1 DATU 22:4 - Sura' Madatu

⁴ Nalako Yosafat nakua ma’kada: Morairokomika tamale sola urrarii Ramot dio Gilead? Mebalimi tu Yosafat lako datu Israel, nakua: Umba mipasusi susi dukana’ to, iatu bangsami susi dukato tu bangsaku na iatu mai darangmi susi dukato tu darangku.

1 DATU 22:4 ပူးပေါင်းရင်းမြစ်များ

1 DATU 22:29

Mangkato ke’de’mi tu datu to Israel sola Yosafat, datu to Yehuda, la urrarii Ramot, lili’na Gilead.

1 DATU 22:5

Apa nakuapa tu datu Yosafat lako datu to Israel: Pekutananni dolo umba nakua tu kadanNa PUANG.

1 DATU 4:13

na Ben-Geber dio Ramot dio Gilead, tu umparenta mintu’ tondokna Yair, anakna Manasye dio Gilead sia mintu’ lili’na Argob dio Basan, annanpulona kota kapua tu dirinding tembo’ sia disalli’ tambaga;

2 DATU 3:7

Mesuami lako Yosafat, datu to Yehuda, nakua: Iatu datu to Moab memboko’mo dio mai kaleku; morairokomika take’de’ sola urrarii? Mebalimi nakua: La malena’, umba-umba mipasusi susi dukana’ to, iatu bangsami susi dukato tu bangsaku na iatu mai darangmi susi dukato tu darangku.

2 OSSORANNA DATU 18:3

Ma’kadami tu Ahab datu Israel, lako Yosafat, datu Yehuda, nakua: Morairokomika tamale sola lako Ramot dio lili’na Gilead? Mebalimi lako nakua: Umba susimmi, susi dukana’ to, iatu bangsami susi dukato tu bangsaku; la maleki’ sola tama kasirarian.

2 OSSORANNA DATU 19:2

Malemi tu Yehu, anakna Hanani, umpessitammui, anna ma’kada lako datu Yosafat nakua: Sipaturokomika untundui tu to tang mekaaluk sia sisangmane to ungkabiri’ PUANG? Iamoto narampoikomi kare’dekan ara’na PUANG.

SARAMBU PEADA’ 13:20

Minda-minda sikabiasa to kinaa, manassa la kinaa; apa minda-minda tu sikadamak tobaga, manassa la mengkadake.

1 KORINTUS 15:33

Da mipusa: iatu ulelean ma’kapettok untumang gau’ melo.

EFESUS 5:11

Sia da mitamai tu mai gau’ kamalillinan, tu tang umpabu’tu melo, sangadinna sipatu la mipasala,

2 YOHANES 1:11

Belanna minda-minda umbenni passalama’, manassa natamai tu penggauran kadakena.

KADA OMBO’ LAKO RASULU’ YOHANES 2:26

Na iatu to patalo, sia ungkaritutui mintu’ pengkarangangKu sae lako ma’katampakanna, la Kuben kuasa ungkuasai mintu’ to kapere’;