1 DATU 22:53 - Sura' Madatu

⁵³ Sia napogau’ tu apa kadake dio pentiroNa PUANG sia lolang unturu’ bate lalanna ambe’na sia bate lalanna indo’na sia bate lalanna Yerobeam, anakna Nebat, tu ussua to Israel, umpogau’ kasalan.

1 DATU 22:53 ပူးပေါင်းရင်းမြစ်များ

1 DATU 14:16

Sia la Nasa’biangan tu to Israel natumang kasalanna Yerobeam sia kasalan tu napa’pesuan lako to Israel umpogau’i.

1 DATU 16:7

Sae dukami tu kadanNa PUANG lako Baesa sia mintu’ bati’na, tu nalopian nabi Yehu, anakna Hanani, belanna mintu’ kakadakean napogau’ dio pentiroNa PUANG sia belanna penggauranna tu umpa’dikki penaanNa Puang, naurunganni iatu kedona susi bati’na Yerobeam, sia belanna ia dukamo mangka umpatei tau iato mai.

1 DATU 21:25

Inang tae’ lenpa tau susi Ahab umbaluk kalena la umpogau’ kadake dio pentiroNa PUANG, belanna nasede Izebel, bainena.

1 DATU 21:29

Mutiromoraka, kumua iatu Ahab umpamadiongan kalena dio oloKu? Belanna umpamadiongammo kalena dio oloKu, iamoto natae’ angKu la umparampoi kamandasan ke tuopi, sangadinna angge tuonapi anakna muane, Kumane umparampoi kamandasan tu bati’na.

2 DATU 1:2

Tobangmi tu Ahazia dao mai to’ tarali, dao mai bilik mengkadaoanna dio Samaria, anna masaki. Nasuami tu pesuanna sia ma’kada lako tau iato mai, nakua: Malekomi lako Baal-Zebub, deatanna to Ekron, la umpekutananni ba’tu la matana siara’ka dio mai te sakingku, tae’moraka.

2 DATU 3:2

Napogau’mi tu apa kadake dio pentiroNa PUANG, apa tae’ nasusi ambe’na sia indo’na; naputtai ia tu batu Baal dipodeata tu nagaragai ambe’na.

2 DATU 8:18

Unturu’mi bate lalanna mintu’ datu Israel, susi penggauranna to lan tongkonan layukna Ahab, belanna umpobaine anakna Ahab; napogau’i tu apa kadake dio pentiroNa PUANG.

2 OSSORANNA DATU 20:35

Undinnato sibassemi Yosafat, datu Yehuda, tu Ahazia, datu Israel; iatu Ahazia lolang tang mekaaluk.

PA’PUDIAN 106:29

Iamoto nanii umpatiludak kasengkeanNa Puang napobua’ penggauranna, naurunganni ma’kasolang-solang tu parri’ dio lu tau iato mai.

YESAYA 65:3

Tu misa’ bangsa tontong umpamagalli ara’Ku dio mempaanna belanna memala’ lan pa’lak sia mantunu dupa dao batu tela.

YEHEZKIEL 8:3

Napendondongammi tu misa’ apa tu susi lima rupanna, anNa dammakki sangdi’pu’ tu beluakku. Attu iato Naangka’na’ Penaa langngan lan kasiallaranna lino na langi’, anNa baana’ lako Yerusalem lan patiro mendeata, tu Napaombo’ Puang Matua, lako lalan tama babangan rampe lanna lu, tu mentingo rekke, tu nanii te’dek rapang-rapang dipodeata, iamotu pareanan kamangimburuan, tu umpabu’tu kamangimburuan.