1 DATU 3:12 - Sura' Madatu

¹² manassa la Kupogau’ susitu kadammu; tonganna la Kukamaseangko penaa kinaa sia kamatarrusan, naurunganni tae’ padammu te attu lendu’ sia iate attu mutingayo lako tae’ la bendan tu padammu.

1 DATU 3:12 ပူးပေါင်းရင်းမြစ်များ

1 DATU 2:6

La lolang kinaako, da mueloranni tu ubanna male marampa’ rokko lino to mate.

1 DATU 2:9

Apa totemo da mueloranni tu salana tang diukung belanna misa’ko to kinaa; manassa muissan tu apa sipatu la mugauranni, kumua ammu parokkoi lino to mate tu ubanna sitombang rara.

1 DATU 3:28

Iate pangra’ta’na datu narangi mintu’ to Israel, nakabangnga’mi tu datu, belanna natiro kumua den kamatarrusanNa Puang Matua lan ba’tengna, la ma’paolai salu.

1 DATU 5:12

Nakamaseimi PUANG kakinaan tu Salomo susitu Naallu’ lako kalena; denmi kasikaeloanna Hiram sola Salomo sia untanan duka misa’ basse sola duai.

1 DATU 5:9

Mintu’ taungku la umbaai dao mai Libanon rokko tasik, angku a’ga raki’i lan tasik, sia kusombaranni lako inan tu la mipamanassanna’, anna dibukai inde to dio, ammi ma’din unnalai. Apa iatu kamu la minturu’ tu palakungku, iamotu la miben kande tu to lan tongkonan layukku.

1 OSSORANNA DATU 29:25

Mandu Napatarompo’mi PUANG tu Salomo dio pentirona mintu’ to Israel, sia naben kadatuan kabarre-alloan, tu tae’ bangpa naden dolona misa’ datu dio lu to Israel, tu susi kamala’biranna to.

2 OSSORANNA DATU 2:12

Sia nakuapa tu Huram: Mintu’na kadipudian lu lako PUANG, Kapenombanna to Israel, tu mangka umpadadi langi’ sola lino, tu mangka ungkamasean datu Daud misa’ pia muane kinaa, tu diben kamanarangan sia kamatarrusan, tu la umpabendanan PUANG misa’ banua kabusungan sia nabangun tu misa’ tongkonan layukna.

NEHEMIA 13:26

Tae’raka nabannang iate nanii Salomo datu Israel, umpogau’ kasalan? Moi nadio lu mintu’ bangsa, tu buda tongan, tae’ misa’ datu tu sangtintinna sia iamo pa’kaboro’Na Kapenombanna, sia Naangka’ Puang Matua la undatui mintu’ to Israel, nabannang dio tu baine bangsa senga’ anna iatu datu umpogau’ kasalan.

PA’PUDIAN 10:17

O PUANG, Miperangiimo tu pa’poraianna to umpamadiongan penaanna; Kamu umpabatta’i tu penaanna sia Kamu untananni talinga,

SARAMBU PEADA’ 2:6

Belanna PUANG Ia tu umpa’kamasean kakinaan, lan mai pudukNa nanii tassu’ tu kapaissanan sia tangnga’ kinaa.

TOMANGADA’ 1:13

sia kupapatuimo penaangku la untuntun tonganni sia umparessai tu kakinaan lan mintu’ apa dadi nasambo langi’. Iamoto tu misa’ pengkarangan masussa Nasorong Puang Matua lako ma’rupa tau kumua anna mara’ta’ ungkarangi.

TOMANGADA’ 1:16

Sipa’kadamo’ kaleku kukua: Manassa kupakapuamo sia kupabudamo tu kakinaan losong na iatu mintu’ to dolo na aku tu umparenta Yerusalem; na iatu penaangku unnappa’mo kaseboanna kakinaan sia kapaissanan;

YESAYA 65:24

La dadi, iake tae’pi nameongli’ tu tau iato mai, la mebaliMo’ sia iake marassan bangsiai ma’kada, la Kutarimamo.

DANIEL 1:17

Nakamaseimi Puang Matua kapaissanan, kamatarrusan untandai mintu’ sura’ sia kakinaan tu to mangura sola a’pa’i, na iatu Daniel matarru’mo untandai ma’rupa-rupa patiro mendeata sia tindo.

MATIUS 12:42

Iatu datu baine lo’ mai pollo’na uai la ke’de’ ke allo kadiparessan sisola tau totemo te anna pasalai, belanna iatu datu iato ke’de’ lo’ mai engkokna padang la umperangii kakinaanna Salomo; anna tiromi: inde Ia tu ondongna na Salomo.

LUKAS 21:15

belanna la Kubenkomi kada sia kamanarangan, tu tang nalambi’na nabali ba’tu nagaga mintu’ to unnea- komi.

PA’TOLE 34:9

Iatu Yosua, anakna Nun, nakabu’mo penaa kakinaan, belanna mangkamo naremme’i Musa. Iamoto naperangii to Israel tu kadanna sia napogau’ susitu mangka Napepasanan PUANG lako Musa.

KOLOSE 2:3

Indemoto nanii karerungan tu mintu’ kakinaan sia kapaissanan butung ianan ballo, mentirerung.