemi, la miola, ammi tuo sia malaga’-laga’ sia malambe’ sunga’komi torro lan tondok tu la miala mipoapa.

1 TIMOTIUS 4:8

Belanna iatu umpopa’biasa kale sidi’ri patunna, apa iatu kamengkaolan den patunna lan mintu’na, belanna den pangallu’ katuoan dio, la totemona la iatu la saena.