1 DATU 22:5 - Sura' Madatu

⁵ Apa nakuapa tu datu Yosafat lako datu to Israel: Pekutananni dolo umba nakua tu kadanNa PUANG.

1 DATU 22:5 ပူးပေါင်းရင်းမြစ်များ

1 DATU 22:4

Nalako Yosafat nakua ma’kada: Morairokomika tamale sola urrarii Ramot dio Gilead? Mebalimi tu Yosafat lako datu Israel, nakua: Umba mipasusi susi dukana’ to, iatu bangsami susi dukato tu bangsaku na iatu mai darangmi susi dukato tu darangku.

1 DATU 22:6

Napasipulungmi datu to Israel tu mai nabi, agi-agi a’pa’ ratu’ tau, anna mekutana lako tau iato mai, nakua: La laoraka kurarii tu Ramot dio Gilead, da’i bangmiraka to? Mebalimi tu tau iato mai nakua: Laomokomi, belanna la Nasorong PUANG tu kota iato tama limanna datu.

2 DATU 1:3

Apa ma’kada tu Malaeka’Na PUANG lako Elia, to Tisbe, nakua: Ke’de’moko, mumale umpessitammui tu pesuanna datu Samaria, sia ma’kada lako tau iato mai, kumua: Tae’raka Puang Matua dio lu to Israel, ammi malera mekutana lako Baal-Zebub, deatanna to Ekron?

2 DATU 3:11

Ma’kadami tu datu Yosafat nakua: Tae’raka nabinNa PUANG inde te, tu la tapotete mekutana lako PUANG? Mebalimi tu misa’tomase’ponna datu to Israel nakua: Inde siate tu Elisa, anakna Safat, tu umbolloi limanna Elia.

1 OSSORANNA DATU 10:13

Susimoto tu kamateanna Saul, belanna tang maruru’ lako PUANG sia belanna tae’ napalan penaai tu kadanNa PUANG, ondongpi male mekutana sia umpalaku pa’timbangan lako bombo to mate,

YEREMIA 21:2

La mekutanakomi lako PUANG tu diona kami, belanna Nebukadnezar, datu Babel urrariikan; den sia manii apa napogaurangkan PUANG tu mintu’ apa memangngan susi dolona, napourungi sorong boko’ tu datu iato dio mai kaleki.

YEHEZKIEL 14:3

E ma’rupa tau, iate tau iate mai napalanpa penaanna tu rapang-rapang dipodeata sia napatulangdan sipatu lindona tu katitodoan sae lako tobang rokko kakadakean; ma’dinparaka la Kueloran tu tau iato mai sae mekutana lako Kaleku?

KADIBILANGAN 27:21

La bendan dio olona to minaa Eleazar anna pekutananni to minaa Eleazar tu pangra’ta’na Urim dio oloNa PUANG. Anna tete dio parentaNa anna lu tama lu lan mai tu tau iato mai, la ia la iatu mintu’ to Israel nasisolan, sia mintu’ kasirampunan.

YOSUA 9:14

Ta’kala naalami to Israel tu kinallona tau iato mai, apa tae’ namekutana tu diona kadanNa PUANG.

TO PARENGNGE’ 1:1

Iatonna matemo tu Yosua, mekutanami tu to Israel lako PUANG, nakua: Mindarakan tu la male dolo urrarii to Kanaan.

TO PARENGNGE’ 20:18

Ke’de’ nasangmi tu mintu’ to Israel lako Betel, tu nanii mekutana lako Puang Matua, nakua: Mindannarakanni la male dolo sirari to Benyamin? Mebalimi tu PUANG Nakua: Yehuda dolo.

TO PARENGNGE’ 20:23

Malemi tu to Israel, anna tumangi’ dio oloNa PUANG sae lako makaroenna, anna mekutana lako PUANG nakua: Ma’dinra’ka la male pole’ sirari bati’na Benyamin, siulu’ku? Nakuami PUANG: Ke’de’mokomi urrarii.

TO PARENGNGE’ 20:29

Ta’kala napatikuimi to Israel ba’tu pira-pira to mangamu’ tu Gibea.

1 SAMUEL 14:18

Ma’kadami tu Saul lako Ahia, nakua: Baai mai tu pattinNa Puang Matua; belanna attu iato iatu pattinNa Puang Matua dio lu to Israel.

1 SAMUEL 23:2

Mekutanami Daud lako PUANG, nakua: Ma’dinra’ka la male untaloi tu to Filistin? Nakuami PUANG lako Daud: Malemoko, ammu taloi tu to Filistin, murampananni tu tondok Kehila.

1 SAMUEL 23:4

Mekutana pole’omi tu Daud lako PUANG, anNa balii PUANG nakua: Ke’de’moko musolo’ rokko Kehila, belanna mintu’ to Filistin la Kusorong tama limammu.

1 SAMUEL 30:8

Mekutanami tu Daud lako PUANG, nakua: Ma’dinraka kuula’i tu kaponan iato? La kulambi’ siaparaka? Nabalimi Puang nakua: Ula’imi, belanna la mulambi’pa sia manassa la murampanan nasang.