1 DATU 22:8 - Sura' Madatu

⁸ Nakuami tu datu to Israel lako Yosafat: Den siapa misa’ tau, tu tapotete ma’din mekutana lako PUANG, apa kukabiri’, belanna tae’ bang maelona tu napokada diona kaleku, sangadinna kadakena manna, iamo tu Mikha anakna Yimla. Nakuami Yosafat. Da nama’kada susito tu datu.

1 DATU 22:8 ပူးပေါင်းရင်းမြစ်များ

KADADIAN 37:8

Nakuami tu siulu’na lako: La mudatuirakannika ba’tu la muparentarakannika? Mandu pissanmi nakabiri’ belanna diona tu tindona sia iatu kadanna.

1 DATU 18:4

Belanna iatonna rabunni Izebel tu nabinNa PUANG, naala Obaja tu saratu’ nabi, anna bunii, silimangpulo lan ke misa’oi lo’ko’, anna parakai naben roti sola uai.

1 DATU 19:10

Mebalimi nakua: Lendu’ tongan malallangna penaangku ungkilalai PUANG, Kapenombanna mintu’ ma’dandan maritik, belanna naboko’i mintu’ to Israel tu basseMi sia narondonni tu mintu’ inan pemalaramMi sia napatei pa’dang tu mintu’ nabimMi, na aku mannamo tinampe sia undaka’mo lalan la ungka’tu sunga’ku.

1 DATU 19:14

Mebalimi nakua: Lendu’ tongan malallangna penaangku ungkilalai PUANG, Kapenombanna mintu’ ma’dandan maritik, belanna naboko’imo mintu’ to Israel tu basseMi, sia narondonni tu mintu’ inan pemalaramMi sia napatei pa’dang tu mintu’ nabimMi, na aku mannamo tinampe sia undaka’mo lalan la ungka’tu sunga’ku.

1 DATU 21:20

Nakuami Ahab lako Elia: Mukabu’tuimora’ka, e ualingku? Nakuami tu Elia: Tonganna kukabu’tuimokomi, belanna umbalukmokomi kalemi umpogau’ apa kadake dio pentiroNa PUANG.

1 DATU 22:13

Iatu to disua untambai Mikha nakua lako: Iatu kadanna mintu’ nabi, misa’ri sia melo tu napokada lako datu; iatu kadammi la susi duka kadanna simisa’-misa’ tua iato sia ma’kada melokomi.

1 DATU 22:18

Ma’kadami tu datu to Israel lako Yosafat nakua: Tang kukuaraka mati’, kumua tae’ napa’nubuaranna’ tu apa melo, sangadinna kadakena manna?

1 DATU 22:27

kuanni kumua nakua tu datu: Palanni pa’tarungkuan te tau iate sia ben bangi roti sia uai sidi’ sae lako sule marampa’ku tama tondok.

1 DATU 22:7

Apa nakua tu Yosafat: Tae’moraka misa’ nabinNa PUANG inde te? Melo ke takutanai tu apa la tapogau’.

1 DATU 22:9

Natambaimi datu Israel tu misa’ to mase’ponna anna ma’kada nakua: Alai madoi’ tu Mikha anakna Yimla.

2 DATU 9:22

Iatonna tiromi Yoram tu Yehu, pakalan ma’kadami nakua: Salama’ siarokoka, Yehu? Mebalimi nakua: Umba la takua salama’, ke tontongpi tu gau’ salana Izebel, indo’mi sia mintu’ issan-issan makambanna?

2 OSSORANNA DATU 36:16

Apa natelle-telleora tau iato mai tu mintu’ pesuanNa Puang Matua sia nabelle’i tu kadanNa sia nabe’se tu nabinNa, naurungan sakendek-kendekna tu kare’dekan ara’Na PUANG, sae lako tae’mo nama’din dipamatana.

PA’PUDIAN 34:21

Ia ungkaritutui mintu’ bukunna, moi misa’ tae’na la dile’to.

SARAMBU PEADA’ 15:12

Iatu to patelle-telle tae’ namorai, ke nata’tanni tau; tae’ nalao sola to kinaa.

SARAMBU PEADA’ 29:10

Iatu to umpatibollo rara, ungkabiri’ to sallo’, apa iatu to bulo lollong untuntun kamakarimmananna.

SARAMBU PEADA’ 9:8

Da muta’tanni tu to patelle-telle, da nakabiri’ko, sangadinna ta’tanni tu to kinaa, anna kamali’ko.

YESAYA 3:11

Upu’ allona tu to tang mekaaluk, la narampoi kakadakean tu tau iato, belanna la dipasisurung kande limanna.

YESAYA 30:10

Nakua lako mintu’ to pakita-kita: Da mipakita; sia lako mintu’ to patanda-tandan: Da mipatandangkanni tu tonganna, pokadangkanni tu apa kiporai sia pakitangkanni tu apa unnaran-narankan.

YESAYA 49:7

Nakua kadanNa PUANG, Pela’bakna to Israel, To maserona, lako to tarru’ nasokkoi tau, sia nakagi’gi’ bangsa iato, tu napokaunan mintu’ to ma’parenta: La natiro mintu’ datu anna bendan; susi dukato tu mintu’ arung anna tukku, belanna PUANG, To maruru’, To maserona Israel, tu umpilei langsa’ko.

YEREMIA 18:18

Attu iato ma’kadami tu tau iato mai nakua: Maikomi tadakaran tangnga’ Yeremia, belanna tae’ lenpa napa’de tu pangadaran dio lu mintu’ to minaa ba’tu pa’timbangan dio lu mintu’ to matarru’ ba’tu kada dio lu mintu’ nabi. Maikomi taotton kadai; sia da taperangii moi misa’ tu kadanna.

YEREMIA 20:10

Belanna kurangimo tu tau buda sibisik-bisik – den kamaramban tiku lao – nakua: Pokadai apara tu la tatandaranni! Mintu’ solaku tu kusikadamakan ummanta-manta katobangangku sia nakua: Lalo sia manii tanaran anta ma’din umpasalai sia umpabala’i.

YEREMIA 36:23

Iatonna mangkamo Yehudi umbasanni tallu a’pa’ muka, nase’pa’i datu piso to massura’, na iato passerekanna nabuang tama api dapo’ pa’lassuan, naurungan tappu’ tu mintu’ lulunan sura’ iato nakande api, tu dio dapo’ pendarangan.

YEREMIA 38:4

Mebalimi tu mintu’ arung lako datu, nakua: Nake dipatei te tau iate, belanna iake susito naparaang tu penaanna mintu’ surodadu, tu torropa lan kota iate sia mintu’ to buda, ke napokadai lako tau iato mai tu kada susito, belanna iate tau iate tae’ nadaka’i tu kameloanna to buda, sangadinna napokadakena.

AMOS 5:10

Nakabiri’ tau iato mai tu tau untuntun apa tongan lan lu babangan sia natapa’ tu tau umpokada salunna.

MIKHA 2:11

Iake denni misa’ tau ma’kedo tang kebattuan sia ma’kada tang tongan, nakua: La kupa’nubuarangko tu diona uai anggoro’ sia pangiru’ palango –, iamoto tu nabinna bangsa iate.

MIKHA 2:7

Ma’dinraka dipokada tu kada susito, e bati’na Yakub! Kondi’raka tu kama’tanan penaanNa PUANG, susiraka to tu penggauranNa? Tang masokanraka tu kadangKu lako to malolo gau’na?

ZAKHARIA 11:8

Iatu to mangkambi’ tallu kuratoimo lan sangbulan, belanna tappumo tu kasa’barasangku lako sia nakanoka dukamo’ tu tau iato mai.

MATIUS 10:22

La nakabiri’komi mintu’ tau tu belanna sangangKu, apa minda-minda tu mengkabatta’ sae lako ma’katampakanna, iamo la dikarimmanni.

YOHANES 17:14

Kuparampomo tu kadamMi lako; anna kabiri’i issinna lino, belanna tae’ naalai bilangan lan te lino, susi Aku tae’ naalaNa’ bilangan lan te lino.

YOHANES 7:7

Tae’ nabelai tu issinna te lino la ungkabiri’komi, apa nakabiri’Na’ Aku, belanna Kukatottongi tu a’ganna, kumua kadake tu penggauranna.

GALATIA 4:16

Mipoualimora’ka totemo, tu belanna umpokadana’ tonganna lako kalemi?