1 DATU 22:6 - Sura' Madatu

⁶ Napasipulungmi datu to Israel tu mai nabi, agi-agi a’pa’ ratu’ tau, anna mekutana lako tau iato mai, nakua: La laoraka kurarii tu Ramot dio Gilead, da’i bangmiraka to? Mebalimi tu tau iato mai nakua: Laomokomi, belanna la Nasorong PUANG tu kota iato tama limanna datu.

1 DATU 22:6 ပူးပေါင်းရင်းမြစ်များ

1 DATU 12:9

Nakuami lako tau iato mai: Umbara susitu timbangammi la tabalianni te to buda, tu ma’kada lako kaleku nakua: La mipamaringngan tu pamaan mangka napapassanangkan ambe’mi!

1 DATU 18:19

Totemo suai tu tau umpasirampun mintu’ to Israel langngan buntu Karmel lako kaleku, sia nabi Baal a’pa’ ratu’ llimangpulo sola nabi Asyera a’pa’ratu’ tu biasa kumande dio medana Izebel.

1 DATU 18:20

Napa’pesuammi Ahab tu mintu’ to Israel sirampun sia narampun duka tu mintu’ nabi langngan buntu Karmel.

1 DATU 22:10

Pada unnisungmi dao isungan kapayunganna tu datu to Israel na Yosafat, datu to Yehuda, umpake pakean kamala’biranna dio rante panglulluran dio salian babangan Samaria, tonna marassan tu mintu’ nabi ma’nubua’ dio olona.

1 DATU 22:15

Iatonna saemo lako datu, ma’kadami tu datu lako nakua: E Mikha ma’dinrakannika lao urrarii Ramot, lili’na Gilead, ba’tu da’i bangmiraka to? Mebalimi nakua: Ke’de’mokomi, manassa la maupa’komi, belanna la Nasorong PUANG tama limanna datu.

1 DATU 22:5

Apa nakuapa tu datu Yosafat lako datu to Israel: Pekutananni dolo umba nakua tu kadanNa PUANG.

2 DATU 10:19

Iamoto tambai nasangmi tu mai nabi Baal sia iatu mai to umpengkaolai sia mintu’ to minaanna, moi misa’ tae’ tang la dioren, belanna la kupogau’ tu misa’ pemala’ kapua lako Baal. Minda-minda tang ma’dioren, tae’ nala dipatuo. Iate napogau’ Yehu ma’pakena bangri, kumua namangsanni nasangi tu to umpengkaolai Baal.

2 DATU 3:13

Apa ma’kada tu Elisa lako datu to Israel nakua: La siapariki’? Malemokomi lako tu mai nabinna ambe’mi sia lako tu mai nabinna indo’mi. Apa nakua tu datu to Israel lako: Da mima’kada susito, belanna Natambaimo PUANG tu datu tallu la Nasorong tama limanna to Moab.

2 OSSORANNA DATU 18:14

Iatonna saemo lako datu, ma’kadami tu datu lako nakua: E Mikha! ma’dinrakannika lao urrarii Ramot dio lili’na Gilead, ba’tu da’i bangmiraka to? Mebalimi nakua: Ke’de’mokomi, manassa la maupa’komi; iatu tau iato mai la disorong tama limammi.

YESAYA 36:10

Iamoto tang pangelorannaraka PUANG angku sae ullaoi te tondok sia ussanggangi? PUANGmo tu mangka ma’kada lako kaleku Nakua: Malemoko ullaoi tu tondok iato sia ussanggangi.

YEREMIA 5:31

Mintu’ nabi ma’nubua’ tang tongan sia mintu’ to minaa undi duka mesaro la’da’ sia mintu’ taungKu umporai tu iannato. Na apamora la mipogau’ ke katampakannai?

YEHEZKIEL 13:22

Belanna miparossomo tu penaanna to malambu’ tete dio kamo’rangan, moi natae’ Kupamasussai, sia mipamatoto’ tu limanna to tang mekaaluk, kumua da natibalik dio mai lalan kadakena, anna tuo.

MATIUS 7:15

Kanandaikomi kalemi dio mai nabi tang tongan, tu sae lako kalemi ma’rupa domba, apa lan penaanna susi guruk masuru.

2 TIMOTIUS 4:3

Belanna undinna la sae tu attu nanii tau tang untananni tu pangadaran tongan; belanna kamakattikanna talinganna anna rampunni lako kalena tu mai guru situru’ lalan pa’poraianna,

KADA OMBO’ LAKO RASULU’ YOHANES 19:20

Na iatu olo’-olo’ iato ditingkan sola nabi tang tongan tu umpabu’tu ba’tu pira-pira tanda kalle-kallean dio tingayona. Iamora napapusan mintu’ to untarima tanda olo’-olo’ iato sia to umpenombai rapang-rapang dipodeatanna, dipembuangan tuomi sola duai tama limbong api tu umpodukku solo’.